dogana

Auditi i Brendshëm në dogana: Të ardhurat po bien, borxhi po rritet

Postuar në 16 Dhjetor, 2015 14:12

Auditi i Brendshëm në dogana në një analizë të punës për 6-mujorin e parë të këtij viti ka evidentuar se, treguesit e nivelit së degëve doganore të audituara nuk janë në nivele pozitive, ku treguesi i saj kryesor ”të ardhurat” gjatë periudhës së audituar paraqitet me mosrealizim.

 

Në raportin zyrtar të auditit që është publikuar nga Drejtoria e Përgjithshme e Doganave rezulton se, “treguesit e borxhit doganor janë në shifra jashtëzakonisht të larta”.

 

Hetimet për naftën virgin zbulojnë shtet disfunksional

Postuar në 12 Dhjetor, 2015 21:04

Në vitin 2010, Kombinati i Përpunimit të Thellë të Naftës në Ballsh, në atë kohë nën pronësinë e Rezart Taçit, i shiti një sasi karburanti gjysmë të përpunuar, të njohur si “virgin”, një kompanie të panjohur me emrin “Tea Construction & Petrol”. Sasia prej 5.6 milionë kilogramësh kishte vlerën prej 500 milionë lekësh dhe qe pa taksa.

Në Shqipëri, aktualisht një litër naftë i nënshtrohet një tatimi prej rreth 100 lekësh për litër, ku përfshihet, 37 lekë akcizë, 27 lekë taksë qarkullimi, taksë karboni e TVSH, e cila varion nga çmimi final i shitjes.

Shteti si Punë Laboratori, Shehaj e Tatimeve drejt Gjeorgjisë për një model të ri

Postuar në 08 Dhjetor, 2015 04:53

Drejtoresha e Tatimeve Briseida Shehaj dhe një pjesë e drejtuesve të kësaj drejtori janë nisur për në Gjeorgji. Burime nga Ministria e Financave bëjnë me dije se aryse e kësaj vizite që do të zgjasë 6 ditë është njohja dhe marrja e përvojës së Gjeorgjisë në bashkimin e tatimeve dhe doganave në një institucion. Gjeorgjia mbahet si vendi me suksese në lëmin fiskal dhe me sa duket qevria shqiptare mendon që të provojë edhe këtë gur në rritjen e performancës në administrimin fiskal.

Drejt modelit gjeorgjian të bashkimit të Tatimeve me Doganat?

Postuar në 05 Dhjetor, 2015 15:13

Disa informacione, ende jozyrtare, bëjnë me dije se qeveria po hedh sytë nga një model tjetër për administrin e financave dhe të ardhurave. Fjala është për modelin gjeorgjian, që integron Doganat me Tatimet. Ky model, i shpjeguar këtu:https://www.imf.org/external/np/seminars/eng/2011/revenue/pdf/rusuda.pdf, konsiston në reduktim taksash, konkretisht nga 22 në 6 dhe në integrim të Kodit Doganor dhe atë Fiskal.

Shkarkime të drejtorëve të tjerë në Dogana

Postuar në 24 Nëntor, 2015 18:01

Pas shkarkimit të disa drejtorëve në Drejtorinë e Përgjithshme të Doganave, kanë vijuar edhe disa lëvizje të tjera. Kështu raportohet se drejtuesit e degëve të Sarandës, Vlorës dhe Fierit janë shkarkuar. Doganat bashkë me Tatimet janë ndër sektorët me dështimin më të madh në mbledhjen e të ardhurave. Së fundmi për doganat qeveria ka pranuar edhe se ka njohur rritje dukuria e kontrabandës.

Rama, furtunë 2 minutëshe në dogana, shkarkon drejtorët e “dobët”

Postuar në 17 Nëntor, 2015 13:49

Zemërimin për performancën e dobët në dogana, që i ka kushtuar buxhetit të shtetit rreth 150 milionë euro, kryeministri Rama e ka zbrazur tek drejtorët e Departamenteve dhe të Drejtorive në Drejtorinë e Përgjithshme të Doganave. Lapsi .al raporton se mëngjesin e sotëm, në një mbledhje që nuk ka zgjatur më shumë se 2 minuta ai i shkarkoi personalisht nga detyra të gjithë drejtuesit.

Një koncesion që nuk i mbarojnë kostot, Kryeministri: “Tarifa e skanimit në dogana për fasonët do të paguhet nga shteti”

Postuar në 11 Nëntor, 2015 17:24

Falimentimi i praktikave shtetërore të konçesionimit me gjasë nuk ka precedentë gjëkundi tjetër. Konçesioni i skanimit në dogana, një skandal i turpshëm, për të cilin kjo qeveri ul sytë e bën sikur nuk kupton, pa zhvilluar hetimin tatimor, po prodhon kosto të reja. Kështu, vërtet kontrata në tërësi u ul me 100 milionë dollarë, por qeveria që sot bën sikur nuk ka çgfarë të bëjë, arriti të rishikonte kontratën sërish pas problemeve që pati me pagesat e dyfishta të subjekteve.

Qeveria pranon "të palarat" në dogana dhe flet për raste specifike që po hetohen

Postuar në 06 Nëntor, 2015 18:02

Qeveria është në pozitat kur i duhet të arrnojë të palara që i dalin nga njerëz brenda saj. Duke reaguar për denoncimin e ish-inspektorit të Antikintrabandës Ilir çela për kontrabandë në doganat e Kakavijës dhe Kapshticës qeveria e trajton rastin si specifik, duke pranuar se në dhjetor 2014 Departamenti Operativ Hetimor i Doganës ka zbuluar një rast kontrabandë në Degën Doganore Kakavijë dhe ky rast është hetuar nga strukturat e hetimit të këtij Departamenti’.

Ku është problemi i doganave, te Crown Agents apo te sabotimi me urdhër të eprorëve shqiptarë?

Postuar në 05 Nëntor, 2015 12:33

Doganat shënuan këtë muaj një tjetër mosrealizim plani. Drejtoresha Pranvera Fago deklaroi sot se janë disa faktorë që kanë ndikuar në mosrealizimin e të ardhurave, duke veçuar çmimin e naftës në bursa dhe rentën minerare. Ajo shtoi se janë disa kompani që po hetohen për kontrabandë dhe i bëri thirrje biznesit të denoncojë rastet kur i kërkohet rryshfet.

Është hera e parë që drejtues të doganave i lënë shteg interpretimit se në dogana po kryhet korrupsion dhe evazion fiskal veç justifikimeve për çmimet në bursa dhe rritjes së prodhimit të naftës vendase.

Çfarë përfaqëson ministri i Financave Shkëlqim Cani?

Postuar në 03 Nëntor, 2015 18:16

Shumëkujt mund t’i kujtohet se çfarë tha Shkëlqim Cani, ministër i Financave, në korrik të këtij viti, kur çështjes së të ardhurave në buxhet nuk mund t’i vihej më kapaku i heshtjes: “Ka një mosrealizim në të ardhurat nga doganat, për të cilin duhet nxjerrë përgjegjësia, secili duhet t’i dalë zot detyrave të veta”. Ish-drejtoresha, Elisa Spiropali kishte ikur dhe Cani duket se mendoi të bënte pak PR me parimin: Unë jam në rregull për vete. Fajin e kanë këta kalamajtë që ka vendosur kryeministri. Po ky ministër vallë i del zot punëve të veta? Disave po, disave jo.

Pages

Subscribe to RSS - dogana