Gerdeci

Kryeministri Edi Rama ka ndarë sot me kallaballëkun digjital një hall të madh. Ai nuk po di si t’u shpjegojë të huajve kundërshtimin që po i bëhet në Shqipëri projektit të Portit të Durrësit duke sjellë si shembull ato që i quan pazarllëqe të Gërdecit.

Mirë vetes i thua duro si ke duruar se të dinë si veten e s’ke ç’u bën, po sekëlldi e madhe t’u shpjegosh të huajve se si mund të kulmojnë kaq lart injoranca me ligësinë dhe si mund të akuzohen investitorë të kalibrit të Muhammed Alabbarit për pazarllëqe të nivelit të Gërdecit!

Në mediat pranë pushtetit po zhvillohet prej disa ditësh një betejë ku janë shpallur fajtorët, mëkatarët dhe fituesit.

Kryeministri Edi Rama ka dalë sërish me idenë e hapjes së listave të kandiatëve për deputetë. I vendosur mes dy opozitave, z. Rama ka zgjedhur ta justifikojë këtë vendim me faktin se “atë e do populli”. 

Është interesant përdorimi i popullit si alibi në këtë rast, pasi ne e dimë se listat i mbylli i njëjti njeri. Vallë e pyeti popullin z. Rama kur vendosi ndryshimin e kushtetutës dhe mbylljen e listave? 

Qëndrimi i Gardës nuk është i pari në radhën e qëndrimeve të qeverisë Rama ndaj çështjeve të bujshme të qeverisë së mëparshme. Një qëndrim të njëjtë ka mbajtur qeveria Rama sikurse qeveria Berisha edhe për çështjen e Gërdecit. Në ankimimin e dorëzuar në gjykatë një vit më parë, një dokument që mban firmën e zv.ministrit të Mbrojtjes, Petro Koçi, tragjedia e Gërdecit përshkruhet të ketë ndodhur për shkak të një aksidenti teknologjik gjatë demontimit të municioneve.

Dje në emisionin e Rudina Xhungës u shfaq një intervistë me Guy Lawson, gazetar, i cili ka shkruar një libër për ngjarjen e Gërdecit të vitit 2008. Gazetari në fjalë bëri të ditur se ka gjetur informacione që implikonin në ngjarjet e Gërdecit, ku nga shpërthimi i një fabrike demontimi municionesh gjetën vdekjen 26 njerëz, ish-kryeministrin Sali Berisha, ministrin e dikurshëm të Mbrojtjes Fatmir Mediu, por edhe ish-zyrtarë të ambasadës amerikane, që sipas tij “mbyllën njërin sy”.

Gazeta “Tema” publikon sot faksimile të mbledhjes së qeverisë të datës 17 shkurt 2007, ku përcillet diskutimi për miratimin e një VKM-je për kontratën e demontimit të muncioneve në Gërdec. Në procesverbal bie në sy kundërshtimi i ish-ministrit të Financave Ridvan Bode, qëndrimi kërkues pro kontratës i ish-ministrit të Mbrojtjes, Fatmir Mediu dhe qëndrimi i kujdesshëm i ish-kryeministrit Sali Berisha. Bode ka kërkuar tender dhe jo lidhje direkte të kontratës, ish-ministri i Drejtësisë Ilir Rusmali, që kundërshton disa praktika që synohen të vihen në punë nga Berisha.

Nëpërmjet artit të tij kërkon që të mbajë qëndrim ndaj fenomeneve social-politike. Kësaj radhe fenomeni që e ka ngacmuar është dështimi. Për këtë ka zgjedhur çështjen e Gërdecit, duke e konsideruar si më të gjeturën, ose si dështimin më të suksesshëm që ka ndodhur në historinë bashkëkohore shqiptare. Ai tregon se vendimi i Gjykatës së Lartë në vitin 2013, nuk e mori parasysh gjendjen ekonomike të banorëve të fshatit, që punonin në fabrikë, për demontimin e armëve, në kushte të mjerueshme.

Shqipëria mund të ofrohet për demontimin apo asgjësimin e municioneve të tepërta të vendeve të tjera, ndërkohë që ka realizuar me sukses procesin e asgjësimit të stokut të vet. Ministrja e Mbrojtjes, Mimi Kodheli, ka deklaruar për “Vizion Plus”, se mundësia në fjalë nuk përjashtohet pasi specialistët shqiptarë mund të pajisen me çertifikata nga strukturat ndërkombëtare.

Mungesa e koherencës në qëndrime është “virtyt” i politikës kur kalon nga opozita në qeverisje, por në rastin e kryeministri Rama hendeku është i stërmadh. Avokati Dorian Matlija, aktivist i njohur për të drejtat e njeriut dhe përfaqësuesi ligjor i familjarëve të viktimave të Gërdecit i ka bërë sot tre pyetje Kryeministrit Edi Rama, ku spikat pikërisht ky hendek. Ja tre pyetjet: