koalicioni

Ish-kryeministri socialist Ylli Bufi mendon se bashkimi PS-LSI është ezauruar në dy vjet qeverisje dhe se koalicioni po vazhdon për inerci pa asnjë efekt real në zhvillimin e vendit. Në një intervistë për Channel One ai lë të nënkuptohet se Edi Rama u nxitua për nënshkrimin e marrëveshjes së bashkëpunimit me Metën para zgjedhjeve.

“Kryeministri Edi Rama u takua me zotin Ylli Manjani me të cilin bisedoi për reformën në drejtësi...”. Kjo ndoshta është fjalia më poshtëruese që Rama ka qenë i detyruar të nxjerrë në publik që pas marrëveshjes së 1 prillit me Ilir Metën. Ky i fundit është treguar i pamëshirshëm, duke mos u mjaftuar me demonstrimin e forcës, por duke shkuar deri në poshtërim të aleatit- armik. Emërimi i Ylli Manjanit ministër i Drejtësisë i Republikës së Shqipërisë ishte një shuplakë e nxehtë në fytyrën e lodhur të Edi Ramës.

Ilir Meta i ka dhënë një intervistë gazetës “Illyria” dhe radio “Kosova”. Me një lloj interesi paraqitet deklarata e Metës për marrëdhëniet brenda koalicionit dhe kërkesa e tij për ndryshime në qeveri. Meqenëse pazari i Bllokut ka ecur jo keq, Meta ka menduar të bëjë një lloj tërheqje. Thotë kreu i LSI-së: “Kjo është një marrëdhënie e vazhdueshme, e përditshme. E rëndësishme është që drejtimet kryesore strategjike janë të dakordësuara. Çdo debat i ditës nuk konteston dhe nuk vë në pikëpyetje këto raporte, nuk vë në pikëpyetje këtë koalicion.

Takimi i sotshëm mes drejtuesve të koalicionit qeverisës ka përmbyllur edhe raundin e dytë të tensioneve mes tyre që pas vitit 2013. Raundi i parë, kur u hap çështja “Doshi” ishte disi më i përciptë, sa kohë kaloi si testim politik me një akuzë shumë të pabesueshme. Raundi i dytë, afera CEZ, ishte serioz për Ilir Metën, kreun e LSI-së, i cili kësaj radhe vuri në lëvizje disa mjete për të mbrojtur veten. Dhe me sa duket i eci.

Takimet e shpeshta mes Edi Ramës dhe Ilir Metës po përforcojnë zërat se mes të dyve ka një klimë mosbesimi dhe se palët kanë mosmarrëveshje për të bërë apo jo ndryshime në qeveri. Pas qetësimit të furtunës që shkaktoi çështja CEZ dhe takimit të së shtunës në zyrën e Ilir Metës, dy partnerët e koalicionit janë takuar sërish këtë të mërkurë, në dy takime, i pari në kryeministri dhe i dyti ne zyrën e Metës

“Ne gjithmonë kërkojmë impulse të reja qeverisëse. Megjithatë përsa i takon ndryshimeve në qeveri, ne e kemi thënë që kjo gjë i takon kryeministrit Rama. Nëse jeni të kënaqur me impulset e deritanishme, unë do isha shumë i habitur për vlerësimet tuaja. Ne kërkojmë standardet më të larta të qeverisjes”. Kështu është shprehur sot pas mbledhjes së kryesisë së Lëvizjes Socialiste për Integrim, aleati në bashkëqeverisje i Partisë Socialiste Ilir Meta.

Edi Ramën e kam pasur mik të vjetër rinie dhe ajo ishte një miqësi e thellë, që do s’do, lë gjurmën e vet për gjithë jetën.

“Te dashur miq, skenari Papandreu ne zhvillim te shpejte ne Shqiperi. Doganat dhe shteti drejt falimentimit te pashmangshem. Muajin qe kaloi realizojne vete 75% te planit te ri. Keshtu, ne muajin shtator u mblodhen 2.2 mld me pak se plani i ri dhe 5.2 mld me pak se plani i vjeter. Si nente mujor 4 mld me pak se sa vitin e kaluar. Kontrabanda e klaneve qeveritare po falimenton me shpejtesi ekonomine shqiptare!”. Kështu shkruan sot në Facebook ish-kryeministri Sali Berisha.

Në vitin 1991, në një nga librat e tij, Noam Chomsky, filozofi dhe komentatori  famshëm politik amerikan, është përpjekur të argumentojë rrezikshmërinë shumë më të madhe të autokratizmit krahasuar me korrupsionin. Shkruante se SHBA ishin pjekur për një lider fashist dhe se demokracia kish shpëtuar vetëm për faktin që një lider i tillë nuk kishte dalë.

Zgjedhja e Këshillave të Qarkut ka nxjerrë në pah përplasjet e brendshme të koalicionit mes PS dhe LSI. Shkak është bërë së fundmi debati në Girokastër mes dy forcave të koalicionit të majtë për zgjedhjen e kryetarit të Këshillit të Qarkut. Sipas përfaqësuesit të grupit të këshilltarëve të PS-së, Shkëlqim Guçe, LSI shkeli marrëveshjen paraprake për emrin e kryetarit të ri të qarkut propozuar nga aleanca e majtë. Por ndërkohë nga ana tjetër LSI pranon se ka pasur një marrëveshje paraprake, që kandidatura për kryetar qarku të propozohej nga PS, por me konsensus.