politika

Fushata elektorale ka nisur. Dhe është tërësisht skematike. Kryeministri që nuk dihet nëse do apo jo një mandat të tretë, apo do një mandate të parë bashkëqeverisjeje, flet për miliarda euro invetime, për projekteve të mëdha, rimëkëmbje dhe rindërtim, ndërkohë që kullat e miqve të tij dhe resortet e të njëjtëve në bregdet lulëzojnë si shprehje e një luksi parazitar. Edi Rama ka nisur fushatën në emër dhe për mirëqënien apo zhvillimin që ka imagjinuar gjatë këtyre viteve.

Me kë e ka ambasadorja amerikane Yuri Kim? Kujt i drejetohet mesazhi i saj për një marrëveshje kundër reformës në drejtësi? Ja një pyetje enigmë që të kujton konkurset e revistës “Horizonti”. Ambasadorja e do shumë popullin shqiptar, xhanëm këtë popull e duan të gjithë të huajt që kalojnë këtej. Por ajo nuk flet me gjuhën e popullit të cilin ndoshta imagjinon edhe se e përfaqëson.  Ajo flet me një gjuhë të koduar që e kuptojnë vetëm 3-4 veta, 50-100 të tjerë e interpretojnë sipas midesë së katërshes së parë dhe pastaj rrjedha e thashethemit shkon deri te fatorinoja i urbanit.

Mediat pranë kryeministrit janë hedhur në një sulm të dëshpëruar për të bindur nuk dihet se kë, se godina e Teatrit Kombëtar duhet shembur. Media që rëndom shtrojnë pyetje, pretendojë se bëjnë investigime, që kapin probleme ligjore, kësaj radhe janë dakord me apelin e qeverisë dhe duket sikur po bërtasin me thirrjen: Prisheni, prisheni. 

Pandemia e koronavirusit ka hapur frontin e një lufte gjeopolitike të paprinciptë që provon se sëmundja kryesore e njeriut është tjetërgjë nga infektimi patogjenik i Co Vid 19. Kina në asnjë rast nuk deklaroi se virusi nuk shpërtheu jashtë saj. Ajo e mori këtë narrativë sapo nga SHBA nisi goditja politike që e cilësonte pandeminë si “virusi kinez”.

Me suksesin e Konferencës së Donatorëve, shumica në pushtet po mendon të mbledhë edhe donacione nga brenda vendit, përveç atyre në rrugë online. Kështu sipas burimeve të “Të Kripura” përfaqësues të politikës kanë ofruar shumat si më poshtë: 

Vangjush Dako dhuron 1 milionë euro
Ben Blushi 250 mijë euro
Taulant Balla 50 mijë
Damian Gjiknuri ofron 2 milionë euro kredi
Elisa Spiropali 50 mijë lekë
Erion Veliaj është ofruar të bëjë punë në komunitet

Albin Kurti është tanimë objektivi i ri i Tiranës zyrtare. Më saktë i kryeministrit të Shqipërisë. Duhet goditur, zhvlerësuar, diskredituar po qe e mundur. Mbi të duhet fituar. Për ç’arsye, cilën axhendë, kjo nuk është e qartë. Por ai është objekti i parë. 

Mbi paraardhësin e tij, Ramush Haradinaj peshonte historia e luftës, por me të, kryeministri Rama dhe diuretikët e vet mediatikë vuri në përdorim lojën e diskrditimit në sferën intelektuale. Është një goditje poshtë brezit në fakt, por në politikë ndodh. 

Ish- kryeministri Sali Berisha ka folur dje në një intervistë televizive mbi sistemin zgjedhor dhe listat e hapura. Nisur nga presioni i tanishëm për këto çështje, Berisha ka theksuar se sistemi i tanishëm është shumë i mirë dhe se alternativa më e mirë ndaj tij mbetet proporcionali kombëtar.

Ai është shprehur kundër listave të hapura pasi sipas tij do të hyjnë në Parlament më shumë kriminelë. Nga ana tjetër Berisha ka shprehur mendimin se biznesmenët nuk duhen ndaluar të hyjnë në politikë. 

Mjafton të zbatojnë rregullat dhe mund të hyjnë

Elvis Naçi, bamirësi imam që ka fituar së fundmi vizibilitet të lartë, por edhe një rol publik jo të vogël, ka deklaruar në emisionin “Shqiptarët për shqiptarët” se ai ka refuzuar dy donacione nga shtetas serbë. 

Kam refuzuar 100 mijë euro për fondacionin Firdeus para tërmetit të 26 nëntorit nga një shtetas serb. Pas tërmetit më erdhi një donacion 5 mijë euro po nga një shtetas serb. Unë nuk paragjykoj asnjë por sa herë kujtoj gjakun e vëllezërve në Kosovë nuk mund ta bëj. Nuk do pranoj asnjëherë asnjë fond nga shtetas serbë

Shoqatat e gazetarëve kanë paralajmëruar një protestë para paralamentit në 19 dhjetor, kur deputetët do të shqyrtojnë paketën antishpifje. Në diskutimin që përfaqësues të këtyre shoqatave organizuan sot, aktorëve politikë nuk iu lejua të merrnin fjalën.

Trillim apo realitet?
Mediat shqipe edhe në ketë zezëditë kanë filluar të gatuajnë ndodhi dhe lajme të pavlera e spektakolare, më shumë se informata dhe lajme të rëndësishme e të dobishme.