privatësia

Siguria në Internet dhe perceptimi se të dhënat personale, aktiviteti ynë online, janë të ekspozuara si ndaj sulmeve nga subjekte jashtë ligjit, ashtu edhe nga agjencitë e inteligjencë, po prodhon efekte të mëdha. Një raport i qeverisë amerikane, bazuar në një sondazh me 41 mijë individë që përdorin Internetin nga shtëpia, konstaton se ka një rënie thelbësore në llojshmërinë e aktiviteteve që kryehn përmes rrjetit.

Dhoma e Përfaqësuesve në Shtetet e Bashkuara të Amerikës ka kaluar dje me konsensus Aktin mbi Privatësinë e E-mail-it. Ai u miratua në mënyrë unanime duke i kthyer në një nga aktet më konsensuale të Kongresit. Akti është një hap përpara në ruajtjen e privatësisë në komunikimin elektronik që mund të hapë një dritare për përshtatjen e tij edhe në vende të tjera, ku përgjimi, survejimi dhe aksesi në të dhëna është kthyer një problem real.

Presidenti i Republikës ka kthyer sot për rishqyrtim ligjin “Për masat shtesë të sigurisë publike” në të cilin parashikohet vendosja e kamerave në mjedise private dhe publike.  Në arsyetimin e vet kreu i shtetit i përmbahet argumentimit se ligji nuk respektimin dhe mbrojtjen e të dhënave personale të jetës private të qytetarëve.

Gazeta “Mapo”, nëpërmjet një shkrimi me autor Leonard Bakillarin, punuar në kuadër të projektit “Udha e shkronjave”, kishte sjellë para pak ditësh në vëmendje të opinionit publik një fakt, i cili, sipas vlerësimit tim, duhet marrë shumë seriozisht. Në një periudhë prej dy vitesh e gjysmë në pushtet, shumica e majtë qeverisëse është rrëzuar 12 herë nga Gjykata Kushtetuese. Në të vërtetë, aty nuk thuhej asgjë e panjohur për opinionin publik. Rast pas rasti është njoftuar gjithmonë, si për ankimimin, ashtu edhe për vendimin e marrë nga Gjykata Kushtetuese.

Ka krijuar debate të mëdha vendimi i Apple për të mos pranuar kërkesën e Byrosë Federale të Hetimit(FBI) për  zhbllokimin e iPhone të Syed Farook, që medohet se është i përfshirë në sulmet terroriste të fundvitit në San Bernardino në SHBA. Në një letër të hapur që u publikua gjerësisht, CEO i Apple, Tim Cook, e shpjegonte vendimin e kompanisë me prioritetin që ka privatësia kundrejt sigurisë në një botë që po e vendos njeriun në kushtet e survejimit masiv.

Ndërkohë që Europa po adopton legjislacion të ngjashëm me “Patriot Act” në SHBA, si pasojë e akteve terroriste, në planin e jashtëm, gjërat kanë kahje të kundërt. Komisioni Europian njofton përmes një deklarate për shtyp se është arritur një marrëveshje me SHBA-të për krijimin e një kuadri transatlantic për shkëmbimin e të dhënave personale. “Mburoja BE-SHBA e Privatësisë”, siç quhet buron si nevojë e një vendimi të Gjykatës Europiane të të Drejtave, të datës 6 tetor 2015, sipas të cilit Kuadri ekzistues nk është më i sigurtë.

Një ditë pas ceremonisë së instalimit të kamerave të pilotimit në uniformat e policisë Ministria e Brendshme ka shpërndarë video të ndalimeve të disa qytetarëve për shkelje të rregullave të qarkullimit. Përtej debatit mes efektivëve të policisë me qytetarët e ndaluar, njëri prej të cilëve edhe avokati i njohur Genci Gjokutaj, pyetja është se a ka të drejtë policia te bëjë publike procedurën e ndjekur, duke cënuar hapur privatësinë e individëve, pasi mbulimi i fytyrës së qytetarit nuk është elementi i vetëm identifikues?

Ashtu si Shtetet e Bashkuara kërkojnë një qasje për të koduar të dhënat, përballja është e fuqishme sa i takon kthimit të të dhënave në formën e opinionit publik. Por, sipas disa zyrtarëve të inteligjencës, perceptimi mund të ndryshojë në qoftë se një sulm tjetër terrorist do të ndodhë në tokën amerikane. Të ballafaquar me një protestë publike mbi shqetësimet rreth privatësisë dhe reputacionit të njollosur të kompanive amerikane për teknologjinë jashtë vendit, administrata Obama ka gjetur veten në një pozitë të vështirë.