nderhyrja

Partia Bashkimi për të Drejtat e Njeriut dhe organizat e minoritetit grek, Omonia, kanë dalë sot me një deklaratë të përbashkët përmes së cilës denoncojnë atë që e cilësojnë si sulm ndaj Himarës.

Ted Galen Carpenter, bashkëpunëtor në studimet e mbrojtjes dhe të politikës së jashtme në Institutin Cato, redaktor dhe autor i dhjetë librave dhe i më shumë se 650 artikujve mbi Çështjet ndërkombëtare, publikonte tri ditë më parë një opinion në National Interest, rreth precedentit të NATO-s në Kosovë. I tmerrshëm e quan Carpenter aktin e ndërhyrjes sidomos në kultivmin e një dyshimi permanent nga Rusia që sot po kundërvepron. Më poshtë pjesë nga opinioni: 

Dje u bë publik lajmi se qeveria shqiptare ka vendosur të pezullojë punimet e kompanisë bankers Petroleum në Zharrëz dhe aplikimin e teknologjisë së injektimit të ujit në gëlqeror. Teknologji që mendohet se provokon lëkundjet që kanë shkaktuar dëme në komunitet.

Pas Ministrisë së Jashtme maqedonase edhe presidenti I vendit, George Ivanov, ka deklaruar se disa vende fqinje po ndërhyrjnë në punët e brendshme të këtij vendi. Ivanov ka përcjellë këto shqetësime në takimin e tij me eurokomisionerin Hahn, duke kërkuar dënimin e akteve të tilla.

Ministria e Jashtme e Maqedonisë ka reaguar rretha asaj që e quan ndërhyrje në punët e brendshme të Shqipërisë. Në një reagim ndaj deklaratave dhe komenteve të kryeministrit Edi Rama, ministria maqeonase vlerëson se “do të ishte një gjë e mirë për fqinjësinë mes vendeve që të aplikohet koncepti maqedonas i integrimit multikulturor në shoqëri bazuar në vlerat europiane”. 

Një shashkë e radhës është hedhur në Ballkan. Gazeta kroate “Vecernji List” shkruan se është në dijeni dhe ka parë një dokument që flet për ndërhyrjen ushtarake të NATO-s në Ballkan. Ndërhyrja lidhet me potencialin e konflikteve etnike, si duket në Bosnje – Hercegovinë më së shumti ku pritet një referendum nga Republika Srpska në vitin e ardhshëm. Dokumenti që citohet nga gazeta kroate flet për dy rreziqe: sjellja ruse në rajon dhe radikalizmi. Vlerësime që po mbushin të pakëtn 3 vjet që shkruhen e raportohen.

Paul Wolfowitz, ish-këshilltar i Presidentit Bush dhe një nga njerëzit e akuzuar si planfikues i luftës në Irak, ka dhënë një intervistë për gjermanen “Der Spiegel”, përmes së cilës ka bërë disa vlerësime edhe për situatën e sotme.

Wolfowitz hedh poshtë akuzën se ai është autor i luftës në Irak, ndërkohë që pranon se goidtja ndaj regjimit të Saddam Hussein, u bë jo mbi prova, por mbi bindje të përgjithshme. Ky është ndoshat edhe qëndrimi më skandaloz përderisa pranohet se një shtet u shkatërrua për nevoja imediate sigurie të një shteti tjetër dhe mbi bazë perceptimi.

Shumëkush e mban mend sesi u arrestua Ardian Fullani, ish-Guvernator i Bankës së Shqipërisë. Formalisht urdhri u dha nga prokuroria, por u pa qartë se qeveria dhe kryeministri luajti politikisht me mënyrën e arrestimit. Sot Fullani është i pafajshëm dhe kërkon dëmshpërblim. Pasardhësi nuk ka bërë asgjë për të zbardhur praktikat korruptive të përfolura gjerësisht në Bankën e Shqipërisë, njësoj si asgjë nuk është bërë për aktin e privatizimit të hotel “Djati” nga Banka e Shqipërisë. Godina ekzistuese e BSH-së u rikonstruktua për t’i lënë 33 milionë dollarët një çështje të historisë.

Tony Blair është vënë nën akuzën për mashtrim lidhur me nisjen e luftës në Irak në vitin 2003. Njeriu të cilin shqiptarët, ata të Kosovës të paktën, e njohin si kontribues të çështjes së tyre me Serbinë, ka ndjekur një politikë shumë cinike në raport me Irakun. Ai është personi që qëndron pas ndërhyrjes e cila prodhoi atë që shohim sot në Lindjen e Mesme dhe që në thelb ka shkatërruar në mënyrë të pariparueshme Irakun. Hetimi i kryer nga komisioni Chilcot ka konkluduar ndër të tjera se:

“Britania shkoi në luftë përpara se opsionet e paqes të ishin ezauruar...

Tensionet për çështjen e Sirisë kanë mbërritur deri brenda administratës amerikane, ku ka patur mendime të ndryshme për qëndrimin që duhej mbajtur ndaj Bashar Al Assad. Meda shtetërore iraniane, “Press-Tv” citon numrin e ri të revistës “Atlantic”, në të cilën shkruhet se presidenti amerikan Barack Obama ka hedhur poshtë disa herë propozimin e sekretarit të Shtetit, John Kerry, për goditje të kufizuara me raketa të forcave të Assadit, si një mënyrë për të “dërguar një mesazh” dhe për të detyruar presidentin sirian që të ulej në tryezën e bisedimeve.