mandatet

Atmosfera politike në prag të zgjedhjeve është tendosur mjaft nga partitë kryesore, në funksion të maksimizimit të numrit të votave të tyre. Krijohet përshtypja që faktori LSI ka filluar të bëhet rival  preokupues për PS -PD dhe po e humbet atë pozicion të favorshëm stabiliteti që kishte deri tani. Me  fjalë të tjera, ka dalë në fushëbetejë dhe po lufton pa favorizime me rivalët e vet. Por, a do të ketë fuqi  imponuese pas zgjedhjeve?

Të  bësh një parashikim për rezultatin e këtyre zgjedhjeve, duke u bazuar në rezultatet e zgjedhjeve të  mëparshme, është diçka që nuk mund të bëhet me saktësi,  sepse mundësia që gabimi  të  jetë i madh, nuk është e vogël.  Kjo, nga mungesa e konsistencës dhe nga kaosi statistikor që vërehet nga tabelat e  rezultateve. Gjithashtu edhe sondazhet mund të jenë problematike,  përsa i takon gabimit që mund të  shfaqet. Kështu p.sh kemi fenomene si:

Ilir Meta përcaktoi një tavan, mbi të cilin asnjë parti shqiptare, sipas tij, nuk do mund të ngjitet në këto zgjedhje. Ky tavan, sipas tij, ishte baraz me 53 deputetë. Kuptohet, jemi në betejën propagandistike të shifrave (nëse këtë tavan do ta linte më të lartë, i binte që të mos mbetej gjë për LSI-në). Është një betejë që do ta bëjnë edhe partitë e tjera. Madje, Partia Socialiste e ka filluar përpara tij. “Synojmë të marrim 71 deputetë”, është dëgjuar Rama të thotë më shumë se njëherë. Dhe është e qartë se kemi të bëjmë me një wishful thinking.

Drejtuesit e qarqeve të PS-së i kanë prezantuar dje kryeministrit Edi Rama një analizë që e çon rezultatin e 25 qershorit në fitore me 75 mandate vetëm për PS-në. raportimin për këtë analizë e bën gazeta “Shqiptarja.com”, sipas të cilës “në Vlorë Gjiknuri ka parashikuar 7 mandate, ndërsa Klosi në Berat 4 të tilla. Lindita Nikolla parashikon të marrë 4 deputetë në Lezhë, ndërsa Ditmir Bushati në Shkodër po kaq. Mimi Kodheli parashikon të marrë 2 mandate në Kukës, ndërsa Ilir Beqja në Dibër parashikon 3 mandate.

Kreu i LSI-së ka vijuar edhe sot me presionin ndaj partnerit të tij në qeverisje duke folur edhe për lënie mandatesh. Në një takim me të rinj  në pallatin e sportit “Asllan Rusi”  Meta është shfaqur me tone konstruktive duke shtuar madje se lënia e mandateve mund të bëhet që Shqipëria të mos bëhet gazi i botës. 

Partia Demokratike ka hapur procesin e verifikimit të shpërndarjes së popullsisë pas ndarjes së re territorial, në kudër të mandate për çdo zonë zgjedhore në votimet e ardhshme.

“Shekulli” raporton se PD-ja ka kërkuar zyrtarisht nga Komisioni Qendror i Zgjedhjeve informacion të qartë për lëvizjet demografike, kërkesë e cila u miratua 5:2 nga Komisioni. Informacioni do të duhet të paraqesë lëvizjet nga njëri qark në tjetrin, por edhe ndryshimin e njësive administrative për shkak të reformës territoriale.

Presioni i opozitës për mandatet e deputetëve Leskaj e Suli duket se ka dhënë rezultat. Ndonëse për javë të tëra qëndruan në heshtje dhe refuzuan t’i nënshtrohen procedurës si në rastin e deputetit Koço Kokëdhima, Leskaj e Suli kanë treguar një ditë pas vizitës së komisionerit Hahn devotshmërinë që mandati i tyre të çohet në Kushtetuese. Nënkryetarja e Kuvendit, Valentina Leskaj, i është drejtuar me një letër kryetarit të kuvendit Ilir Meta, ku i kërkon që të jetë parlamenti ai që të vërë në lëvizje Gjykatën Kushtetuese për mandatin e saj.

Partia Demokratike ka vendosur sot përmes Grupit Parlamentar bllokimin e punimeve të Kuvendit, nëse nuk vendoset dërgimi në Gjykatë Kushtetuese i shqyrtimit të mandatit të deputetëve socialistë, Valentina Leskaj dhe Rakip Suli. Për Sulin seancën e kaluar u votua kundër, ndërkohë që në Kushtetuese është dërguar vetëm çështja e mandatit të deputetit Koço Kokëdhima. E njëjta gjë kërkohet edhe për Sulin dhe nënkryetaren e Parlamentit, Valentina Leskaj. 

Partia Demokratike parashikon një krizë parlamentare, ndërkohë që ka nisur të flasë për përmbysje të qeverisë. Edi Paloka, kryetar i Grupit Parlamentar, thotë në një intervostë për “Ora-News” se dorëzimi i mandateve është vetëm një hap. Pas tij, opozita, e cila është përfshirë në disa procese ligjvënëse, do të drejtohet ndaj aksioneve për rrëzimin e qeverisë. “Sigurisht është një akt ekstrem dorëzimi i mandateve por aspak i pamenduar dhe nëse Rama do kërkojë ta çojë vendin drejt një situate të pakontrolluar, atëherë dorëzimi i mandateve do të jetë vetëm hapi i parë.

Asnjë nga dy partitë e mëdha nuk komentoi draftin final të opinionit të Venecias për reformën në drejtësi. Çuditërisht të dyja selitë e kaluan në heshtje dokumentin që në një farë mënyre është pranuar nga palët si arbitri i reformës në drejtësi. Të dyja krahëve u ka interesuar heshtja dhe nuk përjashtohet mundësia që mes PS e PD të ketë patur një pakt për të mos  komentuar hë për hë opinionin e Komisionit të Venecias.