financimi

Partneriteti më i ri mes qeverisë dhe operatorëve televizivë privatë që synon financimin me para publike të këtyre të fundit, ka sjellë reagimin edhe të OSBE-së dhe zyrës së saj në Vjenë. Përmes një deklarate, përfaqësuesi i OSBE-së për Lirinë e Shtypit, Harlem Desir deklaron rezerva të forta për këtë nismë, duke bërë thirrje qeverisë që të zhvillojë konsultime dhe të mos përqendrojë paranë publike vetëm te disa operatorë.

Pasi i mbajtën qëndrim njëri – tjetrit për gati një vit, pasi deri para pak javësh askush nuk dinte të thoshte ndonjë gjë me sigur, kryebashkiaku i Tiranës, Erjon Veliaj duket se është miqësuar sërish me kryeministrin Edi Rama. Ky i fundit ka nisur ta begenisë sërish Veliajn, me të cilin pret shirita përurimesh të punëve që ndonëse pasurojnë atë që z. Veliaj e quan Histori të Tiranës, pak thonë për përmirësimin e gjendjes në vend.

Vetëm një vit pas inaugurimit të Donald Trump në presidencën amerikane, Shtetet e Bashkuara po shkojnë drejt pezullimit të  disa agjencive federale pas refuzimit nga senati të një projekligji për financimin e buxhetit. Republikanët, që kanë 51 vende në senatin 100 vendesh nuk arritën t'i bindin demokratët që të bëjnë 60 votat e nevojshme për për financimin e shtetit federal deri më 16 shkurt.

Ministri për Evropën dhe Punët e Jashtme, Ditmir Bushati, ka prezantuar dje në Komisionin Parlamentar për Politikën e Jashtme, projektbuxhetin e kësaj ministrie për vitin 2018. Sipas ministrit rritja për këtë vit është me 0.74% krahasuar me një vit më parë dhe sipas asaj që ai deklaroi fondi mjafton që ndër të tjera “të vazhdohet me pjesë të ndryshme të rikonstruksionit të godinës së Ministrisë së Jashtme”. Ndërkohë që siç tha Bushati “jemi në fazën e mbylljes së bibliotekës”.

Një raport më i fundit hedh dritë edhe më shumë për politikat e gjigandit të internetit, “Google” për ndikimin e opinionit publik në raport me politikat e veta. “Google Transparency Project” publikon raportin sipas të cilit “Google” ka financuar në një mënyrë apo në një tjetër, 329 kërkime të punblikuara nga akademikë të ndryshëm mes viteve 2005 – 2017. Sipas gjetjeve të GTP-së, në 54% të rasteve akademikët janë financuar drejtpërdrejt nga “Google”, pjesa tjetër ka patur lidhje të tërthorta financimi.

400 mijë dollarë në një vit dhe operacioni i manpulimit të opinionit publik për një çështje të caktuar mund të realizohet thuajse 100% me sukses. Gazeta britanike “The Guardian” referon një sondazh dhe studim të një kompanie, “Trend Micro” sipas të cilit platformat sociale janë lehtësisht të përdorshme dhe se aksesorët e tyre promovues janë proporcionalisht të lidhur me shpenzimin e parave.

Mbajtja e një faqeje me përmbajtje aktive të pavërtetë, kushton 5000 dollarë në muaj, promovimi në rrjetet sociale vetëm 3000 dollarë në muaj.

Lungomare, apo Anëdetja e Vlorës, do të zgjatet edhe për ca kohë. Kreu i Bashkisë së qytetit, Dritan Leli, deklaroi sot se shtyrja lidhet me daljen e disa problemeve të paparashikuara.

“Për 10 ditë mbyllen kolektorët më të rëndësishëm të këtij investimi shtesë mbi projektin fillestar. Janë akorduar rreth 3 milionë euro, për stabilizimin e të gjithë sistemit të kanalizimeve të ujrave të bardha dhe ujrave të zeza për t’i lidhur ato me rrjetin”, tha Leli.

Në Shqipëri ka edhe financues të terrorizmit përveç se pjesëmarrës në linjat e aktivitetit të tij. Kjo është deklaruar nga Agim Ismailaj, zv.drejtori i Përgjithshëm i Parandalimit dhe Pastrimit të Parave, I cili raportoi dje në Komisionin Parlamentar të Sigurisë. “Disponojnë një listë me emrat e personave të dyshuar në Shqipëri që financojnë terrorizmin”, ka thënë Ismailaj, raporton “Koha Ditore”. Sipas Ismailaj gjatë vitit 2016, janë evidentuar 1300 raportime për transaksione të dyshimt dhe janë bllokuar 28 milionë euro nga veprimtari kriminale. 

Rruga e Arbrit parashikohet të nisë vitin që vjen. Kësaj radhe shpresohet se do të nisë me të vërtetë, pasi një gënjeshtër për së dyti për banorët e zonës, do të ishte tepër edhe për një pushtet që fiton me 4 000 vota diferencë.

Gjatë fushatës për zgjedhjet e parakoshme lokale në Dobër, kryeministri, Edi Rama, deklaroi se rruga nuk ishte bërë deri më sot për shkak të mungesës së parave. Kryeministri nuk zuri në gojë hapjen e procedura e me kinezët, miratimin e një ligji të veçantë etj..

Diku aty në të djathtë të rrugës Gjirokastër-Lunxhëri, sa kalon urën e lumit Drino, shtrihet një fushë mbuluar me bar, rrethuar me tela me gjemba, me një portë hekuri, me një ngrehinë që është quajtur stacioni meteorologjik dhe një numër blloqesh betoni të vendosur jo shumë larg njëri-tjetrit. Ne lunxhotët, që venim e vinim nga fshati në Gjirokastër, i thoshim “Fusha e aeroplanëve”, megjithëse në të nuk kishim pasur rastin të shinim ndonjë të tillë.