nasa

NASA ka publikuar së fundmi disa foto satelitore nga një rajon në Kazakistan. Në foto, të marra nga 430 milje lartësi, shihet ajo që në sipërfaqe nuk mund të dallohet: struktura prej guri që paraqesin modele gjeometrike. Katrorë, svastika, kryqe etj., duken qartë në tokë dhe gjëja e parë që të shkon në mendje është se në Kazakistan ndodhet një rast analog me atë në Peru.  Në vitin 2007 imazhet u publikuan të marra nga Google Earth dhe spekullimet nuk pushuan. Shumëkush dyshoi për një mashtrim, por imazhet duken qartë.

Zyrtarët e hapësirës evropiane dhe amerikane kanë nisur planet për të shmangur asteroidet larg nga Toka, me shpresën e mirë për mbrojtjen e planetit dhe për të kuptuar formën, mënyrën sesi lëvizin asteroidet. “NASA dhe ESA po formojnë një ekip hapësinor për të parandaluar Armageddon”. Projekti, i quajtur Misioni Asteroid dhe Ndikimi e Vlerësimi Devijues  (AIDA), u njoftua për herë të parë në vitin 2012. Por kjo nuk ndodhi deri këtë vit kur zyrtarët shpallën një objektiv për studimet e tyre: një asteroid binar afër Tokës të quajtur 65803 didymos.

Ridley Scott u njoh me fotografitë e NASA-s që provonin se kishte ujë të rrjedhshëm në Mars dy muaj më parë. I përfshirë në realizimin e filmit “The Martian”, Scott thotë se pavarësisht kësaj, ishte shumë vonë që zbulimi të përfshihej në film. Gjithsesi ka patur një bashkëpunim mes agjencisë dhe regjisorit të njohur i cili ka realizuar një film që flet pikërisht për misionin e njeriut në planetin e kuq. Mbijetesën aty ku ndërthuret arti me të dhëna shkencore.

NASA konfirmon se në planetin e kuq, në Mars është zbuluar ujë. Në vitin 2010 u zbuluan disa vija të errëta, të gjera 5 m dhe të gjata 100 të cilat nxitën dyshimin se ishin shkaktuar nga uji i rrjedhshëm. Përveç akullit që pranohej gjerësisht se ekzistonte, sot Agjencia Hapësinore Amerikane pranon zyrtarisht praninë e ujit të lëngshëm në Mars. Një zbulim historik, i cili i jep përgjigje, ose hap një parAdigmë të re për të vlerësuar mundësinë e jetës në univers. Uji është parakusht i jetës dhe kjo është çfarë është zbuluar në sistemin tonë diellor.

Duket sikur fokusi i NASA-s si kohët e fundit ka qenë i drejtuar vetëm drejt Marsit dhe përpjekjet për të arritur atje. Megjithatë agjencia hapësinore kohët e fundit bëri një njoftim. NASA ka zhvilluar software për të ndihmuar të reduktuar konsumin e karburantit, emetimet e karbonit për linjat ajrore tregëtare. Teknologjia e futur rishtas është duke u provuar për funksione të reja të aviacionit në atmosferë, duke krijuar një metodë të re për udhëtimet ajrore. Teknologjia e re që do të instalohet në paketën e avionëve.

E pasur, shumë e pasur, një botë plot me aspekte të jashtëzakonshme dhe formacione sipërfaqësore. Imazhet e reja të Plutonit të dërguara nga horizonte të reja të NASA-s entuziazmojnë astronomët. Planeti xhuxh vazhdon të sjellë të papritura: nga fotot shfaqen zona që duken të mbuluara me dunat, lumenj azoti që rrjedhin nga malet dhe fushat, luginat dhe krateret. Sipas ekspertëve që ndjekin misionin, “sipërfaqja e Plutonit është aq komplekse sa dhe ajo e Marsit”.

Toka është trupi qiellor që ka numrin më të madh të planeteve të ngjashëm. Zbulimi më i fundit i NASA-s ishte ai që tërhoqi vëmendjen për  ngjamërinë e madhe me tokën të një planeti që ndodhet në galaksinë tonë. Shkencëtarët e NASA-s e emërtuan Kepler-452b dhe e pagëzuan si “kushëririn” e planetit tokë . Ai ndodhet  1 mijë e 400 vjet dritë larg dhe e kryen rrotullimin përreth yllësisë së tij për 385 ditë. Kelpelr-452b ka një diametër 60% më të madh se toka.

Gjatë finaleve të konkursit “Robotikët Zero” në 14 gusht, më shumë se 650 nxënës nga 11 shtete panë software dhe zhvilluan konkurrencën e parë robotike në botë në bordin e stacionit hapësinor. Kjo garë u dha gjimnazistëve një mundësi për të mësuar mbi bazat e programimit kompjuterik, robotikëve dhe inxhinierisë hapësinore përgjatë një programi veror që zgjati pesë javë.

Asteroidi 1999 JD6 në distancë 7.2 milion km nga Toka, ose 19 herë distanca mes Tokës dhe Hënës, përcjellë me një video të NASA-s pas lokalizimit me radar më 25 korrik. Asteroidi do t'i afrohet Tokës në këtë distancë sërish në vitin 2054.