OKB

Një tjetër dritë jeshile për kurdët dhe aspiratën e tyre për pqrfaqësim politik.  Në një intervistë për agjencinë ruse, Ria Novosti, cituar nga Reuters, i dërguari i OKB në Siri, Staffan de Mistura, ka deklaruar se kurdët e Sirisë nuk duhen përjashtuar nga hartimi i kushtetutës së re të Sirisë. 

Politika amerikane në Siri sulmohet së fundmi edhe nga Kombet e Bashkuara. BBC-ja nuk ka munguar të raportojë një raport të hetuesve për krimet nga OKB sipas të cilëve fushata ajrore e koalicionit të drejtuar nga SHBA në Raqqa ka sjellë humbje shokuese në jetë njerëzish. Koalicioni mbështet operacionet në terret të kurdëve dhe aleatëve arabë duke mundësuar që një formacion, Forcat Demokratike Siriane të fitojnë territor në perëndim, lindje dhe veri të Raqqas, i shpallur nga Shteti Islamik si kryeqytet I kalifatit.

"Urdhri që kam lidhur me çështjen e emrit të Maqedonisë është çelësi që do të hapë derën për zgjidhjen e çështjeve të tjera të diskutueshme në rajon". Kështu deklaron ndërmjetësi i OKB-së për çështjen e emrit të Maqedonisë, Matthew Nimetz në një intervistë për gazetën Realnews.
Diplomati amerikan thotë se pret që të formohet qeveria e re në Shkup për të nisur "diskutimet serioze", duke dërguar një mesazh se zgjidhja e emrit kushtetues të Maqedonisë duhet të jetë prioritet në agjendën e qeverisë së re.

"Wiener Library" publikon së fundmi katalogun e Krimeve të Luftës së hetuar nga Komisioni i Kombeve të Bashkuara, i ngritur në një takim mbajtur në Ministrinë e Jashtme britanike më 20 tetor 1943, pra përpara se vetë OKB-ja të legalizohej si strukturë kryesore e rendit ndërkombëtar. Komisioni u krijua me përfaqësim të disa qeverive, konkretisht 17: Australia, Belgjika, Kanadaja, Çekosllovakia, Danimarka, Franca, Greqia, India, Luksemburgu, Hollanda, Zelanda e Re, India, Norvegjia, Polonia, SHBA, Britania e Madhe dhe Jugosllavia.

Vdekja e ambasadorit rus në OKB, Vitaly Churkin ka hapur një diskutim mediatik mbi mundësinë e helmimit të tij. Kanë qenë disa media, kryesisht në SHBA që kanë lënë shteg të mendohet se nga autopsia e kryer, Churkin mund të mos ketë patur vdekje natyrale. Sipas televizionit filipinas, “abs-cbn”, raporti i ekzaminimit mjekësor fliste për “ushqimin e dyshuar” duke spekulluar se helmi ka dhënë efekt në veshka.

Ambasadorja amerikane në Organizatën e Kombeve të Bashkuara, Nikki Haley ka deklaruar se Kosova e meriton të jetë anëtare e plotë e OKB-së. "SHBA beson se komuniteti ndërkombëtar duhet të pranojnë se Kosova ka bërë përparime të mëdha që nga shpallja e pavarësisë. Kosova e meriton të marrë vendin që i takon në bashkësinë ndërkombëtare, përfshirë edhe anëtarësim të plotë në OKB"-tha Haley në fjalimin në Këshillin e Sigurisë, të OKB-se.

Votimi i Shqipërisë në Asamblenë e Përgjithshme të Kombeve të Bashkuara për rezolutën e hapjes së negociatave për traktatin e ndalimit të armëve bërthamore ka rihapur sërish serialin e përplasjeve mes Presidentit të Republikës, Bujar Nishani dhe ministrit të Jashtëm, Ditmir Bushatii.

Ky i fundit deklaroi në Komisionin e Jashtëm se Presidenti i Republikës ka marrë sqarim në rrugë institucionale mbi qëndrimin e mbajtur nga vendi ynë në votimin e OKB-së më 23 dhjetor dhe konsultimet e zhvilluara me vendet partnere për këtë rezolutë.

Bota e sotme është e përmbytur nga problemet. Politikëbërësit duken konfuzë dhe të pasigurtë. Por asnjë problem nuk është më urgjent sot sesa militarizimi i politikës dhe gara e re e armatimeve. Ndalimi dhe ndryshimi I kahut të kësaj gare shkatërruese duhet të jetë prioriteti ynë kryesore. Situata e tanishme është shumë e rrezikshme. 

Miratimi i rezolutës për ndërprerjen e aktiviteteve izraelite në territoret palestineze, duket se është kthyer në mollë sherri mes Shteteve të Bashkuara dhe Jeruzalemit. Zyrtarët izraelitë kanë deklaruar publikisht se kanë prova se miratimi i rezolutës në OKB është i orkestuar nga presidenti në ikje i Shteteve të Bashkuara të Amrikës, Barack Obama.

Zyrtarët e OKB-së u kanë bënë thirrje autoriteteve shqiptare që të japin më shumë para për kompensimin e 6 000 familjeve, të afërmit e të cilëve u vranë dhe u zhdukën gjatë regjimit komunist. Siç raporton Associated Press, Znj Houria Es-SLAMI në cilësinë e kreut të Grupit të Punës së Kombeve të Bashkuara mbi Zhdukjet përfundoi javën e dytë të dhjetorit një vizitë Tiranë. "Të gjitha të  zhdukurit me dhunë- tha ajo- dhe të afërmit e tyre kanë të drejtë për kthimin e plotë, kompensimin dhe rehabilitimin nga padrejtësitë e regjimit të kaluar”