koronavirusi
Protestë në Gjermani kundër masave kufizuese: Ne jemi vala e dytë!
Mijëra vetë kanë protestuar sot në kryeqytetin gjerman Berlin kundër masave të reja kufizuese të qeverisë në kontekstin e pandemisë.
Dita e Lirisë – Fundi i Pandemisë, kështu është quajtur nga organizatorët protesta dhe sipas raportimeve të mediave kryesore në Perëndim ajo përfshinte grupe të së djathtës ekstreme, grupe kundër vaksinave etj.. Mes protestuesve janë dëgjuar thirrje si “Ne jemi vala e dytë”.
Koronavirusi të punon 100-in... Por shqiptarët po i informon vetëm Interneti
Nga 125 skanime në ditë, 25 rezultuan me pneumoninë tipike të CoVid-19. Kjo është një e dhënë ditore e një spitali në një nga qytetet e Shqipërisë. E dhënë që na jep të kuptojmë se aktualisht epidemia është realitet i përgjithshëm në jetën tonë. Sipas të dhënave të fundit, shtama që po qarkullon jep simptoma edhe te 14-15 vjeçarë, ndërkohë që edhe persona që e kalojnë sëmundjen në këmbë, pra pa nevojë shtrimi, kanë probleme serioze në mushkëri që duhen ndjekur gjatë.
Ka qenë te lakuriqët për dekada
Koronavirusi që qëndron pas pandemisë së tanishme në të vërtetë nuk është edhe aq i ri sa thuhet. Të paktën në natyrë. Disa kërkues të Universitetit të Pensilvanisë kanë arritur në përfundimin se CoVid-19 ka qenë i pranishëm te lakuriqët e natës – konkretisht te lakuriqi patkua – për dekada përpara se të ndërmjetësohej te njeriu.
Nuk ka siguri për një valë të dytë. Nuk ka krahasim me 1918-ën, sepse nuk kemi epidemi Gripi
Massimo Galli, president i Shoqatës Italiane të Sëmundjeve Infektive dhe Tropikale shpjegon për Avvenire situatën epidemike në Italinë fqinje, duke bërë thirrje që të shmangen krahasimet me përvojën e vitit 1918. Ndër të tjera edhe për një arsye jo të parëndësishme: Nuk kemi të bëjmë me Grip, as me virus gripi, por me një familje tjetër virusesh. Në këtë kuptim, vala e dytë është e pasigurtë nëse do të rishfaqet, por edhe nëse kjo ndodh, sipas Galli-t, sistemi shëndetësor është më i përgatitur dhe nuk do të shohim më pamjet e shkurt – marsit 2020.
Virologia e njohur kineze: Virusi nuk doli nga laboratori në Wuhan, as nga tregu
Shi Zhengli, virologia 56 vjeçare kineze me doktoraturë në universitetin e Montpellier në Francë, studiuese e njohur sidomos për kërkimet mbi lakuriqët e natës e që tashmë është bërë e famshme në mbarë botën, pretendon se virusi nuk ka dalë nga qyteti i Wuhanit, as nga laboratori, e as nga tregu.
Në mediat sociale koronavirusi i ri cilësohet rëndom si “ Virusi i Wuhanit”, “ Virusi kinez”, apo “ Kung Flu”, kjo e fundit një lojë fjalësh që përzien gripin me artet marciale.
Prill-Korrik, në Bolivi gjenden 3000 të vdekur nga CoVid-19
Në Bolivi pandemia e koronavirusit duket se ka goditur rëndë dhe ka prodhuar situata dramatike. Mediat raportojnë se policia ka mbledhur vetëm në pesë trupat e 420 personave të vdekur që kishin humbur jetën nga virusi në rrugë, në shtëpi, ose në makinë. Trupat janë gjetur në kryeqytetin bolivian, La Paz.
Sipas Institutit Bolivian të Mjekësisë Ligjore, nga 1 prill deri në 19 korrik janë gjetur në rrugë 3016 trupa që me shumë gjasë kanë vdekur nga koronavirusi. Zyrtarisht në Bolivi janë 60 991 raste me CoVid-19 dhe 2218 vdekje të konfirmuara.
Pandemia nuk merr fund me vaksinën
Një ish-zyrtar i lartë i Organizatës Botërore të Shëndetësisë, Klaus Stohr, më vonë virolog në Novartis, paralajmëron një skenar të zymtë për pandeminë që po kalojmë. Sipas tij virusi do të largohet kur të ketë përshkruar mbarë njerëzimin, ndërkohë që vakisna paraqet probleme sigurie që nuk janë adresuar, por edhe për shpërndarjen e saj. Stohr thotë se e mira e kësaj pendemie do shpresuar të jetë mësimi për të ardhmen.
Kur parashikoni se vaksina do të jetë e disponueshme?
Keqraportimi, një nga simptomat e pandemisë
Nëse ka një gjë të sigurtë në kohën e pandemisë, një rregull thuajse universal, ky është keqraportimi. Kjo nisi që me vetë - përgënjeshtrimet e Organizatës Botërore të Shëndetësisë, ndryshimin e udhëzimeve për të mbërritur në publikimin e lloj-lloj studimesh dhe analizash që kanë shtuar konfuzionin.
Bota vetë duket e papërgatitur me përjetimin e skenarëve parapokaliptikë, apo të një krize të përgjithshme, edhe ps prej dekadash ushqehet nga kinemaja me gjitjfarë sugjerimesh për një situatë të tillë.
Virusi më i ngjashëm me CoVid-19 u zbulua që më 2013-ën dhe u dërgua në Vuhan
Gazeta britanike “Sunday Times” shkruan se mostra të ngjashme me koronavirusin aktual që ka provokuar pandeminë globale janë dërguar në laboratorin e virologjisë në Vuhan të Kinës që në vitin 2013. Mostrat sipas këtij raportimi ishin marrë nga shkencëtarët në një ish-minierë bakri në Kinën jugperëndimore, e prekur nga virusi i ardhur nga lakuriqët. Gjashtë njerëz që po kryenin pastrimin në minierë nga feçet e lakuriqëve u prekën nga një pneumoni e rëndë dhe tre prej tyre vdiqën.
CoVid-19, a po kryhet si më parë hetimi epidemiologjik?
Prej dy javësh tashmë, Instituti i Shëndetit Publik raporton raste të shtuara të të prekurve me koronavirus. Sot p.sh numri i të konfirmuarve si poozitivë është 64, kurse dje 72. Në vijimësi të ditëve të fundit shihet se kurba e të prekurve është stabilizuar mbi mesataren e numrit të të prekurve gjatë karantinimit dhe fillimit të epidemisë.