greqia

Ndërkohë që Marrëveshja e Prespës po vlerësohet si ngjarja e vitit për Ballkanin Perëndimir, presidneti bullgar Rumen Radev ka hedhur në publik disa kundërshti që janë të vjetra por edhe aktuale. Ai ka kritikuar qeverinë bullgare të Boyko Borisov për qëndrimet e veta pro integrimit të Ballkanit Perëndimor që po ecën me faturën e ngrirjes apo anashkalimit të konflikteve të vjetra. Një ndër këto është edhe pranimi I gjuhës maqedonase e cila sipas Radev nuk ekziston. 

Vende si Spanja, Italia, Qipro, Greqia  dhe Turqia do të kenë çekuilibrimin më të madh të furnizimit me ujë në Evropë. Një studim i Qendrës së Përbashkët Kërkimore (JRC) të Komisionit Evropian parashikon rritje të thatësirës në këto vende. Kjo do të thotë se furnizimi me ujë i hidrocentraleve do të reduktohet dhe se përveç sektorit të energjisë do të ndikohen negativisht edhe bujqësia e transporti.

Kremlini duket se ka hedhur pas krahëve incidentin me diplomatët e vet në Greqi për të parë nga e ardhmja. Largimi i Nikos Kotzias duket se ka thjeshtuar gjërat, për shkak se presioni grek që çoi në largimin e diplomatëve rusë të dyshuar për veprimtari spiunazhi, lidhej shumë me emrin e ish-ministrit të Jashtëm grek. Në një prononcim të agjencinë Tass, ambasadori rus në Greqi, Andrey Maslov ka folur madje për një vizitë të kryeministrit grek, Aletxis Tsipras në Moskë, duke shtuar po ashtu se në fushën e bashkëpunimit ushtarak ka shumë për të bërë mes të dyja vendeve.

Kreu i kompanisë shtetërore greke për kërkimet hidrokarbure, Yannis Bassias, është shprehur në Forumim e Mesdheut Lindor se në 7-8 vitete ardhshme në Greqinë Perëndimore do të investohen 500 milionë euro. Bassias ka shpjeguar se investimet do të bëhen nga kompanitë që kërkojnë gaz dhe naftë duke misur që nga perëndimi e Korfuzit e deri në Kretë.

Gazeta konservatore greke “Kathimerini” njofton sot për mundësinë e zgjedhjeve të parakohshme në muajin mars. Gazeta i referohet burimeve afër kryeministrit Alexis Tsipras dhe e lidh opsionin e zgjedhjeve që sipas saj do të kërkohen nga vetë kryeministri me një seri zhvillimesh të brendshme dhe të jashtme. 

Duket se pala greke ka humbur një “shans” për të fituar diçka me presion ndaj Tiranës zyrtare pas ngjarjes së Bularatit. E ekspozuar në sytë e opinionit grek si një vrasje për shkaqe nacionalizmi, incidenti i rëndë i 28 tetorit mund të krijonte kushtet që ministri i ri i Jashtëm në detyrë, kryeministri aktual i Greqisë, Alexis Tsipras të mësynte me presion ndaj homologut shqiptar duke kërkuar zbardhjen e plotë të ngjarjes dhe të kushtëzonte pozicionet në raportet dypalëshe për çështje të caktuara.

10 000 studentë protestuan në Athinë dje në përkujtim të 17 nëntorit, që shënon rënien e juntës ushtarake. Mediat greke përcollën imazhe të përleshjeve mes studentëve dhe policisë përherë në të famshmin Universitet Politeknik që është shndërruar në një llojë zone përtej establishmentit politik grek. 

Kisha e Kretës nuk pajtohet me "neutralitetin fetar" të Greqisë, siç thuhet në një komunikatë të lëshuar nga Sinodi i Shenjtë i Kretës. Kjo deklaratë pas takimit që  Peshkopët e ishullit bënë për të diskutuar propozimin për rishikimin e Kushtetutës greke, pagat e klerit dhe  pronat e kishës.

"Në çdo rast, Kisha e Kretës nuk është dakord me shtimin ë frazës në nenin 3 të Kushtetutës Shteti grek është fetarisht neutra"-theksohet në komunikatën e Sinodit të Shenjtë.

Në Athinë është pritur me shqetësim miratimi në qeveri i amendimeve për ndryshimin e Kushtetutës.

Mediat shkruajnë se qarqet juridike dhe diplomatike afër presidentit Pavlopulos kanë shprehur rreth rezerva rreth nenit 36, i cili sipas tyre lë shteg të hapur për irredentizëm të ardhmen duke mos mbyllur përfundimisht çështjen e një "minoritet maqedonas" në Greqi, siç është argumentuar për vite me rradhë nga Shkupi.

Neni 36 thotë specifikisht:

Greqia, Bullgaria, Rumani dhe Serbia synojnë të marrin të drejtën e organizimit të Kupës së Botës në futboll që zhvillohet në vitin 2030. Të katërta vendet do të aplikojnë së bashku dhe për këtë është rënë dakord në takimin e presidentëve në Varna të Bullgarisë. 

Propozimi është bërë nga kryeministri grek, AlexisTsipras, ndërkohë që më herët një gjë të ngjashme, pra që në Ballkan të ketë një aktivitet të madh sportiv brenda dekadës që vjen, është bërë edhe nga presidenti bullgar, Rumen Radev.