google

Një raport më i fundit hedh dritë edhe më shumë për politikat e gjigandit të internetit, “Google” për ndikimin e opinionit publik në raport me politikat e veta. “Google Transparency Project” publikon raportin sipas të cilit “Google” ka financuar në një mënyrë apo në një tjetër, 329 kërkime të punblikuara nga akademikë të ndryshëm mes viteve 2005 – 2017. Sipas gjetjeve të GTP-së, në 54% të rasteve akademikët janë financuar drejtpërdrejt nga “Google”, pjesa tjetër ka patur lidhje të tërthorta financimi.

Një hap mbrapa në ruajtjen e privatësisë online. Kështu cilësohet ndërhyrja që bëri së fundmi Kongresi amerikan për shfuqizimin e një ligji të administratës Obama që u kërkonte ISP-ve – pra transmetuesve të internetit -  që të merrnn konsensusin e përdoruesve përpara se të ndanin me palë të treta historikun e kërkimit prej tyre në internet. Mbështetësit e kësaj nisme thonë se kjo do të rrisë konkurencën, pasi dihet se gjurma e kërkimit në internet lidhet me interesat e përdoruesit, punën dhe prirjet e tij, duke krijuar një profil i cili optimizohet mandej për qëllime të ofertës online.

Revista “Monitor” shkruan sot se prirja për t’u larguar nga Shqipëria po arrin rekorde. Një e dhënë e tërthortë është edhe kërkimi në internet që bëhet nga Shqipëria për azilin. Gjermania është destinacioni kryesor dhe sipas Institutit për Bashkëpunim dhe Zhvillim kërkimi në internet, përmes motorit Google, për azilkërkimin është kryer 587 mijë herë. Kjo për vitin 2016 kur ikja kapi përmasa të mëdha. Më e keqja është largimi i të rinjve, pasi azilkërkuesit shqiptarë I përkasin në masën 45% grupmoshës, 18-34 vjeç.

Rrjedhjet masive të informacionit të publikuara në WikiLeaks, të cilat hedhin dritë mbi faktin se CIA po shndërrohet gradualisht në një agjenci hakerimi dhe shkeljesh ligjore për sigurinë dhe privatësinë kibernetike, kanë dalë nga kontraktorët e saj. Të paktën kështu janë shprehur zyrtarë të agjencisë për “Reuters” duke bërë me dije se modeli Snoëden po tenton të bëhet epidemic.

Google ka testuar një program të inteligjencës artificiale duke u hedhur në lojë masive në Kinë. Nën nickname “Master” programi ka mundur të gjithë kampionët e lojës “Go”, një lojë strategjike e vjetër, që luhet mes dy personave. Që Master ishte kompjuter u kuptua nga shpejtësia e madhe e lëvizjeve, hapjet me lëvizje në dukje pa lidhje dhe naïve si dhe nga fakti se ai mundi shpejt edhe kampionin botëror në fuqi, Ke Jie.

Franca mund të krijojë kushtet që liria e shprehje të marrë goditje në shkallë globale. “Electronic Frontier Foundation”, një ent që është shumë aktiv në mbrojtjen e të drejtave në botën dixhitale – shkruante dje për një vendim të marrë së fundmi në Francë e që ka të bëjë me “të drejtën për t’u harruar”. Kjo e drejtë e detyron “Google”, motorri më i madh i kërkimit, që të fshijë të dhënat apo lidhjet e caktuara që kërkohen, në mënyrë që ato të mos shfaqen gjatë kërkimit. Mirëpo kjo kërkesë që ka provokuar debate këto vitet e fundit, në Francë po çohet më tej.

U fol shumë që me rastin e fitores së Barack Obamës, por së fundmi kjo është temë kryesore e ditës. Fjala është për ndikimin e internetit dhe rrjeteve sociale në ndikimin e zgjedhjeve, duke imponuar në zgjedhjen e njerëzve një variabël të ri që kushtëzon “lirinë” e tyre. Algoritmet e përdorur nga Facebook dhe Google nuk janë të qartë për shumëkënd dhe madje larg interesit të tyre, por partitë duhet të jenë të shqetësuara. Fitorja e Trump, si akt finalizues i një ngjarjeje të paimagjinueshme e ka përforcuar perceptimin për rolin e aktorëve të tillë si Google dhe Facebook.

New Scientist shkruan se “Google” është duke përfunduar kompjuterin më të madh kuantik që ekziston sot. Faqja në fjalë i jep shumë rëndësi këtij zhvillimi, duke vlerësuar se kjo do të transformojë komunikimin, por edhe do të ndikojë shumë më gjerë. Kompjuteri pritet të jetë gati në fund të vitit që vjen dhe një lajm i tillë është i pakonfirmuar pasi kompania po mban shumë sekret planet e zhvillimit të tij.

Gjigandi i kërkimit në internet, Google denoncon qeverinë amerikane se ndërmerr pothuajse 4 mijë sulme kibernetike në ditë, duke cënuar privatësinë dhe konfidencialitetin e informacionit që përpunojnë klientët e saj. Duke folur më kongresin e organizuar nga revista Fortune në Colorado, zv/presidentja Dian Green bëri publike edhe shifrën e sulmeve të dedektuara nga sistemet e sigurisë së Google.
Për këtë kërcënim kibernetik zv/presidentja e Google tha se kompania ka nisur të informojë klientët e saj, praktikë që e ka ndjekur më pas edhe Microsoft.

“Wikileaks” ka publikuar së fundmi rreth 30 322 emaile, hyrëse dhe dalëse nga adresa elektronike private  e Hillary Clinton, gjatë kohës që kjo e fundit ishte sekretare e Shtetit. Mes tyre figuron edhe email i i George Sorros që u publikuar në media para disa kohësh, e që i kërkonte Clinton të ndërhynte për situatën e krijuar në Shqipërië pas 21 janarit.