pandemia

Komisioni Europian ka miratuar disa udhëzime për lëvizjen e njerëzve në zonën Shengen pas lehtësimit të masave për frenimin e epidemisë së koronavirusit. Udhëzinmet përfshijnë të gjitha mjetet e transportit. 

Kështu pasagjerët do të duhet të mbajnë maska, ata inkurajohen të blejnë bileta dhe të bëjnë rezervime online. Në pikat e kontrollit do të aplikohet distanca fizike, në vende tranziti do të eliminohen pajisje që nxisin grumbullime njerëzish, ndërkohë që në autobuzët e transportit nga terminali në avion do të ketë më pak njerëz. 

Pas kryeministrit dhe dy ministrave edhe zëdhënësi i Presidentit rus, Vladimir Putin, Dmitry Peskov është deklaruar si infektuar me CoVid-19.

Po, u sëmura dhe po trajtohem

është shprehur ai. 

Ai është personi i dytë në stafin e Putin që infektohet dhe nga zyrtarët e lartë i pesti.

Shtetet e Bashkuara të Amerikës kanë tërhequr mbështetjen e tyre për votimin e një rezolute për vendosjen e armëpushimit në konflikte të ndryshme në botë derisa pandemia e koronavirusit të kalojë.

SHBA nuk mund të mbështesë draftin e propozuar

u shpeh delegacioni amerikan gjatë diskutimit vetëm një ditë pasi kishte rënë dakord me të.

Departamenti Amerikan i Shtetit i deklaroi agjencisë AFP se “Kina ka bllokuar vazhdimisht kompromisin që do të lejonin këshillin e Sigurimit të ecte para”.

Caritas Internationalis, një bashkim i 165 organizatave katolike që operojnë në 200 vende të ndryshme, ka paralajmërur se pasojat e pandemisë së koronavirusit do të jenë shumë më të rënda sesa vetë sëëmundja nëse nuk veprohet shpejt. 

Pasojat e pandemisë po japin prova se mund të jenë edhe më të rrezikshme dhe vdekjeprurëse sesa ndikimi i vettë virusit sidomos për komunitetet e ekspozuars që jetojnë në vendet më të varfra

është shprehur ndër të tjera sekretari i Përgjithshëm Aloysius John.
 

Evropa duhet ta bëjë sistemin e saj ushqimor më të qëndrueshëm në mënyrë urgjente, ose përndryshe do të përballet me pasiguri të shtuara sa i përket ushqimit dhe ndikime në shëndet. Sipas prof. Peter Jackson, pandemia e koronavirusit ofron një mundësi për të nxitur këtë ndryshim.

Prof. Jackson është bashkëdrejtor i Institutit të Universitetit të Sheffield për Ushqim të Qëndrueshëm në Britaninë e Madhe dhe kryetar i një grupi shkencor pune që këshillon Bashkimin Evropian për ndryshimin e sistemit të ushqimit.

Mediat ruse njoftojnë se një tjetër anëtar i qeverisë ka rezultuar pozitiv me CoVid-19. Bëhet fjalë për ministren e Kulturës, Olga Lyubimova e cila ka njoftua rpublikisht statusin e saj shëndetësor përmes zëdhënëses së vet. Lyubimova është anëtari i tretë i kabinetit qeverisës që infektohet me koronavisurin e ri pas kryeministrit Mikhail Mishustin dhe ministrit të Ndërtimit, Vladimir Yakushev.

Ndikimi ekonomik i pandemisë mbi ekonominë europiane duket se është i paprecedentë.

Europa po përjeton një shok të paprecedentë që nga Depresoni i Madh

Është shprehur Komisari i BE-së për Ekonominë, Paolo Gentiloni.

Samiti BE-Ballkani Perëndimor i quajtur si Samiti i Zagrebit(fotoja është ilustruese) ka miratuar një draft-deklaratë të përbashkët përmes së cilës ka riafirmuar qëndrimin europian për perspektivën e rajonit tonë. Duke bërë thirrje për bashkim dhe solidaritet, samiti ka theksuar si ilustrim të këtij objektivi ndihmën europiane për Ballkanin Perëndimor gjatë pandemisë së koronavirusit. 

Fakti që kjo mbështetje dhe ky bashkëpunim shkon përtej gjithçkaje që ndonjë partner tjetër ka ofryar për rajonin meriton njohje publike

Një dokument i brendshëm i autoriteteve amerikane parashikon një rritje të numrit të prekurve nga CoVId-19 në SHBA dhe rritje të madhe të numrit të vdekjeve duke nisur që nga 1 qershori i këtij viti. Sipas modeleve të aplikuar nga Qendra, vdekjet do të arrijnë në 3000 në ditë, krahasuar me rreth 2000 që janë tani. Projeksionet janë përfshirë në një dokument të Agjencia Federale për Menaxhimin e Emergjencave sipas të cilës parashikohen 200 mijë raste të reja për çdo ditë duke nisur nga fundi i këtij muaji, nga 25 mijë që janë aktualisht.  

Ministria e Punës në Francë ka refuzuar një kërkesë të gjigandit Amazon(filiali i Francës) për fonde e emergjence si pasojë e koronavirusit. 
Për shkak të krizës Amazon Franca ka mbyllur magazinat e veta dhe është goditur në aktivitetin e vet. Në këtë kuadër drejtuesit kanë menduar që të aplikojnë për fondet e krizës, të cilat në Francë mbulojnë 84% të pagës neto të punonjësve që mbeten pa punë.