përplasje

Ndërroi jetë në moshën 77-vjeçare Stanislav Petrov, ish-oficeri i ushtrisë sovjetike, i cili shmangu katastrofën botërore gjatë Luftës së Ftohtë. Në vitin 1983, në kohën kur ishte në detyrë, në qendrën ruse të paralajmërimit të kërcënimit bërthamor, kompjuterat treguan gabimisht raketa që vinin nga Shtetet e Bashkuara. Petrov nuk e dha alarmin e një sulmi ndaj Rusisë, pasi kuptoi se ishte një alarm i rremë, duke shmangur luftën bërthamore mes SHBA-ve dhe Rusisë. Stanislav Petrov ndërroi jetë në shtëpinë e tij në Moskë, në muajin maj, por vdekja e tij nuk ishte bërë publike.

Një artikull i shkruar nga Kerin Hope në gazetën "Financial Times" që hedh dyshime mbi funksionimin e shtetit të së drejtës në Greqi, nisur nga një vendim i Gjykatës greke në favor të Ministrit të Jashtëm, Nikos Kotzias, ka provokuar reagimin e Ministrisë së Jashtme të vendit fqinj. Çështja zë fill në vitin 2010 kur revista "Athens Review of Books" botoi letrën e një lexuesi të saj që thoshte se ministri në fjalë në rininë e tij ka qenë "një ekstremist komunist dhe fanatik i vërtetë i stalinizmit". 

Tensione në mbledhjen e Këshillit të Qarkut Vlorë ku është shkarkuar kryetari Sadrit Danaj. Ky i fundit, thuhet se është njeri i Kokëdhimës, ka kërkuar transparencë. Madje edhe është përplasur fizikisht me këshilltarët e majtë, në një mbledhje ku mungonte LSI-ja, PD-ja dhe PDIU-ja. 

Ministria e Jashtme e Maqedonisë thirri për shpjegime ambasadorin shqiptar në Shkup Fatos Reka, të cilit iu dorëzua nota e protestës për ndërhyrjen e Shqipërisë në punët e brendshme të shtetit fqinj. Shkupi zyrtar e konsideron një provokim serioz platformën shqiptare të firmosur në Tiranë duke theksuar se “mesazhe të tilla janë në dëm të marrëdhënieve të fqinjësisë së mirë mes dy vendeve”.

Edi Rama mohoi që të ketë përplasje me LSI-në për Bashkinë e Kavajës, duke i quajtur me tepër çështje mediatike, sesa një çarje që preokupon vërtet dy partitë në pushtet. Në një intervistë për emisionin "Opinion" ai tha se procesi i përzgjedhjes së kandidaturave është ende në fazën e propozimeve dhe se vendimi për këtë çështje do të merret në ditët në vijim. 18 qershori sipas kryeministrit është një datë e panegociueshme dhe përë këtë arsye mazhoranca do të shfrytëzojë kohën e mbetur për të bërë ndryshimet e nevojshme në Kodin Zgjedhor.

Maqedonia mban këtë të dielë zgjedhjet parlamentare me sfond krizën e thellë politike, protestat anti-qeveritare, bojkotin e parlamentit, korrupsionin e përhapur dhe kriminalitetin, ngjarje dhe fenomene që kanë shoqëruar vendin e vogël ballkanik  gjatë dy viteve të fundit.

Rendi i ditës në komisionin e shëndetësisë ditën e hënë pa dy seanca dëgjimore, përkatësisht një me shoqatën e teknikëve të mjeksisë laboratorike, si dhe një me Ministrin e Shëndetësisë Ilir Beqja, lidhur me të ardhmen e sistemit laboratorik publik nën dritën e partneritetit publik-privat.

Kryesuesi i Këshillit Ushtarak të NATO-s, gjenerali Petr Pavel ka deklaruar se Ballkani vazhdon të mbetet burim i mundshëm i përplasjeve ushtarake. Ai porosit që aleanca veri-atlantike duhet të ketë patjetër aftësi për kundërvënie ndaj kundërshtarëve dhe mbrojtjes së anëtarëve të saj, si dhe rol më të madh në luftën kundër terrorizmit, bën të ditur agjencia kroate e lajmeve “HINA”.

Pavel citohet të ketë thënë se situata në një pjesë të Evropës është “larg stabilitetit”, duke theksuar se “Ballkanit i kanoset terrorizmi islamik, por edhe ndikimi rus”.

Projekti i bashkisë së Korçës për ta kthyer biblioteken Thimi Mitko në ambjente ku do të zhvendosen disa shërbime të bashkisë ka sjellë në vëmendje çështjen e pronave të komuniteteve fetare. Me argumentin se ky projekt ndryshon destinacionin e bibliotekës Mitropolia i ështën i drejtuar me një kërkesë këshillit bashkiak duke i kërkuar që me këtë terrior i njohur nga ligji si pronë e Kishës Ortodokse të ringrihet kisha e Shën Gjergjit. Mitropoliti i Korçës, Imzot Johani,thotë se biblioteka duhet t'i kthehet Kishës.

Një drejtues i një anijeje transporti 129 m të gjatë, u deh dhe me shpejtësi maksimale iu drejtua brigjeve skoceze. Ngjarja është e vërtetë dhe ka për protagonist një kapiten rus të transportueses “Lysblink Seaëays”, 7000 tonëshe, i cili pasi kishte pirë gjysmë litri rum devijoi itinerarin dhe u përplas në Kilchoan, në gadishullin Ardnamurchan më 18 shkurt të këtij viti. Anija u dëmtua rëndë dhe tani shkon për skrap.