kosova

Zyrtarët europianë trumbetuan përparim në diskutimet e zhvilluara në Ohër dhe është e qartë se zhvillimi kryesor, thelbësor, është ai se të dyja palët kanë marrë zotime konkrete. Sigurisht që palët nuk firmosën për shkak të politikës së brendshme dhe pasigurisë që jep një draft me aq hollësi, por e vërteta është se në Ohër u konfirmuar se çështja e negociatave për normalizim marrëdhëniesh mes Serbisë dhe Kosovës nuk mund të shtyhet pa pasoja.

I Dërguari Special i BE-së për dialogun Beograd-Prishtinë, Miroslav Lajçak, deklaroi në një intervistë për agjencinë serbe të lajmeve, Tanjug, se shpreson që plani i BE-së për zgjidhjen e çështjes së Kosovës, të pranohet të hënën më datë 27 shkurt.

Mendoj se plani do të pranohet të hënën dhe ai do të jetë detyrues për të dyja palët. Nuk është një marrëveshje e përkohshme dhe procesi i normalizimit të marrëdhënieve, që duhet të përfundohet me firmosjen e një marrëveshjeje përfshirëse përpara anëtarësimit të të dyja vendeve në BE, do të vazhdojë më pas

Lulzim Basha është rishfaqur dje në një intervistë për televizionin publik shqiptar gjatë së cilës ka folur kryesisht për Kosovën dhe pavarësinë e saj. Por edhe për politikën e jashtme të Shqipërisë në këtë drejtim. 

Në një farë mënyre ish-kryetari i Partisë Demokratike ka luajtur me imazhin e një ministri të Jashtëm në hije me bindje të thekura pro-amerikane, pa hyrë në diskutim për zhvillimet e brendshme. 

Presidenti serb, Alexander Vuçiç, ka dhënë një intervistë për Tv Prva, përmes së cilës ka komentuar të gjitha zhvillimet kryesore politike që lidhen me vendin e tij, e për rrjedhojë me rajonin. Ai ka komentuar situatën e krijuar në Parlamentin e Serbisë, që është sipas tij shembull i faktit se demokracia funksionon në vend për faktin se askush nuk u ndëshkua. Nga ana tjetër, Vuçiç ka folur për një lloj serbofobie të manifestuar nga një figurë e njohur që jeton në Serbi të cilit nuk ia përmendi emrin.

Parlamenti serb është përfshirë nga tensione dhe konfrontime në një seancë ku diskutoheshin negociatat me Kosovën që kanë nisur si proces nga shtatori 2022 dhe pritet të përfundojnë në mes të këtij muaji.

U Dërguari Special i Britanisë së Madhe për Ballkanin Perëndimor Stuart Pich ka deklaruar për gazetën serbe “Kurir” se të dyja palët e përfshira në dialogun e gjatë, pra Serbia dhe Kosova, nuk duhet t’i shohin detyrimet e marrë në proces si kërcënim. Sipas tij, edhe Asosacioni i Komunave Serbe është një detyrim që duhet parë në optikë konstruktive.

 Gazeta zvicerane “Neue Zürcher Zeitung” raporton mbi atë që quhet propozimi “Chollet” për Kosovën dhe Serbinë, lidhur me vizitën e këshilltarit amerikan në rajon kohët e fundit. Ky konsiderohet niveli më i lartë i presionit ndaj të dy vendeve që janë përfshirë në një proces dialogu që vazhdon prej vitesh. E ashtuquajtura formula “Chollet” konsiston në:

Teatri “luftarak” i Kosovës dhe Serbisë duket se ka përfunduar siç pritej. Beogradi ka njoftuar heqjen e gatishmërisë luftarake për trupat ushtarake dhe presidenti i vendit, Vuçiç, pas një takimi me Këshillin e Sigurisë ka paralajmëruar heqjen e barrikadave me kushtin se nëse do të ketë arrestime serbësh barrikadat do të kthehen përgjithnjë.

Beogradi ka menduar ta trajtojë situatën e krijuar në Kosovë në një frymë tradicionale që e sheh unitetin në sintoni me simbolet fetare. Presidenti i Serbisë, Aleksandër Vuçic, ka zhvilluar një takim me Patrirakun e Kishës Serbe, Porfirije, të cilit iu ndalua hyrja në Kosovë me rastin e Krishtlindjeve. Vuçiç ka sqaruar se "i ka prezantuar patriarkut situatën nga disa kënde”, diçka që nuk ka shumë lidhje me një klerik, cilidoqoftë rangu i tij.

Mediat në Serbi raportojnë se vendet e QUINT-it, i kanë dërguar një ultimatum presidentit serb, Aleksandër Vuçiç për heqjen e barrikadave në veri të Kosovës brenda 24 orëve. Sipas mediave në fjalë ultimatumi i ka bërë të qartë Vuçiç se nëse nuk heq barrikadat, qeverisë në Prishtinë do t’i jepet karta bianca të ndëryjë për të zgjidhur me forcë situatën.