kisha

Rusët kanë ndërtuar në vitin 1990 një Kishë Ortodokse në një bazë në Antarktidë. Një kishë që mund të mbajë deri në 30 vizitorë dhe që shërben edhe në spanjisht, meqenëse afër bazë ka një stacion kilianësh. Kisha quhet Kisha e Shën Trinisë. 

Ajo që po ndodh së fundmi në Krodoba me konfliktin për emërtesën e një monumenti që është edhe xhami edhe katedrale katolike, përsëritet në mënyrë më të tensionuar edhe në Shqipëri. “Shqiptarja.com” raporton se monumenti kishë-xhami që ndodhet në Kalanë e Rozafës, mund të çojë në përplasje fetare në Shkodër, pasi të dyja komunitetet pretendojnë pronësinë dhe të drejtat mbi të. “Katedralja e Shën Shtjefnit në Shkodër organizoi meshën e shenjtë në atë monument që pretendon se është një kishë për të nderuar pikërisht pajtorin që mban të njëjtin emër, Shën Shtjefnin.

Kisha Ortodokse greke ka kundërshtuar një projektligj që po kalon së fundmi në Parlamentin grek e që sanksionon partneritetin civil mes partnerëve të të njëjtit seks. Ky debat po zgjat prej javësh në Greqi dhe ka sjellë reagimin e “grupeve të interesit”. Kështu mediat raportojnë se një grup të rinjsh gay janë mbledhur para selisë qendrore të Kishës dhe janë puthur. Mesazhi i tyre: “Dashuria nuk është mëkat”.

Kjo kishëz e vogël ndodhet në ishullin grek të Lemnosit. Gazeta greke "Protothema" shkruan se kjo kishë është ndoshta e vetmja në botë që është pa çati.  Dhe mendohet se është themeluar në vitin 1416 nga disa murgj që i ikën turqve nga ishulli i Agios Efstratios. Kisha në formën arkitektonike të vetën, pra pa çati dhe me një mur rrethues krejt të zakonshëm, na sjell në mendje kishën e Shën Thanasit në Dhërmi, e cila u tritolizua natën nga qeveria aktuale.

Irinej, Patriarku i Kishës Ortodokse Serbe, ka deklaruar nga Konferenca e Përgjithshme e UNESCO-s, se nëse vjen puna te mbrojtja e serbëve dhe e pasurisë historike të tyre që gjendet në Kosovë, do të duhej të përdorej edhe forca. “Nëse vjen puna te përdorimi i forcës, atëherë ne duhet të bëjmë gjithçka që të marrim atë që na takon. Shpresoj që nuk do të kemi mundësinë të mbrohemi kështu...”, tha ndër të tjera, ai. Irinej ka vijuar më tej duke deklaruar vende të shenjta të serbëve, të historisë së tyre dhe të kulturës, ndodhen në Kosovë. Dhe se ato duhen mbrojtur.

Para disa muajsh, në një intervistë të vetën, Ylli Rakipi, dikur një bashkëpunëtor shumë i ngushtë i Sali Berishës, do të zbulonte diçka për krijesën politike me emrin At Nikolla Marku. “Këtë e zgjodhën ne për t’iu kundërvënë politikave greke. Natyrisht niveli i tij intelektual është jo i plotë...Unë kam qenë një nga iniciatorët e ngritjes së tij...”, tha Rakipi. Pra njeriu që ka mbërthyer një copë tokë në Elbasan dhe përpiqet të bëjë politikë të madhe është një instrument i segmenteve politike shqiptare dhe asgjë më shumë.

Vatikani shpall sot shenjtorë edhe një çift burrë e grua dhe kjo ndodh për herë të parë. Bëhet fjalë për francezët Louie Martin (1823-1894) dhe Maria Azelia Guerin (1831-1877), prindër të Santa Teresa di Lisieux (që vdiq nga tuberkulozi vetëm 24 vjeç dhe ështëb kanonizuar më 1925). Të dy personat në fjalë janë përzgjedhur me motivacionin: “për dëshminë e jashtëzakonshme të spiritualitetit familjar” do të shpallen sot shenjtë bashkë me katër të tjerë. 

Kisha Orthodhokse Autoqefale ka reaguar sot ndaj disa deklaratave të kryeministrit Edi Rama në interpelancën e djeshme me Vangjel Dulen. KOASH hedh poshtë si të pavërteta pretendimet e kryeministrit se në dy vitet e fundit nuk është restauruar prej saj asnjë kishë.

Prishja e Kishës së Shën Athanasit në Dhërmi do të jetë objekt i diskutimit në Parlament. Partia Bashkimi për të Drejtat e Njeriut ka depozituar në kryesinë e Kuvendit kërkesën për interpelancë me kryeministrin Edi Rama në lidhje me prishjen e saj, për bazën ligjore që është ndjekur. Kisha u shemb më 26 gusht, natën, pa publikuar ndonjë vendim. U përdor INUK, forca policie, paraprirë nga deklaratat e këshilltarit të Kryeministrit Artan Shkreli që doli në mbrojtje të së vërtetës dhe historisë. Është kundërproduktive që kërkesa vjen nga Dule, teksa shoqatat etj., janë strukur.

Çfarë duhet të bëjë Europa me imigrantët e shumtë që po dynden në portat e saj? Përgjigja po vihet në raport me identitetin kristian të Europës, që sadoqë kundërshtohet, shfaqet në raste krizash. Mirëpo mesazhi i Papa Françesco se Kisha duhet të hapë dyert për refugjatët, po vë në lëvizje diçka. Në një bisedë me Deutsche Welle, kryetari i Konferencës së Ipeshkve Gjermanë, Kardinal Reinhard Marx, e rikonfirmon këtë, madje e sheh si kristiane ndihmën që duhet dhënë.