hetimi

Partia Socialiste dhe pas saj qeveria po luajnë në mbrojtje në rastin e Saimir Tahirit. Ky do të ishte një lajm i mirë nëse nuk do të shikonim një sjellje që të kujton Sali Berishën e 21 janarit 2011. 

Në përpjekjen për të goditur me një dosje opozitën që sot ushtron presion për çështjen “Tahiri”, socialistët ndjejnë se janë të bllokuar në kundërveprimin e tyre nga prokuroria. Kryetari i Grupit Parlamentar, Taulant Balla, akuzoi sot organin e akuzës se po përdoret politikisht.

Çështja e ish-ministrit të Brendshëm Sajmir Tahiri ka marrë dje një drejtim poliitk të qartë me vendimin e Kuvendit të Shqipërisë. Z. Tahiri do të hetohet në gjendje të lirë dhe në këtë përballje ai ka përsëritur disa herë se do të kërkojë të vërtetën. Një ditë përpara seancës, z. Tahiri nxori para medias një vërtetim të ndjekjes penale nga Prokuroria e Katanias që provonte se ai ndaj tij nuk ka të regjistruar ndjekje penale në këtë njësi hetimore të Siçilisë.

Një numër i madh i atyre që ditët e fundit, në një mënyrë apo një tjetër, i kanë dalë në mbështetje Sajmir Tahirit, shfaqin një tipar të përbashkët: një indiferencë shembullore ndaj pyetjes, nëse ai është me faj apo jo për akuzat që i janë ngritur. Me një zell prej komsomolasish, sheh të rreshtuar militantë partie por edhe figura publike që i bien papushim daulleve të betejës për të mbrojtur Tahirin me çdo sakrificë. Paradoksalisht, në disonancë totale me mesazhin fillestar të liderit suprem, që la të kuptonte që Tahiri do lejohej ti nënshtrohej testit të drejtësisë. 

Sot ministri i Brendshëm Fatmir Xhafaj deklaroi se dosja e përgjimeve ku përmendet edhe emri i Sajmir Tahirit, është çështje e drejtësisë italiane dhe jo e policisë italiane.

Po ministri duket se ka të drejtë vetëm pjesërisht, pasi siç raporton sot Top-Channel, dosja e Katanias do të bashkohet në një të vetme me dosjet që ka në hetim prokuroria e Shqipërisë.

“Lamtumirë Rama! Ike me turp nga kjo punë.

Dy herë është shitur partia që drejton sot Ramë ziu: një herë e bleu Enver Hoxha me paratë e Ibrahim Biçakut, në vitin 1941; dhe herën e dytë e bleu Edi Rama me leje ndërtimi, duke qënë kryetari më abuziv i bashkisë së kryeqytetit në të gjithë historinë e kësaj bashkie”.

Ministri i Brendshëm  Fatmir Xhafaj ka anulluar tenderin e uniformave të policsë që kapte shifrën e 9.5 milionë eurove. Gazeta “Shqiptarja.com” publikon urdhërin e Xhafës, në të cilin argumentohet se ofertat e paraqitura nuk përputhen me kriteret e kërkuara në dokumentacionin e tenderit. Kjo është një goditje për ish-ministrin e Brendshëm, Sajmir Tahiri, që e prezantoi personalisht projektin për uniforma të reja.

Kryeprokurori i Gjykatës Ndërkombëtare të Krimeve, Luis Moreno Ocampo është përfshirë në një skandal që e vendos atë përballë akuzave për korrupsion, konflikt interesi, mitmarrje etj., duke njollosur rëndë imazhin e këtij institucioni. Ocampo, një ish-avokat nga Argjentina, që nisi karrierën dhe mori emër pas proceseve të viteve ’80 kundër përfaqësuesve të Juntës ushtarake në vemdin e tij, drejtonte një zyrë me 300 punonjës, të cilët kishin për detyrë të kapnin dhe nxirrnin para drejtësisë njerëzit e kërkuar për krime kundër njerëzimit.

Diçka misterioze po ndodh me diplomatët amerikanë në Havana të Kubës. Associated Pres shkruan së fundmi për hetimet që po kryhen nga pala amerikane rreth shkaqeve të simptomave që kanë prekur deri më tani 21 pjesëtarë të trupit diplomatik të SHBA në Kubë. Mjekët, shkencëtarët dhe analistët e shërbimeve sekrete nuk kanë qenë në gjendje të japin shpjegim se çfarë po ndodh ndonëse teoritë e tyre përfshijë armët elektromagnetike, pajisje përgjuese apo edhe një sulm zanor.

Zgjedhjet parlamentare përfunduan dhe tanimë ato janë pranuar nga të gjitha palët e përfshira. Megjithatë, dy subjekte kryesore, Partia Demokratike dhe Lëvizja Socialiste për Integrim kanë deklaruar se në zgjedhje pati blerje masive të votave, duke shtuar se paratë e kanabisit janë përdoru gjerësisht në fushatë dhe ditën e votimit. Këtë akuzë e bëri edhe aleati i PS-së, Paskal Milo.

Si bazë referuese për këtë aspekt do të jetë raporti final i OSBE-ODIHR, ndërkohë që partitë shqiptare janë të legjitimuara të vijojnë me pretendimet e tyre.

Çështja ruse kthehet në dhimbje koke për administratën Trump. Përfundimet e shërbimeve të inteligjencës amerikane thonë se rusët kanë interferuar në zgjedhje dhe për këtë ka hetime nga Kongresi dhe Departamenti i Drejtësisë në tagrin e këshilltarit special Robet Mueller. Ky i fundit që ka shërbyer edhe si ish-drejtor i Byrosë Federale të Hetimit, mbikëqyr hetimin për lidhje të mundshme, apo koordinim mes qeverisë ruse dhe njerëzve të caktuar në fushatën e Trump. Vetë presidenti amerikan ka punësuar një avokat, por edhe zv. Presidenti Mike Pence ka bërë të njëjtën gjë.