Kumbaro

Seanca dëgjimore në Komisionin e Medias për projektligjin për zhvillimin e zonës ku ndodhet Teatri Kombëtar është mbërthyer nga debate për shkak se në të ka hyrë si xhol Kryetari i Bashkisë së Tiranës, Erjon Veliaj. Ministrja e Kulturës Mirela Kumbaro, e cila ishte thirrur në seancë, ka preferuar të heshtë dhe të marrë si engjëll mbrojtës Veliajn, që ka bërë zhurmuesin. Albana Vokshi, kryetare e Komisionit, ka deklaruar se Veliaj është thirrur të mërkurën.

Deutsche Welle ka raportuar për stendën e librit të Shqipërisë në Panairin e Librit në Lajpcig. Ndryshimi i vënë re kësaj radhe është se stenda dhe programi janë organizuar nga Ministria e Kulturës, madje vetë ministrja Mirela Kumbaro, ka qenë aty e pranishme. Bashkë me të edhe shkrimtarët e vlerësuar me çmime, si Thanas Medi, Gazmend Kapllani, Manjola Nasi.

Në lojën e përshtypjeve për të ardhmen e Teatrit Kombëtar do të hyjë edhe kryeministri Rama përmes degjesave me artistët. Sipas regjisorit Kastriot Çipi, transparenca lidhur me këtë projekt po trajtohet si çështje private e kryeministrit dhe  kryebashkiakut Veliaj.

Ministrja e Kulturës, Mirela Kumbaro deklaroi në Komisionin e Edukimit se në Parkun e Butrintit kanë rifilluar punimet për ndërtimin e Bar-Kafesë që do të administrohet nga një subjekt privat. 

"Ne e pezulluam për sa kohë të shteroheshin pyetjet dhe proceset në diskutimin publik dhe në marrjen e opinionit të përfundimtar të UNESCO-s. Ka rifilluar punimi dhe shumë shpejt pika e shërbimit bëhet gati për sezonin e ri turistik”-theksoi ministrja. 

Në reagim të deklaratave të aktorit të njohur Robert Ndrenika për zhvendosjen e shfaqjeve të Teatrit Kombëtar, ministrja e Kulturës, Mirela Kumbaro në një letër të hapur i kujtoi Ndrenikës kthimin e ambjenteve të Teatrit Kombëtar në sallë bingoje.

“Unë mendoj gjithashtu se komuniteti i aktorëve dhe shoqëria jonë nuk duhej ta kishin lejuar që Teatri të kthehej në lokal me tym lojërash fati e bingoje, që thithte klientë, por jo artdashës. Nuk di ç’mendoni ju për këtë, i dashur Robert!”-thuhej në letrën e ministres.

Ministrja e Kulturës, Mirela Kumbaro reagoi ndaj kundërshtisë së artistëve për të zhvendosur shfaqjet e Teatrit Kombëtar në godinën multifunksionale "Turbina" si dhe akuzave për mungesë transparence sa i takon ndryshimeve në ligjin "Për artin dhe kulturën". 

Mbi 70 artistë, emra të karrierës ne teatër dhe kinema i kërkuan Ministres së Kulturës, Mirela Kumbaro një takim urgjent për të diskutuar mbi dy çështje që ata i quajnë jetike, zhvendosjen e Teatrit Kombëtar në godinën multifunksionale “Turbina” si  dhe projektligjin e ri për artin dhe kulturën.

Ministria e Kulturës e ka quajtur keqkuptim përplasjen e fundit me Kishën Orthodhokse për meshën katolike që u mbajt në Kishën e Labovës. Në një sqarim lidhur me reagimin e Kishës, Instituti i Monumenteve të Kulturës thotë  se Ministria e Kulturës nuk ka pasur asnjë dijeni dhe nuk ka dhënë leje për zhvillimin e meshës nga klerikët katolikë.

Në seancën dëgjimore të ministres së Kulturës Mirela Kumbaro në Komisionin e Medias u zbërthye në një farë mënyre i gjithë projekti që u kopsit me letra në fshehtësi dhe po në të njëjtën mënyrë filloi të ndërtohej në Butrint. 

Minisria e Kulturës ka reaguar ndaj rrëzimit të Manastirit të Shën Athanasit në Leshnicën e Poshtme në Sarandë. Sipas saj, manastiri është në listën e objekteve që po restaurohen, por tërmeti i muajit shkurt shkaktoi të tjera dëme.

Reagimi:

Në kishën e Shën Thanasit në Leshnicë janë kryer inspektime dhe ndërhyrje përforcuese nga DRKK Vlorë, ndërsa gjatë dekadave kjo kishë ka pësuar degradime të rënda në të gjithë elementët strukturorë përbërës të saj dhe nuk është kryer asnjë ndërhyrje deri në vitin 2014.