rama

Partia Socialiste po bën fushatë duke u kërkuaar votuesve qeverisjen e vendit vetëm. Në disa dalje rresht, kryeministri dhe deputetë të ndryshëm të saj po u flasin njerëzve për “shansin që ta mbajmë vetëm timonin”. Në intervistën e fundit në Top-Story, Edi Rama akuzoi hapur partitë e vogla si plaçkitëse të shtetit, me një praktikë që sipas tij duhet të marrë fund. Më tej akoma ai ka deklaruar se ministrat e rinj të propozuar nga PD-ja, do të jenë në detyrë deri më 26 qershor, nëse PS-ja fiton e vetme 71 mandate.

Të gjithë kanë hyrë në fushatë. Edhe miku i dikurshëm i Edi Ramës, Kokëdhima. I cili po bën thirrje për bojkot nisur nga fakti se sipas tij, pazari PS-PD e çon Shqipërinë në sundimin e 3-4 njerëzve. Në një fjalë me socialistët e Sarandës, publikuar në faqen e tij në Facebook, Kokëdhima afirmohet si ndoshta opozitari më i madh sot ndaj pushtetit, kur ndër të tjera thotë:

Lulzim Basha ka nisur fushatën elektorale duke patur si qendër sulmi LSI-në e Ilir Metës. Basha bërtet me të madhe duke bërë të qartë se koha e kalimit majtas dhe djathtas ka ikur. Në këtë qëndrim të tijin shtohet edhe qëndrimi I kryeministrit dhe PS-së që po këmbëngulin përditë e më shumë për “timonin që e ngasin një palë duar”.

Kryeministri Rama ka lënë të kuptohet se është kundër një debati televiziv me kryetarin e Partisë Demokratike, Lulzim Basha. I pyetur në emisionin Opinion për ftesën e kreut të opozitës, Rama i devijoi përgjigjes së drejtëpërdrejtë, duke bërë një interpretim jashtë thelbit të pyetjes.
“Debatet unë i bëj me ty. Ti je përfaqësues i kontinuitetit. Je Saliu dhe Luli bashkë”, tha Rama, mesa duket duke refuzuar kështu ftesën e Bashës. Kryetari i PD-së i ka bërë thirrje të vazhdueshme kryeministrit të ballafaqohen në një debat televiziv por këtë mesa duket nuk do ta shohim. 

Kryeministri Edi Rama ka sqaruar sesi do të jetë përbërja e qeverisë pas zgjedhjeve të 25 qershorit. I ftuar në emisionin “Opinion” në Tv Klan, Rama tha se:

“Në rast se 25 qershori do zgjedhë PS-në në krye të qeverisë ata s’do të jenë më ministra. Ata janë ministra teknikë dhe do largohen nëse fitojmë zgjedhjet”, tha Rama. Kryeministri e ka kushtëzuar pra largimin me rezultatin elektoral dhe jo me mandatin e tyre si ministra teknikë.

Ministria teknike e Financave i ka kërkuar Prokurorisë procedimin penal per Kliton Bistrin, inspektor i hetimit tatimor, me atributet e oficerit të policisë gjyqësore, për të cilin ministrja teknike Helga Vukaj urdhëroi shkarkimin me 29 maj. Procedimi është kërkuar pasi sipas ministres teknike, në kundërshtim flagrant me ligjet në fuqi si dhe me udhëzimin e Kryeministrit, ka marrë pjesë në aktivitete partiake gjatë fushatës elektorale. Sipas ministrisë, veprimi i tij është në shkelje të hapur të Kodit Penal të Republikës së Shqipërisë.

Edi Rama dhe Lulzim Basha janë në marrëveshje për ndryshime Kushtetuese pas zgjedhjeve, reformë zgjedhore dhe një qasje të unifikuar qeveri-opozitë për integrimin Europian të vendit. Na u tha se kjo marrëveshje hap një faqe të re në kulturën politike të vendit, ku sipas kryeministrit në detyrë pas zgjedhjeve takimet me kryetarin e opozitës do të jenë periodike dhe informuese në funskion të një zëri të unifikuar për çështjet e afrimit me BE-në.  

Lista e kandidatëve të Partisë Demokratike publikuar mbrëmë natën nga kryetari Lulzim Basha ka provokuar debate. Largime të disa personazheve publikë, përfshirje aleatësh dhe emra krejt të rinj. Lista nuk ka sesi të befasojë më shumë sesa emrat e ministrave që Basha propozoi së fundmi. Ata janë ose njerëz të afërt me PD-në, ose ish-drejtorë, pra njerëz të parasë dhe pushtetit financiar të qeveirijes së Berishës, ose zgjedhje personale e kryetarit. Shikoni emrin e Grida Dumës në Tiranë dhe kujtoni për analogji sesi Elisa Spiropali përfshihet në listat e Korçës nga PS-ja.

Ministria e Mbrojtjes përcolli njoftimin zyrtar lidhur me samitin e NATO-s që u mbajt në Bruksel, ku mori pjesë edhe presidenti amerikan Donald Trump.  Teksti zbardh edhe një pjesë të axhendës së takimeve dhe fjalës së kryeminitrit shqiptar Edi Rama në këtë samit, ku sipas Ministrisë së Mbrojtjes theksi u vu te kërcënimi i vendeve të Ballkanit nga aktorë të tretë, duke nënkuptuar Rusinë.

Ilir Meta përcaktoi një tavan, mbi të cilin asnjë parti shqiptare, sipas tij, nuk do mund të ngjitet në këto zgjedhje. Ky tavan, sipas tij, ishte baraz me 53 deputetë. Kuptohet, jemi në betejën propagandistike të shifrave (nëse këtë tavan do ta linte më të lartë, i binte që të mos mbetej gjë për LSI-në). Është një betejë që do ta bëjnë edhe partitë e tjera. Madje, Partia Socialiste e ka filluar përpara tij. “Synojmë të marrim 71 deputetë”, është dëgjuar Rama të thotë më shumë se njëherë. Dhe është e qartë se kemi të bëjmë me një wishful thinking.