policia rrugore

Komisioni i vlerësimit të gjobave nga Policia Rrugore vijon të jetë një barrë për drejtuesit e automjeteve. Përveç gjobave, qytetarët duhet të lënë të gjitha angazhimet e tjera ditore dhe të presin në radhë të gjata që në orët e para të mëngjesit. Ndonëse janë vlerësuar nga vetë zyrtarët si potencial korrupsioni, komisionet vijojnë të jenë funksionale.

Ministria e Brendshme synon të thjeshtojë procedurat e masave administrative për drejtuesit e automjeteve. Report Tv raporton se është duke u përgatitur një draft me propozime për ndryshime në Kodin Rrugor për sa i përket vendosjes së gjobave.  

Shqipëria është vendi i paradokseve dhe për të huajt shpeshherë ngjan si vend ekzotik që duhet vizituar për modelin unikal që përcjell përmes prezantimit si popull dhe si shtet. Një nga paradokset është prania e policisë rrugore në çdo kryqëzim të qyteteve apo thuajse çdo kilometër në rrugët kombëtare. Ndryshe nga praktikat europiane policia shqiptare operon me postblloqe dhe jo me patrullim në rrugë, duke ndaluar drejtuesit e automjeteve sipas një progresioni aritmetik dhe jo ata që gjatë lëvizjes kryejnë shkelje.

Drejtori i Përgjithshëm i Policisë Rrugore, Mit’hat Tola, sqaron në një intervistëpër gazetën “Shqip” paralajmërimin e bërë për sekustrim të mjetit nëse nuk ke paguar gjobat. Tola thotë se në të vërtetë bëhet fjalë për zbatimin e ligjeve në fuqi, të cilat mesa duket ishin neglizhuar. “Në nenin 203 të Kodit Rrugor (më duhet ta citoj për të mos krijuar “keqkuptime”), sanksionohet fjalë për fjalë: 1. “… Të ardhurat nga masat administrative me gjobë për shkeljet e parashikuara nga nenet e këtij Kodi, paguhen nga kundërvajtësi brenda pesë ditëve nga dita që vendimi ka marrë formën e prerë.