kisha katolike

Brenda gjirit të Kishës Katolike, zërat për largimin e Papa Françeskut kanë nisur të shtohen. Pas tekstit me titull “Demos” dy vjet më parë, pas të cilit më vonë u zbulua se qëndronte kardinali George Pell, një tjetër dokument i kësaj natyre shfaqet në internet.

Abuzimi seksual në Kishën Katolike spanjolle ka për herë të parë një shifër. Një raport i hartuar nga Avokati i Popullit në kuadër të një komisioni hetimor ka konkluduar se viktima të abuzimit në mjedise që lidhen me Kishën janë gati gjysmë milioni spanjollë, që prej vitit 1940.

Raporti është bazuar mbi anketat. Sipas tij, 1.13% të të rriturve në Spanjë kanë pësuar abuzime seksuale në sferën fetare kur ishin të mitur dhe 0,6% drejtpërdrejt nga priftërinjtë dhe njerëz të tjerë të fesë.

Gratë kërkojnë më shumë vend në Kishën Katolike. Një grup përfaqësuesesh të kësaj lëvizjeje janë mbledhur në Romë për të përcjellë kërkesën e tyre. Nga Europa, Shtetet e Bashkuara, Kolumbia, India apo Afrika e Jugut, ato thonë se i bashkon fakti se janë të përjashtuara nga rolet kryesore në atë që shumë e shohin si një Kishë "patriarkale dhe maço".

Një burrë kontestoi lutjen e Papa Françeskut në Vatikan sot, duke bërtitur: "Kjo nuk është Kisha e Zotit!", në anglisht. Një dëshmitar i tha agjencisë Reuters se burri u dëgjua teksa përmendte edhe fjalën "maskë", ndërsa mbante në dorë një të tillë mjekësore.

Konferenca e Peshkopëve të Francës (CEF) njoftoi sot se Kisha Katolike Franceze do të kompensojë 216 000 viktimat e abuzimit seksual duke shitur pjesërisht pasuritë e saj.

Më 5 tetor, Komisioni i Pavarur Francez për Abuzimin Seksual në Kishë (ICSA) publikoi një raport monumental që zbulon shkallën e abuzimit seksual të fëmijëve në duart e njerëzve të Kishës Katolike Franceze.

Ideja se planetët, përfshirë Tokën, rrotulloheshin rreth Diellit e propozoi për herë të parë nga Nikola Koperniku në 1543. Ajo ishte një shkëputje rrënjësore nga botëkuptimi fetar i asaj kohe, dhe kur Galileo e konfirmoi këtë nëpërmjet vëzhgimeve të tij, shkaktoi kundërpërgjigjen e ashpër të Kishës Katolike.

Robert Schuman, një nga themeluesit e Bashkimit Evropian, është në rrugën e shenjtërimit nga Kisha Katolike. Sipas një dekreti të botuar nga Vatikani të shtunën, Papa Françesku i ka njohur "virtytet heroike" të Schuman-it, qytetar francez i lindur në Luksemburg në 1886 dhe katolik i devotshëm.

Shpallja e dekretit përfaqëson hapin e parë në rrugën e gjatë të Kishës Katolike drejt shenjtërimit dhe i jep Schumanit titullin "i nderuar".

Një nga bashkëpunëtorët më të ngushtë të Papa Bergoglios ka dhënë dorëheqjen. Kardinali i Monakos, Reinhard Marx, i është drejtuar Atit të Shenjtë me një kërkesë më datën 21 maj, por detajet e saj janë bërë publike sot.

Marx është një nga eksponentët më të njohur të Dhomave të Shenjta Gjermane, të cilat i ka drejtuar në cilësinë e presidentit të Konferencës së Ipeshkvijve deri në vitin 2020.

Në letrën drejtuar Atit të Shenjtë, Marx kërkon të lirohet nga posti i Kryepeshkopit të Mynihut dhe Freising, detyrë që e mban që nga viti 2007, i emëruar nga Papa Benedikti XVI.

Kisha Katolike ka orkestruar së fundmi një ceremoni të pazakontë që paralajmëron një hap drejt rivendosjes së kontakteve me brezin e ri dhe heqjen e uniformës së rëndë të kanoneve tradicionale të saj. Nën drejtimin e Papa Francceskut është kryer ceremonia e lumturimit të Carlo Acutis, një 15 vjeçar që vdiq në vitin 2006 nga leuçemia. Acutis ishte nga Asizi i rajonit të Umbrias dhe sipas Papës ai ishte shenja për të rinjtë se “lumturia e vërtetë vjen kur vendos Zotin të parin”.

Shok ka shkaktuar në Poloni një dokumentar që u postua të shtunën në YouTube, duke marrë 5 milionë shikime brenda 32 orëve.  Në qendër të tij janë dëshmitë e viktimave të dhunës seksuale nga priftërinj të Kishës Katolike.

Dokumentari që mban autorësinë e gazetarit Tomas Sheklyski shigjeton hierarkinë e Kishës Katolike dhe qëndrimin e saj tolerues ndaj priftërinjve të akuzuar për pedofili. Gjithçka fokusohet te mungesa e  sanksioneve kundër tyre dhe heshtja e  Papa Gjon Pali II.