ps

Një test i parakohshëm për "reformatorët" e drejtësisë

Postuar në 22 Tetor, 2017 10:27

Një numër i madh i atyre që ditët e fundit, në një mënyrë apo një tjetër, i kanë dalë në mbështetje Sajmir Tahirit, shfaqin një tipar të përbashkët: një indiferencë shembullore ndaj pyetjes, nëse ai është me faj apo jo për akuzat që i janë ngritur. Me një zell prej komsomolasish, sheh të rreshtuar militantë partie por edhe figura publike që i bien papushim daulleve të betejës për të mbrojtur Tahirin me çdo sakrificë. Paradoksalisht, në disonancë totale me mesazhin fillestar të liderit suprem, që la të kuptonte që Tahiri do lejohej ti nënshtrohej testit të drejtësisë. 

Çfarë e ardhme për PS-në?

Postuar në 21 Tetor, 2017 21:25

Përfaqësuesit e Partisë Socialiste në Këshillin e Mandateve votuan kundër heqjes së imunitetit për deputetin Sajmir Tahiri që do t’i hapte rrugën arrestimit të tij. Në vend të kësaj është dhënë dakordësia për hetimin dhe kontrollin e banesës. Në këtë situatë që po i del nga kontrolli politikës, përkatësisht PS-së, ka pak rëndësi aspekti juridik i çështjes. Tahiri vetë pranoi përgjegjësinë morale dhe politike duke dalë dhe pranuar si fakt përgjimin dhe duke u vënë në dispozicion të transparencës.

Basha: Tahiri ka fakte që implikojnë Ramën

Postuar në 19 Tetor, 2017 13:25

PS ka vendosur një status neutraliteti ndaj Tahirit, pas përgjimeve në dosjen Habilaj ku përmendet emri i ish-ministrit të Brendshëm. As mbrojtje dhe as distancim i qartë, qëndrim që hamendësihet se  është i kushtëzuar nga marrdhënia e Edi Ramës me ish-ministrin e tij, njëkohësisht edhe drejtues i Partisë Socialiste të Tiranës.

Rotacion pushteti me zv/ministra brenda PS

Postuar në 07 Tetor, 2017 20:37

Jo pa qëllim kryeministri Rama prezantoi në Asamblenë Kombëtare të Partisë Socialiste zv/ministrat e rinj, ose ajo që mund të quhet “garda” e dytë e pushtetit.  Bëhet fjalë për 33 emra që i bashkohen qeverisjes së Partisë Socialiste në nivel zv/ministrash.

Shumica janë emra të panjohur ose të paafirmuar më parë si figura politike të kësja partie, çka nënkupton edhe hyrjen e PS në një fazë rotacioni. Nga zv/ministrat e vjetër, Rama ka mbajtur në detyrë vetëm Petro Koçin te Ministria e Mbrojtjes i cili do të jetë i vetëm si zëvendës i Olta Xhaçkës.

PS-ja, zyrtarisht në regjim kazerme

Postuar në 27 Shtator, 2017 09:40

Dje Partia Socialiste u dhuroi atyre shqiptarëve që patën nerva ta ndjekin, një shfaqje tipike të atyre takimeve të hapura që ishin harruar prej dekadash. Njerëz që mblidhen me shqetësimin e madh për ecurinë e punëve të Shqipërisë, a thua gjërat e rëndësishme vendosen në mbledhje të kësaj natyre.

Lehtësia me të cilën imponohet në media kjo hipokrizi, është edhe metri i vërtetë i arrogancës ku ka mbërritur pushteti aktual.

Më mirë deputet apo koordinator?

Postuar në 26 Shtator, 2017 20:22

Ju kujtohet projekti për zyrat e deputetëve socialistë në rrethe në vitin 2013. (Po shkrihen në një zyrë të vetme në vitin 2017! ) U kthyen në zyra pune, por funksionuan vetëm në momentin e fillimit, sepse vendet në administratë janë të kufizuara. Deputetët duke mos pasur akses në qeveri dhe administratë nuk arrinin të zgjidhnin asgjë, madje edhe hallet e tyre. Disa prej tyre ikën dhe bënë parti, të tjerë shpërthenin herë pas here në Kuvend, duke u kthyer në një problem për qeverisjen e majtë.

Sikletet e një mbledhje live të PS (Video)

Postuar në 26 Shtator, 2017 12:19

Partia Socialiste në pushtet ka dhënë këtë të martë një tjetër shfaqje estetike të bashkëqeverisjes me qytetarët, duke zhvilluar mbledhjen e grupit parlamentar me dyer të hapura, kuptohet nën kujdesin dhe urdhërin e  kryeministrit që ky aktivitet  të transmetohej direkt në Facebook-un e tij.

Rrafshnalta e llumit

Postuar në 23 Shtator, 2017 16:30

Për të shkruar këtë tekst jam menduar me dhjetra herë, por gjithmonë jam tërhequr në momentin e fundit; sepse kur ngjarjet janë në zhvillim e sipër, me shumë mundësi ndodhë të përfshihesh emocionalisht, duke gabuar në thelbin e vlerësimit. Për më tepër kur vet protoganistët e zhvillimeve politike i ka përfshirë kaosi dhe nuk janë në gjendje të orientohen në mjegullën që është shpërndarë në krejt hapësirën opozitare.

Luftë korrupsionit me korrupsion

Postuar në 21 Shtator, 2017 12:36

Zgjedhjet e 25 qershorit duket se nuk kanë ndryshuar asgjë në thelb. Lëvizjet politike të ditëve të fundit, nëse mund të quhen të tilla, japin thjesht dhe qartë idenë e një skematizimi tradicional: PD-LSI përballlë PS-së. E paqarta këtu mbetet Lulzim Basha dhe roli i tij i dyzuar në raport me detyrimet e një marrëveshjeje që e shijon shumë dhe domosdoshmërisë për të bërë opozitë.

Sa për të tjerët, bashkëpunimi është  dukshëm. 

Këmbora e shurdhuar e antikomunizmit

Postuar në 16 Shtator, 2017 16:56

Partia Demokratike ka shpikur së fundmi një “betejë” mediatike që synon të pajtojë atë me karrocën e antikomunizmit. Një temë e vjetër në këtë tranzicion të gjatë, e kompromentuar dhe tallur nga kjo parti. 
Si nxitje për këtë “argument” oksigjenues për PD-në është prishja e një kulle në veri të vendit, që sipas PD-së është e Prek Calit të cilin ajo e cilëson si antikomunist. 
Grotesku vazhdon edhe më tej me një status të numrit tre të PD-së, Edi Paloka që gjen rastin të denoncojë sjelljen e deputetit Tomë Doshi. 

Pages

Subscribe to RSS - ps