Heiko Mass

Shqipëria hyn këtë vit në një etapë të rëndësishme për integrimin europian. Në qershor të këtij viti është premtuar çelja e negociatave për anëtarësim nëse vendi do të plotësojë disa kushte dhe do të sigurojë besimin e vendeve anëtare. Në këtë kuadër, sot Kryetari i Kuvendit, Gramoz Ruçi, u ka drejtuar një letër Presidentit të Dhomës së Deputetëve të Rumanisë, Nicolae Liviu Dragnea dhe Presidentit të Senatit të këtij vendi, Calin Popescu Tariceanu përmes së cilës kërkon mbështetjen e këtij vendi që merr presidencën e Këshillit të Bashkimit Europian.

Në Tiranë ishte këtë të mërkurë  ministri i Jashtëm gjerman Heiko Maas. Takimin e parë e pati me homologun shqiptar Ditmir Bushati, ku deklaroi se hapja e negociatave qershorin e ardhshëm nuk duhet parë si proces automatik, pasi duhen përmbushur disa kushte ku më kryesorët janë reforma në drejtësi dhe lufta kundër korrupsionit.