gjykata e larte

Serbi/Dy vjet burg për bashkëshorten e Sllobodan Millosheviç

Postuar në 27 Qershor, 2018 11:15

Gjykata e Lartë në Serbi ka dënuar me dy vjet heqje lirie, Mirjana Markoviç, bashkëshortja e ish-presidentit serb, Sllobodan Millosheviç. Akuza për Markoviç ishte për posedim të paligjshëm apartamentesh në vitin 2000 dhe ajo merr fund 15 vjet pas zyrtarizimit të saj.

Markoviç u dënua në mungesë pasi ajo që në vitin 2005 është në kërkim ndërkombëtar dhe bashkë me të dënime u dhanë ede për Zivka Knezeviç, ish-sekretare e qeverisë serbe dhe për ish-drejtorin e Shërbimeve Diplomatike, Milos Loncar. Markoviç ndodhet në Rusi si azilante politike.

Rekordi negativ i gjyqësorit: 12 vjet për shqyrtimin/gjykimin e plotë të një dosjeje

Postuar në 23 Maj, 2018 13:47

Çështjet e pashqyrtuara prej vitesh në Gjykatën e Lartë mund t’i kushtojnë shumë shtrenjtë shtetit në Gjykatën e Drejtave të Njeriut në Strasburg. Paralajmërimi për kostot e dosjeve të zvarritura vjen nga avokatët. Në këtë gjykatë gjenden në radhë rreth 20 mijë dosje të pahapura nga gjyqtarët për shkak të mungesës së kuorumit të anëtarëve. Sipas avokatit Ervin Muja afati i shqyrtimit të një dosjeje në të gjitha shkallë shkon deri në 12 vjet, për shkak të zvarritjeve dhe problemeve të krijuara nga mungesa e gjyqtarëve siç është rasti i Gjykatës së Lartë. 

Paralizë në Gjykatën e Lartë, 26 mijë dosje të pagjykuara

Postuar në 21 Prill, 2018 21:01

Reforma në drejtësi ka futur në kaos edhe Gjykatën e Lartë. Mbarimi i mandatit të disa gjyqtarëve ka bërë që në Gjykatën e Lartë të mbesin 9 gjyqtarë nga 19 që duhet të ishin normalisht. Ndërkohë 9 gjyqtarët e mbetur kanë për të gjykuar mbi 26 mijë dosje, çka është në fakt paralizim i punës. Nuk dihet sesi do të procedohet për të zgjidhur këtë situatë që vazhdon prej kohësh dhe mbi të gjitha nuk dihet sa është kostoja e këtij bllokimi absurd që mban peng marrëdhënie civile, administrative dhe penale për mbarë vendin. 

TvT

Kryetari i Gjykatës së Lartë: "Ndërhyrje nga politika për anullim vendimesh penale"

Postuar në 09 Janar, 2018 11:39

Kryetari i Gjykatës së Lartë, Xhezair Zaganjori, ka deklaruar përmes një interviste për “Gazeta Shqiptare” se ka patur ndërhyrje politike për anullimin e vendimeve penale.

Një vendim merr një gjyqtar apo prokuror, e kur ai nuk i pëlqen apo prek interesat e politikës, zbulohet menjëherë e shkuara, deri tek gjeneza personale e ndoshta edhe familjare e gjyqtarit apo prokurorit. Edhe për sa i përket çështjeve konkrete, nuk mund të them se nuk ekziston fenomeni i ndërhyrjes.

20 500 dosje në Gjykatën e Lartë, në pritje të gjykimit

Postuar në 24 Nëntor, 2017 20:55

Në arkivin e Gjykatës së Lartë, 20 mijë e 500 dosje pritet të gjykohen nga vetëm 9 anëtarë, nga 19 që parashikoheshin në ligjin e vjetër. Shefja e marrëdhënieve me median, Ida Vodica sqaron problematikën për kameran e TemA TV.

Panama Papers/Gjykata e Lartë e Pakistanit urdhëron shkarkimin e kryeministrit Nawaz Sharif

Postuar në 28 Korrik, 2017 12:16

Gjykata e Lartë e Pakistanit ka urdhëruar largimin nga detyra të kryeministrit Nawaz Sharif pas një viti hetimi dhe gjykimi për përfshirjen e tij në skandalin e Panama Papers. Sharif është në mandatin e tij të tretë dhe goditja e gjykatës vjen vetëm një vit përpara mbylljes së tij. Kjo e detyron partinë në pushtet, Lidhjen Myslimane Pakistaneze që të zgjedhë një kryeministër të përkohshëm deri në mbajtjen e zgjedhjeve të reja në mesin e vitit 2018.

Polonia nuk tërhiqet, miratohet reforma që i heq pavarësinë Gjykatës së Lartë

Postuar në 20 Korrik, 2017 20:16

Polonia – ky është emri më i ri për krizën politike të BE-së. Parlamenti i këtij vendi ka miratuar sot reformën e shumëdiskutuar e cila e vendos Gjykatën e Lartë nën autoritetin e qeverisë. Në tekstin e përmirësuar disi, është ndryshuar vetëm e drejta e ministrit të Drejtësisë për të sanksionuar rregullat proceduriale të Gjykatës së Lartë si dhe për të vendosur nëse gjykatësit do të mbajnë detyrën e tyre me hyrjen në fuqi të ligjit. Kjo e drejtë i kalon presidentit.

Reformatorët dhe absurdi me Këshillin e Emërimeve në Drejtësi

Postuar në 08 Shkurt, 2017 22:14

Politika ka marrë përsipër të tundë themelet e sistemit të drejtësisë në emër të reformës që kaloi me konsensus mesnatën e 21 korrikut, por ashtu siç ka nisur udhëheqësit dhe zbatuesit e reformës tregojnë se kanë dalë vetë nga binarët. U presupozua se 27 Janari hapi një faqe të re të drejtësisë shqiptare dhe historisë së vendit, pasi u hodh shorti për anëtarët e Këshillit të Emërimeve të Drejtësisë, institucioni i parë që do të ngrihej nga zbatimi i Reformës në Drejtësi. Mirëpo pa u shuar jehona e goglave të shortit rezulton se

Gjykata e Lartë rrëzon prokurorinë për hetimin e ILDKPKI-së

Postuar në 11 Janar, 2017 15:16

Përballja mes Prokurorisë dhe Inspektoriatit të Lartë të Deklarimit dhe Kontrollit të Pasurisë dhe Konfliktit të Interesit duke se ka shkuar në favor të këtij të fundit. Kësja I do shtuar edhe se të humburit jemi ne të gjithë. Prokuroria kishte nisur një hetim për shpërdorim detyre ndaj ILDKPI-së pas dyshimeve se në dy vitet e fundit nuk u verifikua pasuria e asnjë zyrtari të lartë. Një hetim kryesisht ky pa ndonjë fakt. Në dy shkallët e para kërkesa e Prokurorisë për të sekuestruar serverat e ILDKPI-së u hodh poshtë, çka ka çuar organin e akuzës të bëjë rekurs në Gjykatën e Lartë.

Përgjime video, elektronike, por edhe të bisedave në vende private

Postuar në 16 Dhjetor, 2016 08:35

“Shqiptarja.com” raporton sot depozitimin pranë Komisionit të Posaçëm për Reformën në Drejtësi të projektligjit për përgjimet parandaluese. Autorësia e draftit i shkon EURALIUS, OPDAT dhe ai parashikon disa dispozita me rëndësi.

Projektligji parashikon procedura të reja për përgjimin parandalues e komunikimeve elektronike, ndërsa përfshin për herë të parë video survejimin dhe përgjimin e bisedave në vende private dhe publike nga institucione shtetërore informative të krijuara. 

Pages

Subscribe to RSS - gjykata e larte