kryeministri

Mikhail Minshustin është kryeministri i ri i Rusisë. Dhoma e Ulët e Parlamentit rus miratoi kandidaturën e tij me 383 vota pro, ndërkohë që nukpati asnjë votë kundër ndhe vetëm 41 abstenime.

Lëvizja Vetëvendosje në Kosovë duket se është kyçur në një pozicion absurd paszgjedhor. U shpall fituese e zgjedhjeve parlamentare, kryetari i saj, Albin Kurti e quan veten si kryeministër, por nuk pranon ta zyrtarizojë kandidaturën e tij. Presidenti i vendit, Hashim Thaçi, kishte njoftuar një afat 48-orësh për të zyrtarizuar emrin e kandidatit që do të mandatohet, por VV ka dështuar sërish në këtë drejtim.

Albin Kurti ka zhvilluar më në fund takimin e shumëpërfolur me presidentin e Kosovës Hashim Thaçi. Takimi u përfol se ishte konsultativ, por në finale, pas 15 minutash diskutim të dy janë ndarë. Kreu i Vetëvendosjes ka nxituar të sqarojë natyrën e takimit, duke bërë të qartë se ai shte aty si pasojë e presionit publik.

"Dhurata" politike e Donald Trump për Benjamin Netanjahun, se SHBA i konsideron vendbanimet e Izraelite në Bregun Perëndimor të pajtueshme me ligjin ndërkombëtar dhe njohja e Jeruzalemit si kryeqytet i  Izraelit, nuk arriti të kompensojnë goditjen e madhe që po merr politikani veteran i Likud.

Të enjten Prokurori i Përgjithshëm i Izraelit, Avihai Mandelblit njoftoi aktakuzën kundër kryeministrit izraelit. Të gjitha akuzat kanë të bëjnë me mënyrën se si Netanjahu trajoi në mënyrë të favorshme disa biznesmenë në këmbim të publicitetit pozitiv ndaj tij.

Pak ditë më parë, ministrja e Kulturës, Elva Margariti mori pjesë dhe njoftoi përfundimin e punës për Planin e Menaxhimit të Parkut të Butrintit. Plani është një bashkëpunim me Fondin Shqiptaro-Amerikan  dhe për të janë akorduar 250 mijë dollarë.

Plani parashikon rikapitalizimin e zonës në funksion të zhvillimit ekonomik me bazë turizmin arkeologjik. Nuk është e qartë se çfarë do të ndodhë realisht, nëse do të ketë kontrata koncesionare, apo jo. Qeveria duket e frustruar nga ideja e koncesionit dhe prefereon t’i miratojë ato duke shmangur vëmendjen publike.

Ish-ministri i Jashtëm Ditmir Bushati ka folur sot në Parlament për raportet e Shqipërisë me diasporën dhe Europën, duke përmendur me këtë rast se integrimi I vendit në Bashkimin Europian nuk është ndonjë ngjarje e pashmangshme. Lidhur me këtë, Bushati ka sjellë një ilustrim nga historia e kohës osmane, duke aluduar ndoshta se në rrugën drejt Europës nuk pengon vetëm kriza ciklike e vendit, por edhe preferencat e shprehur politike të politikanëve kryesorë që po luajnë kumar me të ardhmen.

Në faqen e vet në Facebook, presidenti i Republikës, Ilir Meta publikon një mesazh për kryeministrin Edi Rama, të cilit i drejtohet në terma familjarë dhe privatë. Letra nuk fsheh dozat e ironisë, stilistikisht të ngjashme me ato që përdor gazetari Artur Zheji, një njeri i afërt dikur me Edi Ramën, dhe për pasojë ajo të ngjet me një mesazh që Ilir Meta ia nis Edi Ramës dhe jo Presidenti - Kryeministrit. Është një komunikim i padobishëm për askënd, veçse për egon e njërit dhe të tjetrit që nuk thotë asgjë për situatën ku ndodhet vendi. Më poshtë mesazhi:

Presienti i Republikës ka dekretuar datën 13 tetor si një datë alternative për zgjedhjet lokale. Më tej, Ilir Meta ka dhënë edhe një garanci: në këtë datë nuk do të ketë një bashki të vetme pa një kandidaturë konkuruese krahas asaj të PS-së.

Edi Reflekto! Ja motoja e Presidentit, ndërkohë që zëdhënësi i tij, Petrit Vasili ka deklaruar se LSI-ja këtë datë e pranon.

Njerëz të afërt me pushtetin, në media dhe jashtë saj, kanë nisur të kultivojnë idenë se përpjekja e tanishme politike e opozitës, në thelb ka shpëtuar kryeministrin nga problemet reale që përndryshe do të kishte. Mesazhi është i thjeshtë: ne duam që z. Rama duhet të japë llogari, por kjo kërkon stabilitet politik. Dhe opozita po bën të kundërtën.

Kjo tezë nuk ka asgjë të vërtetë në mënyrën si artikulohet. Është thjesht një tezë dinake për të mbrojtur kryeministrin me alibinë e budallallëkut të PD-së dhe z. Basha.

Dikush duhet t’i gjejë mënyrën kryeministrit të Shqipërisë e ta këshillojë. Të afërmit, analistët që i vijnë vërdallë, deputetët, ish-kryeministrat, apo edhe ambasadorët që jetojnë në Tiranë. Ta kujtojnë zotërinë se është kryeministër dhe se kur je i tillë ca gjëra duhet t’i bësh në vetë të parë. Duhet t’i marrësh përsipër. Një kryeministër, sidomos si ky z. Rama që e ka marrë votën me pashë nga shqiptarët që të bëjë shtet, duhet të mos i tutet askujt që kërcënon stabilitetin dhe ligjin.