korea e veriut

Otto Warmbier, studenti 22 vjeçar amerikan që u mbajt disa kohë në Korenë e Veriut, ka ndërruar jetë. Lajmin e ka bërë të ditur familja e tij. Rasti i tij mbetet enigmatik; Warmbier u dënua në Korenë e Veriut me 15 vjet burg me akuzën se po përpiqej të kontrabandonte jashtë vendit materiale propagandistike dhe Pheniani e liroi atë pas një vizite të ish-basketbollistit Dennis Rodman.

Studenti amerikan Otto Warmbier, i cili u mbajt 17 muaj në Korenë e Veriut, është rikthyer në SHBA, por mjekët nuk arrijnë të diagnostikojnë gjendjen e tij neurologjike. Në një konferencë për shtyp, mjekë të Universitetit të Sinsinatit, deklaruan se nga skanimet e ndryshme dhe nga rezonanca magnetike, është konstatuar humbje e indit trunor në të gjitha zonat e kafkës së Warmbier. Mjekët shtuan se nuk kanë një aryse bindëse për të shpjeguar këtë gjendje të Warmbier, duke qenë se doktorët kanë përjashtuar dhunën dhe traumat fizike ndaj studentit amerikan.

Ligji për sanksionet e SHBA ndaj Koresë së Veriut kanë tensionuar edhe njëherë marrëdhniet ruso-amerikane. Siç raportohet në ligj SHBA I jep të drejtë vetes që në kuadër të sanksioneve, të inspektojë portet kineze, iraniane, ruse dhe siriane. Për pjesën e Rusisë ky lloj autorizimi përfshin portet e Nakhodka, Vanino dhe Vladivostok. Ky përshkrim ka sjellë reagimin e kreut të Dhomës së Lartë të Dumës ruse, Konstandin Kosachev, që deklaroi se shpreson që ky ligj të mos zbatohet, pasi ai do të thotë deklaratë lufte”.

Presidenti amerikan Donald Trump i ka dhënë një intervistë agjencisë “Reuters” në kuadër të 100 ditëve të para të tij në Shtëpinë e Bardhë. Çështja kryesore është Kore e Veriut. Për presidentin amerikan, mundësitë për një konflikt të madh me Phenianin jashtë reale.

Korea e Veriut ka bërë të ditur sot se do të vazhdojë me testimin e raketave, pavarësisht se kjo sjellje mund të kërcënojë një luftë me SHBA dhe disa aleatë të saj. BBC-ja referon burime zyrtare nga Pheniani sipas të cilave “testimi i raketave do të vazhdojë në një bazë javore, mujore apo vjetore”.  Kjo deklaratë është bërë për rrjetin britanik nga zv.ministri i Jashtëm koreanoverior, Han Song – Ryol.

Administrata amerikane e Donald Trump është e përgatitur edhe për ndërhyrje ushtarake ndaj Koresë së Veriut, nëse një gjë e tillë është e nevojshme. Këshilltari për Sigurinë Kombëtare i Presidentit, gjenerali H.R. McMaster, deklaroi sot se SHBA shpresojnë që të mos kalohet në përdorimin e forcës, por nëse do të nevojitet SHBA nuk do të hezitojnë.

Mediat ndërkombëtare kanë raportuar surprizën që kreu koreanoverior Kim Jong un u ka rezervuar të gjithë e me ditë e paradës së madhe. Në ditën e Diellit, ushtria koreane ka shfaqur dy lloje te reja raketash, të panjohura për katalogët ushtarakë. Dy raketa të reja që flasin për kapacitete të tjera nga ato që mendohej, njëra prej tyre me lëshim nga nëndetëset. Shfaqja është bërë në kontekstin e një krize të re me ShBA, ndërkohë që nuk përjashtohet më një goditje ushtarake ndaj Phenianit.

Kina ka bërë thirrje që tensioni lidhur me Korenë e Veriut të ndalet përpara se situata të arrijë në një fazë të pamenaxhueshme. Agjencia “Reuters” shkruan se shqetësimet për lëvizjet dhe seriozitetin e administratës amerikane janë rritur që nga goditja që u ndërmor në Siri, ku pas një sulmi me armë kimike, SHBA-të qëlluan mbi një bazë ajrore siriane. Po kështu përdorimi në Afganistan i bombës më të madhe jobërthamore nga SHBA i jep zë tjetër angazimit amerikan që është konkret në rastin e Koresë së Veriut me dislokimin e një flote ushtarake pranë këtij vendi.

Mediat ndërkombëtare po raporojnë se Korea e Veriut është e vendosur të riafimrojë forcën e saj me një test të ri bërthamor. I gjashti që nga viti 2006 dhe që mendohet të kryhet në poligonin e Punggye – ri. Kjo është kundërpërgjigja që kreu Korean, Kim Jong – un ka zgjedhur ndaj angazhimit ushtarak të SHBA-së, presidenti i të cilave Donald Trump, nuk ka përjashtuar edhe një ndërhyrje për rrëzimin e regjimit.

Goditja ushtarake ndaj Koresë së Veriut ngjan të jetë çështje kohe teksa edhe Pekini zyrtar ka dhënë mirëkuptimin për atë që sekretari amerikan i Shtetit, Rex Tillerson, e quajti “nevoja për veprim ndaj një niveli të caktuar kërcënimi”. Deklarata e Tillerson u bë në një intervistë për CBS, përmes të cilës ai ka bërë të ditur se në takimin mes presidentit kinez, Xi Jinping dhe Trump, u ra dakord që situata në gadishullin korean është serioze.