LSI

Kriza sistemike që prodhoi 25 qershori*

Postuar në 01 Korrik, 2017 09:36

Gjithçka ndodhi në zgjedhjet e 2017-s u testua në zgjedhjet e pjesshme për kryetar Bashkie në Dibër, me të vetmin ndryshim që PS nxori mësimet nga ky “test”, duke marrë të gjitha masat për ta sofistikuar dhe maskuar të njëjtin skenar që u aplikua në shkallë kombëtare, veçanërisht për ta bërë të pakapshëm për vëzhguesit ndërkombëtarë. Madje, skema e “ministrave teknikë”, pavarësisht angazhimit maksimal të individëve të vetmuar ministra, shërbeu si një alibi e plotë maskimi.

Blerja e votës, thjesht akuza, apo do të kërkohet edhe hetim?

Postuar në 30 Qershor, 2017 12:37

Zgjedhjet parlamentare përfunduan dhe tanimë ato janë pranuar nga të gjitha palët e përfshira. Megjithatë, dy subjekte kryesore, Partia Demokratike dhe Lëvizja Socialiste për Integrim kanë deklaruar se në zgjedhje pati blerje masive të votave, duke shtuar se paratë e kanabisit janë përdoru gjerësisht në fushatë dhe ditën e votimit. Këtë akuzë e bëri edhe aleati i PS-së, Paskal Milo.

Si bazë referuese për këtë aspekt do të jetë raporti final i OSBE-ODIHR, ndërkohë që partitë shqiptare janë të legjitimuara të vijojnë me pretendimet e tyre.

LSI, partia e parë parlamentare me kryetare një grua

Postuar në 29 Qershor, 2017 14:41

Petrit Vasili ka deklaruar se largohet nga drejtimi i LSI-së për t'i hapur rrugë Monika Kryemadhit, bashkëshortes së Ilir Metës.

Pas Bojaxhiut, edhe Vasili i LSI-së jep dorëheqje. Humbësi më i madh, Lulzim Basha, thjesht Vetë - Ngriu

Postuar në 29 Qershor, 2017 13:23

Kreu i Lëvizjes Socialiste për Integrim, Petrit Vasili ka dhënë dorëheqjen. Sipas një njoftimi që raportohet në media të ndryshme, Vasili thotë se dorëheqja bëhet për t’i dhënë hov riorganizimit të kësja partie pas zgjedhjeve të 25 qershorit. LSI-ja deklaroi se do të dilte forcë e tretë, ndërkohë që doli forcë e tretë. Vasili erdhi në krye të LSI-së, pas dorëheqjes së Ilir Metës, i zgjedhur president i Republikës. Do të shihet në vijim nëse Vasili do të rikandidojë, apo ky është thjesht një largim.

PS përjashton koalicionin me LSI-në. Kreu i LSI: Të hapur për aleancë me PD. Nga do shkojnë demokratët?

Postuar në 29 Qershor, 2017 10:38

Gramoz Ruçi i ka dhënë sot një intervistë “Gazeta Shqiptare” në të cilën konfirmon qëndrimin paraelektoral të PS-së për një “Jo” ndaj koalicionit me Lëvizjen Socialiste për Integrim.

S’ka koalicion me LSI-në. Kemi zhvilluar një fushatë për të vetëqeverisur Shqipërinë dhe nuk kemi pse ta diskutojmë këtë. Diskutimet do të bëhen në kohën e duhur”, tha Ruçi.

Sipas tij propozimet për qeverinë e re dhe organet e legjislativit do të bëhen publike në shtator, kur edhe përfundon mandate i kësaj qeverie.

Zgjedhjet e 25 qershorit, elektorati i partive dhe efekti i sistemit

Postuar në 28 Qershor, 2017 18:01

Në këtë analizë do të shqyrtoj efektin e metodës së konvertimit të votave në mandate dhe mandatet e sigurta që subjektet do ti siguronin vetëm, në bazë të përqindjeve të tyre në çdo qark(në mënyrë të pavarur nga subjektet e tjera), si dhe mandatet që kanë  varësi me subjektet e tjera (pra nga konfiguracioni i tyre në këto zgjedhje – 18 parti në çdo qark).

1. Efekti i metodës.

LSI-ja pranon rolin e opozitës, Vasili: “Zgjedhje me probleme të mëdha”

Postuar në 27 Qershor, 2017 10:38

Kryetari i Lëvizjes Socialiste për Integrim, Petrit Vasili ka dalë sot në një konferencë për shtyp përmes të cilës ka njohur zyrtarisht rezultatin e zgjedhjeve të 25 qershorit 2017. Ai ka falenderuar votuesit e LSI-së, 230 mijë, duke shtuar se tashmë misioni I LSI-së është Opozita.

“Kam dalë të falënderoj pafundësisht mbi 230 mijë votues shqiptarë, në radhë të parë qindra mijë të rinj që ishin forca jonë kryesore në këtë fushatë të vështirë që votuan për t’i bërë Shqipërisë një opozitë të vërtetë të vërtetë në vend.

Një krahasim me vitin 2013 – shakatë e hidhura të sistemit aktual zgjedhor

Postuar në 26 Qershor, 2017 23:00

Në zgjedhjet e vitit 2013(zgjedhje politike) morën pjesë 1 724 779 votues.

Në ato zgjedhje rezultate ishin këto:

 PS-ja si parti politike mori            713 407 vota       41.36%   baraz    65 mandate

PD-ja si parti politike mori            528 373 vota       30.63%   baraz    50 mandate      

LSI-ja si parti politike mori            180 470 vota       10.46 %   baraz     16 mandate

Sistemi zgjedhor, detyra kryesore e opozitës

Postuar në 26 Qershor, 2017 22:02

Zgjedhjet e 25 qershorit na përcjellin përmes rezultateve ende në përpunim një aspekt të qartë: mungesa e koalicioneve për shkak të marrëveshjes së 18 majit penalizoi jo vetëm disa parti, por edhe vlerën përfaqësuese të votës së shumë qytetarëve shqiptarë.

PD-ja është partia më e goditur në këtë skemë që ngriti vetë duke marrë leksionin se ajo nuk është ende gati të mundë PS-në e vetme. Në marrëveshjen e 18 majit me Lulzim Bashës dhe Edi Ramës, ndër të tjera thuhet edhe se palët do të angazhohen për realizimin e reformës zgjedhore (me fillimin e legjislaturës së re).

Një marrëveshje që nuk vlen më për PD-në

Postuar në 26 Qershor, 2017 11:22

Tashmë është e qartë që PS-ja dhe Edi Rama janë fitues të zgjedhjeve me një pjesëmarrje nga më të ulëtat në historinë e pluralizmit. Por ky nuk është më lajm. Shqiptarët që votuan e dhanë votën për atë parti që kanë zakon ta votojnë që nga 1946 për arsye që mund të hulumtohen vetëm në dhomën e rrëfimit të priftit. Sot lajm është se çfarë do të bëjë PD-ja, kjo krijesë e shkalafitur elektorale e cila mori grushtin e rëndë që nisi në marrëveshjen e 18 majit. Edi Rama ka folur shpesh në fushatë për bashkëqeverisje, se ai do të ketë kontakte me demokratët për hir të reformave.

Pages

Subscribe to RSS - LSI