integrimi

Ministri i jashtëm grek, Nikos Kotzias, ka deklaruar se Athina kërkon t’i zgjidhë gjithë problemet me Tiranën, mbi bazën e të drejtës ndërkombëtare. Ai gjithashtu ka shtuar se pala greke nuk me sheh të nevojshme vendosjen e vetos për hapjen e negociatave të anëtarësimit të Shqipërisë në BE, pasi sipas tij Shqipërisë i janë vënë kushte nga Brukseli.

Kryetari i Kuvendit, Ilir Meta, ka publikuar në fund të dhjetorit 2016 një opinion në New Europe me titull: “Një partner i besueshëm dhe solid për axhendën euroatlantike në Ballkan”. 
Opinioni i afrohet një skice të qëndrimeve dhe drejtimeve të përgjithshme të politikës së jashtme të vendit tonë për të afirmuar modelin e deri para 3 viteve për qasje të moderuar ndaj problemeve dhe përçim të sigurisë si pasojë e tyre. 

Politika perëndimore duhet të adresojë nacionalizmin si zgjidhje për paqen në Ballkan. Kjo është pak a shumë ideja që hidhet në një shkrim të publikuar në “Foreign Affairs” nga autori Timothy Less, drejtor I Nova Europa, një konsulent mbi politikat e riskut dhe ish-diplomat. Ai e nis shkrimin me pretendimet me karakter nacionalist të minoriteteve në Ballkan, të shqiptarëve, serbëve dhe kroatëve. Popuj që janë të shpërndarë në Ballkanin Perëndimor, zona më e pastabilizuar në Europë.

Gjatë dy viteve të fundit, migrimi i paprecedent dhe sfidat e sigurisë e kanë vënë në pikëpyetje elasticitetin e Evropës dhe fqinjësinë e saj të afërt në shumë nivele. Njëkohësisht, është provuar se këto çështje janë mundësi për bashkëpunim më të madh, lidhje më të ngushta dhe marrëdhënie të thelluara në Evropë, si rajon dhe si kontinent, përtej kombësisë apo anëtarësisë në BE.

Pa Ballkanin Perëndimor Bashkimi Europian nuk do të jetë i plotë. Ky është pohimi që Komisioneri i BE-së për Zgjerimin, Johannes Hahn, ka bërë në një intervistë për të përditshmen e Banja Lukës, “Nezavisne novine”.

“Ekonomitë e BE-së dhe Ballkanit Perëndimor janë të ndërlidhura. Ne ndajmë të njëjtat qëllime për prosperitetin ekonomik dhe kjo është arsyeja pse BE-ja ka zgjeruar interesin përmes të garantuar që vendevet e Ballkanit Ekonomik të jenë ekonomikisht gati për t’u anëtarësuar”, tha Hahn.

"Zgjerimi i BE-së drejt Ballkanit Perëndimor mund të jetë akti që mund t’i sjellë edhe vetë unionit funksionimin e vet demokratik". Kështu shkruan në një opinion të vetin Dr. Vedran Džihić nga universiteti i Vjenës, sipas të cilit impasi i integrimit përmes fazave tranzitore, po polarizon shoqëritë në lëtë rajon. Ky është një pohim që e vendos Ballkanin në fokus të debatit europian për pabarazinë dhe duke dhënë zgjidhje do të jetësonte një realitet që predikohet shumë.

Nëse do të lexojmë me vëmendje Progres-Raportet e Bashkimit Evropian kuptohet menjëherë se ku qëndrojnë problematikat që duhet të zgjidhë Shqipëria për të përparuar në rrugën e integrimit. Mediat-fason tradicionale mjaftohen duke “transportuar” fjalët e politikanëve tanë, gjatë takimeve me zyrtarë të Bashkimit Evropian, dhe duke e marrë përmbajtjen e tyre të përgjithshme si përparim të Shqipërisë në rrugëtimin Evropian.

Që qeveria aktuale ka dy axhenda në raport me progresionin e pushtetit që administrojnë PS dhe LSI kjo është e dukshme. Kjo bën që edhe qëndrimet e qeverisë lidhur me çështjet të politikës së brendshme dhe asaj të jashtme të jenë me dy valenca. Teksa kryeministri Rama përpiqet të bindë opinionin se kushti që mban peng është ligji i Vetting-ut, aleati i tij në qeveri thotë se ka një listë kushtesh.

Kryeministri Edi Rama ka përsëritur për gazetën gjermane “Frankfurter Allgemeiner Zeitung” se integrimi i Ballkanit në BE siguron stabilitet për  vetë unionin. Ai ka folur për rrezikun rus dhe atë të isalmit radikal, njësoj si një ditë më parë.

 Nëse duam të kemi një BE të sigurt dhe të qëndrueshme, nuk është mirë që të krijohen vrima. Përveç kësaj, nuk do të harrojmë se ka aktorë të tretë, që po luajnë lojën e tyre dhe që mund të përfitojnë nëse BE lë një vakuum këtu. Po flas për Rusinë, por po flas edhe për Islamin Radikal

Një ditë pas vizitës së kryeministrit Rama në Gjermani, ministrja e Integrimit Klajda Gjosha ka dalë në një konferencë për të bërë publike rezultatet e vizitës. Ajo tha se publikut nuk mund t’i thuhet se çfarë kanë biseduar Rama e Merkel, por e rëndësishme sipas ministres është mbështetja e Gjermanisë.