egjipt

Media të ndryshme raportojnë për një sjellje kurioze të presidentit egjiptian, Fattah Al-Sisi sipas të cilit qytetarët e vendit nuk duhet të revoltohen për çmimet e ngritura të ushqimve, por të marrin shembull nga Profeti që hëngri dikur gjethe.

Nuk jam i shqetësuar se dikush thotë se 1 kile bamje kushton 100 paund egjiptianë, sepse egjiptianët janë të vetëdijshëm se Profeti me të vetët u zunë në kurth në periferinë e Makkah për 3 vjet der isa nisën të hanë gjethe. Ata nuk I kërkuan Profetit ushqim apo që toka të shpërthente me ta

Këshilli Egjiptian i Shtetit, organi kryesor juridik në vend, ka hapur derën për femrat për herë të parë që nga krijimi në vitin 1946.

Sipas kreut të Këshillit, Mohamed Hossam el-Din, vendimi për të hapur mundësinë që edhe femrat të hyjnë në trupën e lartë gjyqësore, pason një vendim tjetër të janarit të këtij viti, marrë nga Këshilli Suprem për Trupat dhe Autoritetet Gjyqësore, që drejtohet nga presidenti i vendit, Abdel Fattah al-Sisi.

Egjiptianja Amie Sultan, kërcimtare bellydance, ka ndërmarrë një nismë për ta bërë këtë lloj arti e saj pjesë të listës së trashëgimisë kulturore së UNESCO-s. Shfaqjet e orëve të vona në klubet buzë Nilit janë gjithnjë e më të kërkuara, ndërsa turistët kanë nisur të rikthehen në Egjipt. Ata vijnë nga të gjitha vendet e botës, por në mënyrë të veçantë të pasionuar pas shfaqjeve bellydance janë turistët nga bota arabe.

Arkeologët që punojnë në shkretëtirën egjiptiane kanë bërë një nga zbulimet më të rëndësishme të 50 viteve të fundit: një nga katër tempujt e humbur të diellit.

Mendohet se gjashtë tempuj dielli u ngritën nga faraonët e dinastisë së pestë për të plotësuar piramidat e tyre.

Piramidat e mëdha u ndërtuan nga faraonët si vende ku të pushonin dhe për t'u siguruar se do të ishin zotër edhe në botën e përtejme.

Tempujt e diellit, megjithatë, e çuan dëshirën e hyjnizimit një hap më tej dhe kishin për qëllim ta bënin faraonin perëndi sa ishte ende gjallë.

Arkeologët egjiptianë që punojnë në Deltën e Nilit kanë zbuluar dhjetëra varre të rralla predinastike që datojnë në periudhën parafaraonike të 5 mijë viteve më parë. Në të njëjtën zonë u gjetën edhe varre afër periudhës së mëvonshme të Hyksos (1650 deri 1500 p.e.s.), kur migrantët e Azisë Perëndimore mbërritën në zonë dhe i dhanë fund Mbretërisë së Mesme të Egjiptit.

Një qytet 3000-vjeçar është zbuluar së fundmi nën rërat e Luksorit në zonën që njihet si Lugina e Mbretërve. Qyteti daton që në kohën e sundimit të Amenhotepit III, rreth vitit 1390 para Krishtit, dhe është banuar edhe më pas në periudhën e Tutankhamunit. Arkeologët e cilësojnë këtë si zbulimin më të madh që prej atij të varrit të Tutankhamunit. Ai është një pjesëz e mozaikut të egjiptianëve të lashtë në kohën kur perandoria ishte në kulmin e lulëzimit.

Mumje 2 mijë vjeçare që datojnë nga dinastia e Ptolemeut janë zbuluar në katakombet e Egjiptit në zonën e njohur arkeologjike të Tun el Gebel. Arkeologët egjiptianë prezantuan edhe varrin ku u gjetën  50 mumjet në Minia, në jug të Kajros.

"Ne gjetëm dy varre nëntë metra të thella që përmbajnë më shumë se gjashtë dhoma”-tha për AFP Mohamed Ragab, i cili merr pjesë në ekspeditën e kërkimeve, të cilat janë duke vazhduar.

Një grup portretesh 2,000-vjeçare janë zbuluar se janë pikturuar duke përdorur një paletë të sofistikuar dhe pigmente, shumë prej të cilave janë importuar nga Spanja dhe Greqia. Druri me të cilin janë pikturuar gjithashtu vjen nga Evropa Qendrore. Zbulimi habiti sepse bëhet fjalë për pigmentin e parë të prodhuar artificialisht që shpesh përdoret si shtresa përfundimtare e bojës. Portretet e gjetura në Tebtunis të Egjiptit konsiderohen si disa prej pikturave më të mira të ruajtura nga periudha romake dhe janë ndër koleksionet më të rëndësishme në botë.

Arkeologët zbuluan një piramidë të vjetër 3.700 vjeçare në afërsi të Kajros.  Departamenti i Antikiteteve të Egjiptit njoftoi se rrënojat e piramidës së vogla që i përkasin periudhës së dinastisë 13 (në vitet 1802-1640 pes), gjenden në nekropolin e Dahshur, në jug të kryeqytetit egjiptian. Arkeologët kanë zbuluar një korridor që të çon në brendësi të piramidës dhe hyrjen e një dhome.

Lirimi, i vendosur sot nga drejtësia, i ish-presidentit Hosni Mubarak, i cili mbretëroi me dorë të hekurt për 30 vjet, mbyll simbolikisht kapitullin e Pranverës Arabe në Egjipt.Avokati Me Farid el-Deeb theksoi se Mubarak, i cili aktualisht mbahet në një spital ushtarak në Kajro, mund të kthehet në shtëpi kur mjekët të thonë se ai mund të dalë.