Kotzias

Takimi i radhës mes ministrit të Jashtëm Ditmir Bushati dhe homologut të tij grek Nikos Kotzias, duket se futi në një hulli normaliteti marrëdhëniet mes dy vendeve, të provokuara nga retorika e fortë nacionaliste e kryeministrit shqiptar mbi çështjen çame dhe ligjin e luftës. Takimi mes tyre nuk u shoqërua me një konferencë për shtyp, për të mos i dhënë karatkter mediatik kësaj vizite siç thonë burime të Ministrisë së Jashtme Greke. Shkak, evitimi i çdo ndikimi në prag të fushatës zgjedhore në Shqipëri. 

Ministri i jashtëm grek, Nikos Kotzias, ka deklaruar se Athina kërkon t’i zgjidhë gjithë problemet me Tiranën, mbi bazën e të drejtës ndërkombëtare. Ai gjithashtu ka shtuar se pala greke nuk me sheh të nevojshme vendosjen e vetos për hapjen e negociatave të anëtarësimit të Shqipërisë në BE, pasi sipas tij Shqipërisë i janë vënë kushte nga Brukseli.

Pjesë e shqetësimeve të ngritura nga ministri i jashtëm grek Nikos Kotzias në samitin e ministrave të Jashtëm të BE-së që u mbajt në Bruksel në fillim të dhjetorit të kaluar ishin edhe praktikat e përvetësimit të pronave në jug të Shqipërisë dhe më konkretisht në zonat e njohura si minoritet. Siç pretendon gazeta greke “To Ethnos”  pasardhësit e “agallarëve shqiptarë “përdorin dekrete osmane për të marrë në duart e tyre prona të minoritetit grek në jug të Shqipërisë”.

Ministri i jashtëm grek, Nikos Kotzias, ka deklaruar se, pavarësisht tensionimit të marrëdhënieve me Shqipërinë, po vazhdojnë përpjekjet për zgjidhjen e problemeve dypalëshe. Në një intervistë për agjencinë zyrtare të lajmeve, ANA-MPA, Kotzias është ndalur gjatë në konkluzionet e presidencës sllovake për ecurinë e procesit të integrimit europian të Shqipërisë. Ai  tha se “dialogu vazhdon, madje ditët e fundit ishte në Athinë zëvendësministrja e jashtme shqiptare, që zhvilloi takime me homologët grekë”.

Të martën, samiti i ministrave të Jashtëm të BE-së diskutoi mbi politikat e zgjerimit të Bashkimit Europian duke marrë në analizë progresin e Maqedonisë, Shqipërisë dhe Turqisë. Për asnjë nga vendet nuk u mor asnjë vendim, por ajo që ra në sy ishin qëndrimet e ndryshime lidhur me Shqipërinë dhe rekomandimin e Parlamentit Europian për hapjen e negociatave. Ministri i jashtëm grek Nikos Kotzias i pyetur nga gazetarët pas punimeve të samitit tha se vendi i tij e do Shqipërinë si anëtare të BE-së, por më parë duhet të përmbushë standardet.

Ministri i jashtëm grek, Nikos Kotzias, ka folur edhe një herë për marrëdhëniet me Shqipërinë. Gjatë një takimi me homologun gjerman, Frank ëalter Steinmeier në Athinë, Kotzias iu është referuar përpjekjeve për zgjidhjen e problemeve të mbartura nga e kaluara me fqinjët, “sa më mirë dhe në mënyrë sa më produktive”, siç tha. Duke folur për marrëdhëniet me Shqipërinë, Kotzias tha se kohët e fundit po bëhet një punë sistematike në drejtim të zgjidhjes së problemeve. Në këtë kuadër, shefi i diplomacisë greke vërejti se ka patur “trajtime të papërshtatshme edhe nga ana e Komisionit Europian”.

Huffington Post  shkruan sot se Këshilli Europian do të miratojë në 12 dhjetor tekst-rekomandimin për hapjen e negociatave me Shqipërinë, por pa përcaktuar një datë për fillimin e bisedimeve të anëtarësimit.

Ministri i jashtëm grek, Nikos Kotzias, ka parashikuar se samiti i dhjetorit i liderëve të Bashkimit Europian do të theksojë një sërë kushtesh që Shqipëria duhet të zbatojë para se të marrë një datë për çeljen e negociatave të anëtarësimit. Në një intervistë për radion greke Alpha, të dielën, Kotzias ka theksuar se ai personalisht e don Shqipërinë në BE, pasi sipas tij, në këtë mënyrë Shqipëria do të jetë një fqinj më i mirë.

Ministria e Jashtme e Greqisë ka reaguar ashpër ndaj vendimit të kryebashkaikut të Himarës Gjergj Goro për prishjen e 19 shtëpive në Himarë. Një tjetër episod që i shtohet klimës së acaruar mes dy vendeve, të shenjuar ditët e fundit nga deklarata dhe kundërdeklarata për çështjen çame. Greqia e ka quajtur provokim lajmërimin e banorëve për prishjen e banesave në 28 Tetor, Ditën Kombëtare të “Jo-së” greke kundër fashizmit.

Ilir Meta është takuar sot me ministrin e Jashtëm të Greqisë, Nikos Kotzias, në kuadër të vizitës së tij në vendin fqinj, në cilësinë e kryetarit të Kuvendit. Më poshtë po përcjellim përgjigjet e pyetjeve që iu bënë Metës nga gazetarët:

Z. Meta, çfarë keni diskutuar në takimin me Ministrin e Punëve të Jashtme të Greqisë, z. Kotzias?