permbytje

Bashkia e Tiranës nuk ka ende një përgjigje për atë çfarë shkaktoi përmbytjen në godinën e saj në 23 qershor të këtij viti. Shirat e rreth një muaji më parë, sollën dëme të mëdha në katin e parë të Bashkisë,  duke dëmtuar rëndë sallat dhe dokumentacionet e arkivës, gjendjes civile dhe bibliotekës. Por, edhe pse korridoret katit të parë u përmbytën dhe përbaltën krejtësisht, duket se Bashkia e Tiranës nuk kërkoi asnjëherë ligjërisht arsyen se pse erdhi kjo përmbytje.

Instituti i Ndërtimit ka arritur në përfundimin se përmbytja e Bibliotekës Kombëtare një muaj më parë, që shkaktoi dëmtimin e rreth 12 mijë librave, u shkaktua nga ujerat nëntokësorë dhe degradimi i ndërtesës.

Bashkia e Tiranës e angazhuar më së shumti me çështjen e Teatrit Kombëtar pësoi një tronditje të imazhit nga përmbytja e vetë godinës së Bashkisë dhe më pas e Bibliotekës Kombëtare nga reshjet e pak ditëve më parë. 

Megjithë kujdesin e mediave për të mos ekspozuar ngjarje që dëmtojnë imazhin e Bashkisë, përmbytja e Bibliotekës e trashi zullimin dhe shtoi dyshimet se qullosja e arkivën së Bashkisë dhe Fondit të Bibliotekës erdhi nga problmemet në sistemin e "Sheshit Skënderbej". 

Qeveria refuzon të shpallë gjendjen  e emergjencës në Shkodër, ndonëse përmbytjet kanë izoluar disa fshatra dhe shumë familje janë evakuuar nga banesat e tyre. Emergjencat Civile vlerësuan se të paktën duhej të shpallej  gjendja e emergjencës së pjesshme, por përmes zv/kryeministres Senia Messi qeveria deklaroi se kjo nuk është e nevojshme. Qeveria nuk ka dhënë një shpjegim bindës pse heziton të shpallë gjendjen e emergjencës civile, ndonëse situata ka precipituar dhe në terren kanë zbritur forcat e ushtrisë.

Këtë vit në Shkodër nuk po shohim qeverinë të japë shembullin se është afër njerëzve të përmbytur dhe se po bën diferencën me qeveritë e mëparshme, siç e ka pzantuar veten. Ndonëse 3 mijë hektare tokë janë nën ujë, qindra shtëpi të izoluara dhe sipërfaqe të tëra me të mbjella të dëmtuara, qindra krerë bagëti në vështirësi për t'u ushqyer nuk është shpallur gjendja e emergjencës dhe vëmendja është shumë herë më e vogël sesa ajo e treguar me permbytjet në jug të vendit. 

Përmbytjet kaluan dhe diskutimi për të gjetur përgjegjësit në rastin e autostradës Tiranë-Durrës i mbetet ekraneve, ndonëse Prokuroria e Tiranës ka nisur një hetim. 

Dyshimet janë të forta se ajo që ndodhi në aksin kryesor të vendit nuk ishte vetëm kapriço e motit, por edhe pasojë e veprimeve apo mosveprimeve nga një seri strukturash që administrojnë rezervuaret mbi kurorën e zonës Kashar-Vorë si dhe kompania përkatëse që ka kryer zgjerimin e autostradës.

Reforma territoriale u kaloi më shumë kompetenca vendorëve dhe mes të tjerave, me një vendim të Këshillit të Ministrave të datës 30 dhjetor 2015, u bë transferimi i infrastrukturës së ujitjes dhe kullimit, të personelit dhe të aseteve të luajtshme e të paluajtshme të bordeve rajonale të kullimit  nga Ministria e Bujqësisë, Zhvillimit Rural dhe Administrimit të Ujërave tek Bashkitë. Por këto të fundit nuk kanë bërë asgjë për të forcuar infranstrukturën e digave, të cilat janë konsideruar si mina me sahat.

Qeveria po menaxhon situatën e vështirë nga moti i keq, duke gjetur çdo vit arsye për mosparandalimin e pasojave. Këtë vit pati në dukje një reagim më të organizuar pasi reshjet u parlajmëruan ditë më parë, por gjithsesi natyra e bëri të vetën, duke përmbytur sërish qindra banesa.

Moti i keq dhe parashikimet për reshje me intensitet të lartë në ditët në vijim kanë shtuar frikën e përmbytjeve.Zyrtarisht thuhet se në bazë të parashikimeve të motit, në orët dhe ditët në vijim pritet një situatë e rënduar e reshjeve të shiut, të cilat mund t’i kalojnë nivelet normale. Pasojat e motit kanë shkaktuar viktimën e parë në Kurjan të Fierit, ku një elektriçist ra në kontakt me energjinë elektrike.