ministria e jashtme

Bullgaria ka raguar ndaj deklaratave të presidentit turk,  Erdogan për ndryshimin e kufijve mes Turqisë dhe Greqisë duke theksuar se kjo nuk i shërben stabilitetit rajonal. Ministria e Jashtme e Bullgarisë përcolli dje një deklaratë për shtyp përmes të cilës e vlerëson çdo rishikim të Traktatit të Lozanës që përkufizon kufijtë mes Greqisë dhe Turqisë si një lëvizje kundër stabilitetit.

Ministri për Evropën dhe Punët e Jashtme, Ditmir Bushati, ka prezantuar dje në Komisionin Parlamentar për Politikën e Jashtme, projektbuxhetin e kësaj ministrie për vitin 2018. Sipas ministrit rritja për këtë vit është me 0.74% krahasuar me një vit më parë dhe sipas asaj që ai deklaroi fondi mjafton që ndër të tjera “të vazhdohet me pjesë të ndryshme të rikonstruksionit të godinës së Ministrisë së Jashtme”. Ndërkohë që siç tha Bushati “jemi në fazën e mbylljes së bibliotekës”.

Ministria për Evropën dhe Punët e Jashtme ka publikuar sot një deklaratë përmes së cilës dënon ashpër lëshimin e raketës balistike nga Korea e Veriut. Në deklaratë vihet në dukje shkelja e të drejtës ndërkombëtare dhe rezolutave të Këshillit të Sigurimit të OKB-së.

“Qeveria shqiptare i bën thirrje RPDK-së të ndalojë menjëherë provokimet dhe të kthehet në tryezën e bisedimeve si rruga e vetme për një zgjidhje paqësore dhe të qëndrueshme në gadishullin Korean”, thuhet në deklaratë.

Ministria e Jashtme e Maqedonisë ka reaguar rretha asaj që e quan ndërhyrje në punët e brendshme të Shqipërisë. Në një reagim ndaj deklaratave dhe komenteve të kryeministrit Edi Rama, ministria maqeonase vlerëson se “do të ishte një gjë e mirë për fqinjësinë mes vendeve që të aplikohet koncepti maqedonas i integrimit multikulturor në shoqëri bazuar në vlerat europiane”. 

Tirana e përshëndeti marrëveshjen politike të partive shqiptare në Maqedoni për të dalë me një platformë të përbashkët kushtesh për krijimin e qeverisë së re. Madje kjo marrëveshje iu njoh si meritë politikës sonë të jashtme dhe kryeministrit Rama në zyrën e të cilët doli tymi i bardhë për pajtimin e shqiptarëve të Maqedonisë.

Moska do të dërgojë një mision të saj në Ankara për të hetuar atentatin ndaj ambasadorit të saj, Andrei Karlov. kjo mësohet së është rënë dakord në bisedën telefonike mes presidentit Erdogan dhe homologut të tij rus Vladimir Putin. ky i fundit nuk nguroi ta quajë atentatin një provokim ndaj marrëveshjes trilaterale, Rusi, Iran, Turqi për situatën në Alepo.

Dënimi i dy nëpunësve të ministrisë së jashtme shqiptare nga Gjykata e Janinës për futjen në Greqi të materialeve ku propagandohej Shqipëria e Madhe ka gjetur jehonë edhe në mediat e vendit fqinj, të cilat kanë zbardhur detaje nga seanca gjyqësore në ngarkim të Agim Asllanit dhe Altin Tafës.

Qeveria shqiptare ka vendosur zgjerimin e shërbimit diplomatik në Republikën Federale të Gjermanisë. Në mbledhjen e datës 6 korrik, qeveria miratoi hapjen e Konsullatës së Përgjithshme të Shqipërisë në Mynih. Propozimi është bërë nga ministri i Jashtëm. Misioni diplomatik shqiptar në Berlin u vu në provë gjatë krizës së azilkërkuesve vitin e kaluar, por nga të gjitha raportimet, ambasada shqiptare thjesht u transformua në një shtojcë informative të Ministrisë të Brendshme gjermane për të dhënat e kërkuara për azilkërkuesit, për të mos dhënë asnjë ndihmë tjetër.

Pas deklaratave të Ministrisë së Jashtme greke për një baner në ndeshjen Zvicër-Shqipëri ku shkruhej për Çamërinë, ka reaguar Ministria Jonë e Jashtme, përmes Këshilltarit për Media të ministrit të Jashtëm, Glevin Dervishi. Me bluzën e kombëtares dhe me gjasë me mesazhin se ato që ndodhin në një ndeshje duhet të lihen aty, Dervishi ka folur për nevojën e reciprocitetit. Një ekzibicion i ngjashëm me atë që një oficer policie i akuzuar për përgjime performoi para gjykatës me një valixhe të improvizuar përgjimi.

Athina zyrtare lëshon një sinjal të qartë ndaj Tiranës dhe veçantërisht ministrit Bushati në prag të vizitës së homologut të tij Nikos Kotzias në kryeqytetin shqiptar. Mediat greke kanë cituar sot zyrtarë të qeverisë Tsipras t'i vënë embargo çdo parapërgatitje të palës shqiptare për të diskutuar mbi çështjen çame. "Çështje çame nuk ekziston" dhe "referimi në mënyrë të përsëritur nga autoritetet zyrtare shqiptare i një çështjeje të paqenë, vetëm marrëdhënieve dypalëshe nuk u shërben".