raporti

Zgjedhjet e 25 Qershorit ishin njësoj si zgjedhjet e mëparshme të vitit 2013. Kjo është rezumeja e gjithë misionit vëzhgues të OSBE-ODIHR-it. "U zhgënjeva pak, pasi prisja që këto zgjedhje ishin më të mira, por janëe njësoj si zgjedhjet e mëparshme. Të mira mjaftueshëm për të pasur stabilitetin e mjaftueshëm në këtë vend për të krye detyrën” nënvizoi koordinatori i misionit te OSBE-se, Robert Batelli.

Top-Channel raporton sot për një raport të Antidrogës italiane për vitin 2016 nga i cili rezulton se trafiku i marijuanës nga Shqipëria drejt Italisë është rritur me 347.15%  krahasuar me vitin 2015. Sipas këtij dokumenti, droga e tipit marijuanë është dërguar nga Vlora me gomone, ose ga Durrësi përmes portit me anijet e linjës, një tregues ky që flet për bashkëpunim dhe struktura të mirëorganizuara.

Qeveria shqiptare ka marrë kritita nga Komisioni Europian lidhur mosrealizimin e shpenzimeve buxhetore vitet e fundit. Në një raport të KE-së vijnë kritika për dështimin e vazhdueshëm të Shqipërisë në invstimet publike. Rënia e shpenzimeve sipas KE–së, është ndikuar nga interesat e ulëta të borxhit. 

Kontrolli i Lartë i Shtetit raporton se administrata publike i ka shkaktuar taksapaguesve 169 milionë euro dëme në katër muajt e parë të këtij viti. Buletini i sapopublikuar i Auditit përfshin periudhën janar-prill të këtij viti. KLSH vlerëson se pjesa më e madhe e këtij dëmi, 162 milionë euro vjen nga mosarketimi korrekt i të ardhurave që duhet të shkonin në arkën publike, ose nga abuzimi me shpenzimet e kryera nga administrata, ndërsa pjesa e mbetur prej 7.1 milionë euro i takon parregullsive dhe shkeljeve financiare nga institucionet e audituara.

“The Associated Press” ka publikuar së fundmi një raport mbi mbulimin që përfaqësuesit e saj i kanë bërë zhvillimeve në Gjermaninë naziste në vitete 1933 – 1945. Raporti është i shfrytëzueshëm online dhe ai është shkruar bazuar mbi arkiva të AP-së, dëshmi të kohës, por edhe fonde arkivore të ushtrisë amerikane. “AP dhe Gjermania Naziste(1933-1945). Informimi mbi Tiraninë”, titullohet  punimi i cili ka marrë shtysë nga kritikat e historianes  Harriet Scharnberg.

Gjermania dhe politikanët e saj predikojnë integrimin dhe Europën, por kur vjen puna tek interesat, në veprim vihen ligjet nacionale. Euobserver raporton se skandali i Volksvagen, i njohur si Dieselgate, po trajtohet në mënyrë favorizuese nga parlamenti i këtij vendi. Në një raport që nga kjo gazetë pretendohet se është parë, dhoma e ulët e Parlamentit gjerman, vlerëson se qeveria gjermane nuk ka përgjegjësi për abuzimet e kompanisë së njohur, e cila mashtronte me normat e emetimit. Ndërkohë një hetim i nisur nga Parlamenti Europian ka dalë në tjetër përfundim.

Me normën e lartë të papunësisë, korrupsionit, erozionit i shtetit të demokracisë dhe sundimit të ligjit, shpesh me ndërhyrjen e Rusisë në punët e shtetit, Ballkani Perëndimor duhet të mbështetet fuqishëm në integrimin e tij euroatlantik”-thuhet në draft raportin e fundit të Asamblesë Parlamentare të NATO-s.Komiteti i Ekonomisë dhe Sigurisë së Asamblesë Parlamentare të NATO-s ka hartuar draft raportin me titull "Tranzicioni ekonomik në Ballkanin Perëndimor. Një vlerësim në prill të vitit 2017”,  i shkruar nga Richard Benyon, raportues për Mbretërinë e Bashkuar nga Partia Konservatore.

Abuzime me donacionet, me tenderat, blerje pa fatura tatimore. Janë këto disa prej shkeljeve ligjore të konstatuara nga një auditim i kryer nga Ministria e Financave në Ambasadën tonë në Turqi.Sipas raportit ambasada nuk ka zbatuar procedurat ligjore dhe nënligjore në fushën e prokurimit publik për blerjet për mallra, shërbime apo punë të ndryshme. Pagesat janë kryer kryesisht me arkë dhe pjesërisht me bankë, ndërkohë që në mandat pagesat e arkës nuk ka nënshkruar personi që ka tërhequr paratë.

Në 6 vitet e fundit të gjitha vendet e Ballkanit Perëndimor bashkë, kanë krijuar 300 mijë vende të reja pune. Në një raport të Bankës Botërore rezulton se Shqipëria ka rritur me 3% punësimin, ku nga 50% që ishtë kjo shkallë në 2013- ën, në fund të 2015-ës shkoi në 53%. 
Megjithatë, Banka thotë se një pjesë e mirë e numrit të të punësuarve kanë ardhur si rezultat i futjes në skemën e sigurimeve shoqërore, edhe pse nënvizon se Shqipëria dhe Kosova vazhdojnë të kenë një shkallë të lartë informaliteti në këtë drejtim. 

Shqipëria mbetet një ndër vendet prodhuese më të rëndëishme për marjuanën por edhe rrugë tranziti për kokainën dhe heroinën e destinuar për tregun europian. Ky është vlerësimi që jep Departamenti Amerikan i Shtetit në raportin për vitin 2016 mbi ludtën kundër prodhimit dhe trafikimit të drogës. Në raportin e sapopublikuar vërehet se vitin e kaluar pati shtim të plantacioneve me kanabis në vend, pavarësisht se autoritetet shqiptare raportuan rritjen e numrit të të arrestuarve dhe rasteve të shkatërrimit të plantacioneve me kanabis.