OSBE
OSBE: Penalizimi i shpifjes, i tepruar
Kryeministri ia ka dalë edhe njëherë të krijojë dyshime dhe reagime për një çështje shumë të ndjeshme si liria e shtypit. Vetëm një ditë pasi në media u bë e njohur se po synohet penalizimi i shpifjes, reagimi ka ardhur edhe nga zyra e OSBE-së në Vjenë.
Ambasadori i Shqipërisë në OSBE kthehet në Tiranë. Me detyrë këshilltar në Komisionin e Jashtëm
Ambasadori i Shqipërisë në OSBE, Spiro Koçi, e ka lënë detyrën e tij. Ai ka thënë në një prononcim për gazetën “Panorama” se ndodhet në Tiranë, por pa sqaruar se në cilat rrethana është bërë largimi. “Për këto çështje kontaktoni me Presidencën dhe Ministrinë e Jashtëm”, thotë Koçi. Po sipas kësaj gazete Spiro Koçit i është ofruar një vend pune si këshilltar pranë Kuvendit të Shqipërisë.
Edhe OSBE paralajmëron: Disa gjyqtarë do të shkojnë në burg
Sistemi i drejtësisë, ashtu si karriera në drejtësi, është udhëtim. Në vendin tim, në Mbretërinë e Bashkuar, sapo festuam përvjetorin e 800-të të një prej gurëve të themelit më të rëndësishëm në sistemin tonë të drejtësisë. Dhe ne vazhdojmë të bëjmë reforma. Kështu që mos u shqetësoni nëse reforma në drejtësi nuk përfundon deri në fund të vitit në Shqipëri. Është më e rëndësishme që puna të bëhet me cilësi sesa me ngut.
Nishani i kundërpërgjigjet sfidës së Bushatit, urdhëron ambasadorin në OSBE të vazhdojë punën
Presidenti i Republikës, Bujar Nishani, ka urdhëruar ambasadorin e Republikës së Shqipërisë në OSBE, Spiro Koçi, të qëndrojë në detyrë dhe të mos i bindet urdhrave të ministrit. Në këtë mënyrë kreu i shtetit i është përgjigjur sfidës së ministrit të Jashtëm, Ditmir Bushati.“Panorama” publikon shkresën që Nishani i ka dërguar ambasadorit tonë në Vjenë, të cilit i ka saktësuar se ndaj tij nuk ka nisur asnjë procedurë lirimi dhe se vetë Presidenti nuk ka firmosur asnjë dekret për ta liruar nga detyra.
A kemi një krizë me zyrën e OSBE-së? Ministrja Gjosha i shmanget komentit
A ka një çështje qeveria shqiptare me OSBE-në? Një letër e sekretarit të përgjithshëm të ministrisë së Jashtme për ministritë e linjës, kërkonte para dy ditësh mbyljjen ose përshpejtimin e mbylljes së projekteve me këtë organizëm në Tiranë, edhe pse më pas ministria e zbuti impaktin e këtij lajmi. Në media është folur se kryeministri Rama dhe ambasadori Raunig kanë komunikuar me tone të larta në telefon, ku Rama nuk ka ngurruar të thotë se do dërgojë një notë proteste ndaj Raunig në selinë e OSBE-së në Vjenë.
Ish-kryetari i Gjykatës Kushtetuese: “Prezenca e OSBE-së, duhet të qëndrojë. Dekriminalizimi do të shkojë në Kushtetuese”
Ish-Kryetari i Gjukatës Kushtetuese, Fehmi Abdiu, thotë në një intervistë për gazetën “Shekulli” se kërkesa për largimin e OSBE-së është ekstreme. Sipas tij, Prezenca i “duhet Shqipërisë edhe për disa vjet”. “Ky është qëndrim tërësisht ekstremist. Mendoj se është i shpejtuar, dhe për më tepër është subjektiv dhe nuk duhet përkrahur. OSBE-ja edhe për disa vite duhet të qëndrojë, pasi ne shqiptarët jemi mësuar dhe na pëlqen kujdestaria”, thotë Abdiu.
Ministria e Jashtme kërkon rishikimin e asistencës së OSBE: Nuk na duhet më
Luftë për qëndrimin ose jo të OSBE-së. Avokati i Popullit: “OSBE-ja, një partner i rëndësishëm”
Zyra e Shtypit e Avokatit të Popullit ka shpërndarë sot një e-mail, përmes të cilit kërkon të shprehë mbështetjen për Prezencën e OSBE-së në Tiranë. “Institucioni i Avokatit të popullit vlerëson punën dhe aktivitetin e OSBE-së dhe e konsideron si një partner të rëndësishëm. Z. Totozani theksoi se shqiptarët meritojnë politikanë të pastër”, thuhet në e-mail, ku nënvizohet pikërisht kjo fjali. Nuk dihe motivimet e Totozanit, i akuzuar vitin e kaluar nga disa media si përfitues fondesh të projekteve.
Bushati i merr kompetencat Nishanit, shkarkon ambasadorin në OSBE
Ministri i Punëve të Jashtme, Ditmir Bushati është përfshirë në një tjetër shkelje procedure zyrtare, kësaj radhe duke i marrë kompetencat e Presidentit dhe duke urdhëruar lirimin nga detyra të ambasadorit shqiptar në OSBE, Spiro Koçi. Siç shkruan gazeta Panorama, Bushati nëpërmjet sekretarit të Përgjithshëm të Ministrisë së Jashtme, i ka dërguar një letër zyrtare ambasadorit shqiptar në OSBE, të cilit i ka njoftuar se ndaj tij kanë nisur procedurat e lirimit nga detyra dhe për rrjedhojë duhet të kthehet në atdhe brenda datës 1 tetor.
OSBE: Elitat politike të lidhura me krimin e korrupsionin të paprekshme
Në raportimin para Këshillit të Përhershm të OSBE-së në Vjenë mbi zhvillimet e 12 muajve të fundit në Shqipëri ambasadori Florian Raunig deklaroi se ndonëse kanë nisur disa procedime penale ndaj funksionarëve të nivelit të mesëm, Shqipëria ende nuk ka mundur të krijojë një bilanc të ndjekjes apo dënimit të elitave politike dhe ekonomike, vecanërisht lidhur me pasurimin e paligjshëm, korrupsionin dhe krimin e organizuar.