pd

Mosbindja civile sapo ka nisur

Postuar në 09 Dhjetor, 2015 14:08

Partia Demokratike deklaron se do të vijojë protestat. Një ditë pas protestës së 8 dhjetorit, kryetari I saj, Lulzim Basha, ka dalë në një komunikim për mediat ku ka bërë të ditur se kundërvënia ndaj qeverisë do të vijojë. “Vërshimi i shqiptarëve ishte mesazh i qartë i mbështetjes për PD-në dhe për planin e saj për largimin e krizës politike dhe ekonomike që ka pushtuar vendin.Qytetarët dhe biznesi kërkojnë zgjidhje.

Ja pse...

Postuar në 08 Dhjetor, 2015 16:47

Vëllezër shqiptarë! Sot foli Taulant Balla. Me një status në “Facebook” foli siç i pëlqen shpesh: si tribun i popullit. Shkruan Balla: “Per ata qe ndoshta e kishin harruar, sot ripane fytyren e vertete te nje partie qe krimin e ka program te partise, dhunen e kane statut, liderin dhe kryeliderin hajdut. Dhuna dhe dhunuesit te fotografohen dhe te identifikohen te gjithe. Ligji te godase me force. Policia dhe prokuroria te bejne detyren ne kushtet shkaterrimit te prones publike.

Protesta e duhur, pavarësisht siglës partiake

Postuar në 08 Dhjetor, 2015 14:34

Protesta e opozitës është zhvilluar sot me një ton të lartë duke tejkaluar pritmëritë e shumëkujt. Disa gurë dhe shishe para kryeministrisë, një përplasje minore me policinë, kanë mjaftuar që t’i bëjnë me dije mazhorancës se nuk luan me fushën bosh në këtë vend. Këtu nuk është rasti për të gjykuar më PD-në dhe përfaqësuesit e saj, pasi ai njeri dhe ai grup njerëzish që ndërmerr iniciativën për të protestuar në rrugë, vendos të rilegjitimojë veten përmes forcës së vet. Nga ana tjetër ka disa thirrje që e shohin situatën me shqetësim, po flitet për barbarë e për gjithfarë gjërash.

Oferta për anëtar partie

Postuar në 01 Dhjetor, 2015 15:03

Partia Socialiste me turin “Ta pastrojmë Shqipërinë” dhe Partia Demokratike me turin e kryetarit të saj nëpër rrethe kanë pagëzuar një parafushatë elektorale e cila synon si fillim organizimin. Lëvizjet në këtë drejtim fitojnë rëndësi jo dhe aq për ndonjë ringjallje të shpresës, sesa për të parë konfirmimin e një politike të dështuar dhe të mbyllur në qarkun e vendimmarrjes klanore që vetë ka krijuar. Të dy drejtuesit kryesorë kanë bërë të vetën tezën e hapjes së partisë, e afrimit të rinisë, duke paraqitur si mall të tregtueshëm politikisht, një vizion për të ardhmen e Shqipërisë.

Kritikat e Selamit, Basha: “Nuk kam asnjë minutë kohë për debate që nuk foksuohen tek e keqja e madhe”

Postuar në 27 Nëntor, 2015 16:40

Lulzim Basha, kryetar i Partisë Demokratike ka përsëritur sot përmes një interviste për ABC NEWS kërkesën e tij për një qeveri teknike dhe kalimin drejt zgjedhjeve të parakohshme. Basha ka folur edhe për një depresion të madh ekonomik e psikologjik në shoqëri, si pasojë e qeverisjes, për kurimin e të cilit Basha tha se “PD-ja ka një ofertë solide”. Lidhur me kritikat brenda PD-së, posaçërisht nga Eduart Selami, kreu i PD-së bëri këtë koment: “Çdokush ka mundësinë të shprehet dhe të japë kontributin e vet konstruktiv. Këtu është detyra ime.

Shënim: Kritika apo sulm mbi Lulzim Bashën? (Video)

Postuar në 25 Nëntor, 2015 19:28

Pas Genc Rulit dhe Mesila Dodës, kjo e fundit me një axhendë politike personale, kritikat ndaj mënyrës sesi Lulzim Basha po drejton Partinë Demokratike vijnë publikisht edhe nga një zë tjetër. Deputeti Eduart Selami ka deklaruar sot në një intervistë për “Zëri i Amerikës” se: “Qeveria Rama-Meta është me e keqja e viteve të fundit, mirëpo opozita akoma nuk ofron alternativë dhe nuk ngjall shpresë. Kjo për shkak të lidershipit të PD-së. Ai nuk ngjall shpresë, ndaj edhe kjo qeveri rri në këmbë në një kohë kur shqiptarët lartohen për azil ekonomik në vendet e BE-së.

Protestë më 8 dhjetor

Postuar në 24 Nëntor, 2015 14:13

Partia Demokratike do të provojë edhe njëherë protestën për të parë me gjasë reagimin e njerëzve ndaj situatës së rëndë të krijuar në vend. Kryetari i saj, Lulzim Basha, ka deklaruar nga një takim në Vaun e Dejës, se PD-ja apelon për protestë më 8 dhjetor, Ditën e Rinisë, siç njihet zyrtarisht. “Më 8 dhjetor ftoj të gjithë ata që u ka ardhur laku në fyt që të mblidhen në Tiranë. Më 8 dhjetor në Tiranë, të protestojmë e të marrim në dorë fatet e vendit”, ka deklaruar Basha.

Lufta kundër Lulzim Bashës në PD

Postuar në 24 Nëntor, 2015 12:26

Përgjatë më shumë se dy vitesh, opozita e drejtuar nga Lulzim Basha është përballur me një luftë dhe ligjërim të ashpër antiopozitar që vjen nga qeveria. Kryeministri Edi Rama në mënyrë të qëllimtë dërgoi për ndjekje penale ish-ministra demokratë (me akuza qesharake, si p.sh, ajo ndaj A. Imamit sikur ai i paskësh dhënë PD-së 1 milion litra naftë të ushtrisë) të qeverisë Berisha, ndërkohë që asnjë nga ish- ministrat e LSI-së nuk pati këtë fat.

Intervista/Jamarbër Malltezi: Shqipëria, Republikë e miqve të Edi Ramës

Postuar në 16 Nëntor, 2015 18:31

Pyjet, mjedisi në tërësi, prej kohësh po kapitalizohen si burime ekonomike edhe në Shqipëri. Mjerisht pa një strategji dhe shpesh duke shkaktuar dëme. Jamarbër Malltezi, kreu i Departamentit për Ambientin, Pyjet dhe Turizmin i Partisë Demokratike, në një intervistë për “ResPublica.al”, akuzon zyrtarë të lartë të qeverisë, duke argumentuar sipas tij paaftësinë e tyre dhe mungesën e qartësisë në punët e ndërmarra. Duke folur për lejet ndërtimore, Malltezi akuzon kryeministrin për klientelizëm.

"Veliaj dhe LSI parking”, bllokim në rrugë ligjore vendimit të parkimeve me pagesë

Postuar në 13 Nëntor, 2015 11:10

Partia Demokratike do të bllokojë zbatimin e vendimit të parkimeve duke ndjekur çështjen në rrugë gjyqsore për shkak se sipas saj akti i miratuar me shpejtësi dhe në shkelje të të gjitha procedurave të funksionimit te Këshillit Bashkiak, prek disa ligje dhe akte nënligjore, dhe është bërë vetëm e vetëm për të vjedhur.
Pa shpjeguar se cilat janë nenet që shkelen, Partia Demokratike thotë se Agjencia Tirana Parking nuk është gjë tjeter veçse krijimi i shtratit juridik për zhvatjen dhe shfrytëzimin nga klientela e Veliajt për qëllime korruptive, të aseteve të Kryeqytetit.

Pages

Subscribe to RSS - pd