referendumi

"Do t'i tregoj Shqipërisë se nuk është koha për ta përçmuar Rilindjen, por për ta rrëzuar". Me këtë fjali ka reguar Ben Blushi pas shpalljes së rezultateve të referendumit për kryetarin e Partisë Socialiste.

Politika flet gjithmonë në emër të popullit. Kësaj radhe foli populli për politikën. Natyrisht me vote dhe pjesëmarrje. Referendumi i Partisë Socialiste që u mbajt këtë të dielë ka një veçori sepse mobilizoi atë që mund të quhet populli pushtetar, i cili është vështirë të angazhohet në kauza partiake ndryshe nga populli opozitar që me një fërshëllimë mblidhet në seli apo në shesh. Dhe me pjesëmarrje thuajse plebishitare u vendos që kryetari ka të drejtë.

PS mban sot referendumin për kryetarin, për rezultatin e të cilit nuk ka asnjë dilemë dhe sipas mbështetësve të votës pro, më shumë rëndësi ka pjesëmarrja sesa verdikti i popullit pushtetar. Kjo pasi, një pjesëmarrje më pak se 50% e anëtarësisë e bën automatikisht nul referendumin. PS ka të regjistrua rreth 81 mijë anëtarë dhe miimalisht 40 mijë duhet të votojnë. Sfidën më të madhe e ka këshuar jo ai që është protagonist në këtë referendum, por një ministër, cili ka vendosur bast qëndrimin e tij në politikë, nëse pjesëmarrja në referendum do jetë më pak se 50%.

Një ditë para referendumit në PS, deputetja e Shkodrës, Mimoza Hafizi, duke e cilësuar atë një farsë të kryeministrit, u është drejtuar me një apel socialistëve, të mos bëhen pjesë e farsës, të mos kenë frikë dhe të mos lejojnë që të përdoren.
Në një deklaratë për mediat, Hafizi theksoi se thirrja e referendumit nuk ka të bëjë me asnjë nga shqetësimet reale të socialistëve, as me qeverisjen, as me arsimin, as më punësimin dhe pagat më të larta, as me nevojën për një administratë më të përkushtuar e as me demokracinë në PS.

Disa deputetë të Partisë Socialiste e kanë quajtur referendumin e brendshëm të 9 prillit si shenjë demokracie. Por jo të gjithë mendojnë kështu. Kundërshtari i vijës aktuale politike, Ben Blushi, paralajmëroi manipulime të mëdha në një referendum që nuk pati fushatë. “Ky referendum është një "PaRama Papers", pasi ka falsifikim për të grabitur mandatin. Ky referendum është një akt i pashembullt. Edi Rama do të mbahet mend për shumë budallallëqe”, ka thënë Blushi, duke kujtuar se procesi nuk ka monitorues.

Data 9 prill sjell në skenën politike të Shqipërisë, mbajtjen e referendumit të PS. Ka gjasa të shumta që referendumi do të jetë thjesht dhe vetëm një formalitet. Vetë kongresi i kësaj partie, mbajtur më 19 mars të këtij viti, formalizoi me unanimitet të plotë statutin e ri, madje me votim të hapur dhe spektakolar, mbi 99 %, gjë që gati e kishim harruar. Delegatët e shumtë në Pallatin e Kongreseve, ngrinin duart sa më lart që të ishte e mundur, për të dhënë votën e tyre dhe pastaj, nga presidiumi numëroheshin kartonat.

Deputetët socialistë po e prezantojnë referendumin për mandatin e kryetarit si një ushtrim për demokracinë e Shqipërisë. Fushata është marrë përsipër nga deputetë të tipit Taulant Balla apo Blendi Klosi, seicili me kontribute te njohura kryesisht në afirmimin e kryetarit. Ja se çfarë u tha Taulant Balla socialistëve të Pogradecit "Ky referendum i rëndësishëm për demokracinë në vendin tonë. Kongresi vendosi qe përmes këtij referendumi të votojë antarësia dhe është e rëndësishme që çdo socialist në Pogradec dhe gjithë Shqiperinë të marrë pjesë në datën 9 në referendum.

Ben Blushi ka deklaruar sot se procesi referendar në Partinë Socialistë është i trukuar. Fakti që nuk ka fushatë e provon një fakt të tillë dhe për këtë arsye, kongresi i fundit konfirmoi vrasjen e të drejtës së votës në PS. Nga data e referendumit mbeten vetëm 10 ditë, por nga sa është përcjellë në media, asgjë nuk është bërë për të lobuar mbi anëtarësinë socialiste.

Protesta e vazhdueshme te Parku i Liqenit dhe kundërpërgjigja policore po krijojnë dy llogore që luftojë për një kauzë që nuk po duket reale. Fjala është për një kënd lojërash për fëmijet, i cili në fakt, nisur nga pamjet i ka hapur rrugën hedhjes së betonit në një zonë të gjelbëruar, e fundit e mbetur disi e imunizuar nga ngjyra gri.

Duke iu referuar nenit 45 dhe 72 të statutit të PS sipas të cilit referendumi zhvillohet me iniciativë të Asamblesë Kombëtare, me vendim të Kongresit të PS dhe me kërkesën e 1/3 të anëtarësisë së partisë, deputetja Mimoza Hafizi kërkon pavlefshmërinë e thirrjes së referendumit për mandatin e kryetarit.