opozita

Zgjedhjet e ardhshme do të jenë testi vendimtar por opozitën, por edhe basti personal i Lulzim Bashës për t’u rikonfirmuar si kryetar i Partisë Demokratike. Teorikisht opozita ka folur për mungesë garancish teknike që i pamundësojnë asaj pjesëmarrjen si e barabartë në zgjedhje, por edhe për pengesa të karakterit politik që lidhen me implikimin e strukturën shtetërore në blerjen e votës.

Në dritën e akuzave dhe dëshmive për vdekjen e 17- vjeçarit Ardit Gjoklaj, kryebashkiaku i Tiranës, Erion Veliaj i shmanget çdo përgjegjësie të bashkisë mbi ngjarjen tragjike në landfillin e Sharrës, duke i besuar talentit për të paraqitur veten si heroin pozitiv të ndryshimit. Por përtej kësaj retorike që Veliaj e ka mësuar përmendsh faktet janë kokëforta dhe përgjigjet duhen dhënë diku tjetër. Argumentat që jep kryetari i bashkisë se akuzat vijnë nga dashakeqësia e medias dhe opozitës nuk janë bindëse dhe as ligjërisht të vlefshme.

Kryeministri është në siklet, kurse në të gjithë jemi në hall. Seanca e sotme parlamentare i nxori kokën frikës së Edi Ramës ndaj zemërimit për ligjin e importit të mbetjeve, i cili theu rutinën e “lajmit 3 ditësh”.

Përplasja e ambasadës amerikane me opozitën ka projektuar sërish dy palë në një konflikt qesharak ku paradoksalisht e majta shfaqet proamerikane dhe e djathta “armike” e saj. Deklaratat e Sali Berishës për shndërrimin e ambasadorit amerikan në interpret të Edi Ramës dhe komentet e Lulzim Bashës se Donald Lu nuk mund t’i tregojë detyrat opozitës kanë çuar ujë në konformizmin e kryeministrit për të vazhduar me rolin e proamerikanit.

Teksa Partia Demokratike ka bërë të qartë qëndrimin se Ligji i Vetting-ut bie ndesh me Kushtetutën, ambasadorët e BE dhe SHBA kanë nisur sërish lëvizjet për të kordinuar qëndrimet me mazhorancën e majtë. Ambasadori Lu dhe Vllahutin ishin paraditen e së mërkurës në zyrën e kreut të Komisionit të Reformës në Drejtësi, një ditë para seancës kur duhet të votohet paketa e 6 ligjeve të reformës.Nga ana tjetër Partia Demokratike do t’i qëndrojë rrugës Kushtetuese duke kërkuar pezullimin e ligjit. Në rrugë jo zyrtare PD ka bërë të ditur edhe argumentet e saj për antikushtetueshmërinë e ligjit.

Përveç ditës javore të sesionit parlamentar, kur politikanët bëjnë retorikat qesharake, kinse në mbrojte të interesave, por edhe të përfaqësimit qytetar, ditët e tjera pothuaj janë të fjetura për opozitën. Kuptohet se shkojnë në komisionet parlamentare, në emisione, prononcohen, atakohen. Kjo është e gjitha ajo sa i përket veprimit të opozitës. Partia Demokratike si lidere reale e opozitës shqiptare, e ka të vështirë të përballë egoizmin dhe arrogancën e mazhorancës, por më shumë se kaq çoroditjen e brendshme dhe humbjen e besimit total të lidershipit aktual të PDsë.

Ç’do të thotë që miqtë ndërkombëtarë e ndihmojnë Shqipërinë? Përgjigja më e thjeshtuar është që si vende me tjetër kulturë demokratike dhe kushtetuese, me tjetër zhvillim dhe fuqi, këta miq asistojnë vendin tonë me projekte, ndihma financiare, me ristrukturim legjislacioni dhe me monitorim. Pjesën tjetër duhet që ta bëjmë vetë ne. Ky është njësoj si ai muhabeti i mikut që të gjen punë me ndonjë ndërhyrje:  Miku bën të vetën, pra ndërhyn, kurse i interesuari duhet të dëshmohet që di të përballet me sfidat e punës. Ndryshe ose bën për atë punë, ose nuk bën.

Droga. Opozita ka gjetur më në fund të keqen pas së cilës e kundër së cilës të formulojë një kundërshtim “ideologjik” ndaj qeverisë që e barazon me krimin dhe trafikun. Lulzim Basha, kryetar i Partisë Demokratike, ka dalë sot në një deklaratë për shtyp përmes së cilës ka përsëritur tezën se çdo gjë që ndodh aktualisht jo për mirë në Shqipëri ka të bëjë me drogën, me kanabisin që po mbillet kudo.

Kur qeveria po shijonte frytet e një fitore dërrmuese në Dibër dhe ministri i Brendshëm ishte në apogjeun e një fushate televizive në parcelat e kanabisit, rënia e avionet Piper inë bregdetin e Ishmit e shndërroi shfaqjen në një komedi politike me në krye kryeministrin dhe pas tij ministrin e Brendshëm. çorientimi u pa qysh në filim kur ish-ministri Flamur Noka bëri publik lajmin. Të kapur në befasi, kryeministi la sallën e kuvendit, ministri Tahiri nisi telefonatat dhe kryetari i kuvendit ndërpreu seancën e kuvendit.

Ka një përpjekje për të mbuluar, në mos mohuar fare përgjegjësitë politike të PD-së dhe Lulzim Bashës në humbjen e Dibrës. Arsyet që jepen janë po ato: votat u blenë, hashashi që është ekonomi dhe presion bëri punën e vet etj.. Vetë kryetari i PD-së, Basha, foli sot për aleancën e krimit me politikën. Më herët kryeministri Edi Rama falënderoi dibranët, njësoj si aleati i tij i preferuar PDIU, ndërkohë që LSI-ja nuk ka një qëndrim për zgjedhjet, ndonëse formalisht ishte në krahun e PS-së.

Le t’u hedhim një sy shifrave: