rinasi

Tarifat e larta me të cilat operon koncesionari i Rinasit, të cilat reflektohen edhe në çmimet e biletave dyshohet se janë favorizuar edhe nga mosveprimi i institucioneve të linjës.

Kjo pasi  që prej vitit 2018 ka patur një rekomandim nga Autoriteti i Konkurrencës drejtuar qeverisë shqiptarë për t’i kërkuar kompanisë zbatimin e një pike  të kontratës, që parashikon rishikmimin e tarifave një herë në 3 vjet. Por këto rekomandime kane mbetur vetem ne leter.

Reforma territoriale e konstestuar vazhdimisht nga opozita si një reformë e bazuar më shumë në një hartë elektorale sesa në një ndarje me karakter ekoenomik,  më në fund ka dalë si pengesë edhe për vetë qeverisjen vendore të mazhorancës. Kryebashkiaku i Tiranës Erion Veliaj në cilësinë e kryetarit të Shoqatës për Autonominë Vendore, propozoi gjatë një dëgjese në Komisionin e Ligjeve rishikimin e ndarjes së re territoriale, në mënyrë që Aeroporti i Rinasit të jetë pjesë e Tiranës dhe jo e Fushë-Krujës.

Sot është publikuar një lajm sipas të cilit Policia Mbretërore Holandeze do të trajnojë policët dhe punonjësit e aeroportit “Nën Tereza”. Arsyeja jepet pak a shumë kështu:

Sot Policisë së Shtetit, Ministrisë së Brendshme dhe titullarit të saj, Sajmir Tahiri, i ka ardhur në ndihmë media. Një raport i publikuar fillimisht nga “Top-Channel” për një testim të kryer në perimetrin e aeroportit të Rinasit ka bërë xhiron e të gjitha mediave, në funksion të një qëllimi: përgjegjësinë për sigurinë në një hapësirë të caktuar të aeroportit të Tiranës, me përkufizim Objekt i Rëndësisë së Veçantë – e kanë disa firma nënkontraktore private që kanë neglizhuar sugjerimet e Autoritetit të Aviacionit Civil dhe të Policisë së Shtetit.

Marrëveshja për heqjen e ekskluzivitetit për aeroportin e Rinasit ka mbërritur në Kuvendin e Shqipërisë. “ABC NEWS” raporton diçka për përmbajtjen e marrëveshjes që kushtëzon heqjen e ekskluzivitetit në Rinas me zgjatjen e kontratës për çdo hapje aeroporti tjetër përveç atij të Kukësit. “Marrëveshja për heqjen e eskluzivitetit të Rinasit parashikon se, përveç Aeroportit te Kukësit, për çdo aeroport tjetër që vihet në punë, afati i konçesionit do të zgjatet deri në 4.5 vite.

Sot Ministria e Transporteve ka njoftuar arritjen e marrëveshjes me “Tirana Airport Partners” për heqjen e ekskluzivitetit të fluturimeve. Ministr Edmond Haxhinasto ka bërë të ditur se menjëherë do të hapet aeroporti i Kukësit, në këmbim të të cilit TIA-s i është zgatur me dy vjet kontrata konçesionare. Zgjatje kontrate do të ketë edhe nëse qeveria mendon të hapë aeroporte të reja, por e rëndësishme është që bie situata monopol që ka ndëshkuar rëndë qytetarët shqiptarë me çmimet e kripura.

Sot doli në media Arben Ahmetaj me një sihariq: Qeveria shqiptare ka arritur marrëveshjen për liberalizimin e fluturimeve ndërkombëtare me koncesionarin e Aeroportit “Nënë Tereza”.  “Ministria e Transporteve dhe ajo e Zhvillimit Ekonomik kanë firmosur pjesën e tyre të marrëveshjes për liberalizimin. Dua të ndaj me ju, faktin që dokumenti gjendet për procedurë në bordin e koncesionarit, për të ardhur në qeveri e më pas në Parlament, sepse është mbyllur me sukses negociata, është realizuar heqja e ekskluzivitetit me rreze 100 km, duke përjashtuar Vlorën.

Qeveria shqiptare ka arritur që të negociojë ekskluzivitetin e konçesionarit të Rinasit për të hapur kështu rrugën e vënies në punë të aeroporteve të reja. Një lajm i mirë padyshim ky dhe kjo për meritë të qevërisë shqiptare e cila nuk ka asnjë përgjegjësi për konçesionin që mban firmën e Fatos Nanos. “Vizion Plus” raporton diçka mbi termat e marrëveshjes së re që lejon hapjen e aeroportit të Kukësit.