koncesioni

Dy kompani të huaja ofrohen për ta vënë në punë TEC-n e Vlorës, i cili megjithëse u ndërtua në 2012, nuk ka punuar asnjë ditë, për shkak të mosfunksionimit të një pajisjeje. Zëvendësministri i Energjetikës Enis Aliko tha për TemA TV se po bëhet studimi i fizibilitetit dhe shumë shpejt do të shpallet oferta. Ndërkaq, TEC-i është objekt i gjyqeve shumëvjeçare të KESH-it me palën italiane për dorëzimin e parave të lëna garanci.

Ish-Ministri i Bujqësisë, Edmond Panariti, ka zbardhur të tjera të vërteta që fshihen pas një raporti për sigurinë ushqimore në vend, të publikuar së fundmi nga Albanian Food Industri. Në një prononcim për "Tema Tv" ai deklaron se analiza për aflatoksinën u krye në një laborator të paakredituar. Sipas tij, në prapavijë qëndron lobi privat, i cili kërkon të marrë me koncesion sistemin e sigurisë ushqimore.

Erjon Veliaj, kryetar i Bashkisë së Tiranës ka dalë sot në emisionin “Koha për t’u zgjuar” në “News24” për të sqaruar arsyen e rritjes së çmimit të ujit të pijshëm. Njësoj si në vendosjen e takës së arsimit që është antikushtetuese, kryebashkiaku e ka jusitifikuar çmimin e ri me nevojën e Bashkisë për të marrë kredi në funksion të investimeve për të sjellë 24 orë ujë te konsumatorët.

Pas vendimit të disa muajve më parë për të shtuar numrin e personave që kryejnë kontrollin mjekësor bazë të njohur si Chek-upi falas, duke zgjeruar fashën  e moshës nga 40-65 vjeç në 35-70 vjeç, qeveria ka shtuar edhe një tjetër kriter. Kështu familjet që përfitojnë ndihmë ekonomike dhe që kanë anëtarë të moshës nga 35 deri në 70 vjeç nuk do të mund ta marrin atë nëse nuk do të paraqesin vërtetimin e kryerjes se kontrollit mjekësor bazë.Ky kriter është përcaktuar në një udhëzim të Ministrisë së Mirëqënies Sociale, Olta Xhacka, që  mban datën 8 maj 2017.

Ministri i energjisë dhe industrisë Damian Gjiknuri ka urdhëruar kompaninë shetëtorore të prodhimit të naftës Albpetrol që të marrë në dorëzim puset e naftës në Zona naftëmbajtëse e Amonicës në Vlorë, duke i hequr të drejtën e kërkimit kompanisë me kapital shqiptar Phoenix Petrolium.

Koncesioni i skanimit në dogana po rezulton në një prej skandaleve më të mëdha, për koston e madhe, por edhe evidentimin tanimë të provuar se droga në Shqipëri është çështje politike. 
10 tonë u kapën sot në Ancona të Italisë, në një kamion, shoferi i të cilit, shtetas shqiptar, është arrestuar. Marijuana ishte fshehur poshtë pjesëve metalike dhe këtu del në dritë vlera e supozuar e skanerëve që duhet të zbulojnë kalime të kësaj natyre në doganat shqiptare. 

Mediat italiane raportojnë për sasi rekord droge që kanë mbërritur nga Shqipëria dy muajt e parë të 2017-ës. Llogariten në 9 ton kanabis, e ardhur në rrugë detare, ilegale ose përmes porteve që lidhin dy vendet. Rruga më e përdorur është ajo e Portit të Durrësit ku janë regjistruar disa raste kamionësh të ngarkuar me lëndë narkotike kryesisht kanabis.  

Partia Demokratike ka depozituar kallëzim penal për ministrin e Shëndetësisë, Ilir Beqaj lidhur me konçesionin e check-up. Akuza është sipas AbcNews, “shpërdorim detyre dhe korrupsion, me anë të një kallëzimi që është bërë pa emër.

Nga janari i këtij viti çdo familje në kryeqytet u detyrua të paguajë 1800 lekë në vit si taksë për infrastrukturën arsimore ndërsa biznesi  derdhi në arkën e bashkisë nga 18 mijë në 37 mijë lekë në vit. Thuajse një vit nga ky vendim i Këshillit Bashkiak, Bashkia e Tiranës pranoi për herë të parë publikisht se Taksa e Infrastrukturë Arsimore u vendos për të financuar një koncesion me vlerë mbi 6.2 miliardë lekë ose rreth 46 milionë euro, deri më tani i mbajtur i fshehtë.

Mbikqyrja “online” e industrisë së kumarit do të kryhet nga një kompani private. Pas vendimit të Këshillit të Ministrave në shtator, që i hapi rrugën këtij procesi, Ministria e Financave ka shpallur publikisht tenderin për ndërtimin, operimin dhe mirëmbajtjen e sistemit qendror të monitorimit “online” për industrinë e lojrave të fatit. Sipas njoftimit, data përfundimatare e dorëzimit të ofertave do të jetë 12 janari i vitit të ardhshëm, ndërsa afati i kontratës është 30 vjet. Më parë, qeveria ka përcaktuar edhe kriteret për kompanitë që lejohet të marrin pjesë në tender.