protesta

A është e vërtetë që "Politekniku nuk është pronë e askujt", siç thotë në një deklaratë partia në pushtet, SYRIZA? Dhe a është e vërtetë se "mashtrimet e njollosin Politeknikun", siç tha një deputet i parlamentit nga e njëjta parti? Ndërkohë, kreu i Parlamentit, Nikos Voutsis, tha se “Politekniku nuk mund t’ua mbyllë dyert atyre që e respektojnë trashëgiminë e tij. Dyert e mbyllura janë shenjë e veshëve të shurdhër dhe horizonteve të kufizuara”.

10 000 studentë protestuan në Athinë dje në përkujtim të 17 nëntorit, që shënon rënien e juntës ushtarake. Mediat greke përcollën imazhe të përleshjeve mes studentëve dhe policisë përherë në të famshmin Universitet Politeknik që është shndërruar në një llojë zone përtej establishmentit politik grek. 

Qeveria e Edi Ramës përballet aktualisht me dy protesta aktive në Tiranë. E para është protesta disa mujore për mbrojtjen e Teatrit Kombëtar dhe e dyta është protesta e banorëve në zonën e Astirit.

Nëse e shikon nga pikëpamja e përgjithshme protesta e banorëve të Astiri-it në Tiranë nuk ka shumë bazë. Kjo për arsye sepse kjo kategori qyetarësh ka në fakt një problem juridik me qeverinë. Zoti Lulzim Basha që hyn e del aty si fanti spathi ndërkohë që ka mbyllur pazarin me qeverinë, e di shumë mirë këtë. 
Por protesta është e drejtë legjitime dhe qytetarët kanë të drejtë të kërkojnë zgjidhje sipas asaj që mendojnë se është më e mira. Sidomos në shtete rreckë si ky yni. 

Ajo çfarë po ndodh me banorët e zonës së Astirit mishëron në një episod dramatik atë kaos dhe marrëzi të këtyre 25 viteve. Aty kemi nga të gjitha krahët, por kryesisht filli ecën në një kah: dikush, dikur nga vitet ’90, apo edhe më vonë u nis drejt Tiranës me idenë për të blerë apo zënë një copë truall, për të ndërtuar një shtëpi dhe mandej për të nisur jetën nga e para. Shembulli më i qartë i një vendi pa strukturë ekonomike, pa siguri juridike dhe me një shoqëri që është në mëshirën e politikanëve që tallen. 

Në zonën e Astirit në Tiranë po protestohet prej disa ditësh kundër prishjes së afërt të banesave apo objekteve të tjera që preken nga ndërtimi i Unazës së Madhe. Banorët thonë se do mbrojnë  shtëpitë e tyre, disa prej të cilave janë të palegalizuara.

Zona në fjalë është ndër ato që u urabanizuan më shpejt dhe pa rregull. Në këtë protest po bëhet pjesë edhe Partia Demokratike. Sot p.sh kreu i saj, Lulzim Bash aka shkuar për një takim me banorët. Të cilët ose janë militantë të PD-së, ose duan të përdoren.

Aleanca për Mbrojtjen e Teatrit njofton në faqen e vet në Facebook për një takim të zhvilluar dje mes përfaqësuesve të saj dhe ambasadorit të BE-së në Tiranë, Luigi Soreca. Përmes deklaratës së saj, Aleanca bën me dije për faktin se ambasadori është sjellë ftohtë dhe nuk ka dalë nga kostumi I diplomatit, duke aplikuar parimin e mosndërhyrjes në çështje të brendshme të vendit.

Nuk është vetëm Vjosa dhe Valbona që provokojnë reagime. Lejet e qeverisë shqiptare për diga dhe ndërhyrje të tjera kanë sjellë probleme edhe për banorët në Malin e Zi, ambientalistë të të cilit kanë protestuar dje nëkufi me Shqipërinë kundër ndërtimit të një dige në lumen e Cemit.

Mos e fusni Cemin në tuba

ishte thirrja e protestuesve.

Mijëra rumunë morën pjesë sërish në protestat antikorrupsion, një ditë pasi 450 persona u plagosën gjatë përleshjeve me policinë.

Organizatorët e protestës kanë kërkuar dorëheqjen e qeverisë për shkak të legjislacionit dhe masave të cilat thonë se janë ndërmarrë siç thonë protestuesit për të promovuar interesat korruptive të kastës në pushtet.

Aktori Guljem Radoja ka folur dje në protestën e Teatrit Kombëtar duke bashkuar zërin e tij me atë pjesë të artistëve që refuzojnë prishjen e godinës ekzistuese.