dh albania

Skandali i fundit i Autoritetit Rrugor Shqiptar, ai i anullimit të tenderit të rrugës Kardhiq-Delvinë, po ngjan gjithmonë e më shumë me atë të vitit të shkuar të DH-Albania. Duket sikur firma italiane me ofertën më të shtrenjtë, Ircop s.p.a., ka ndjekur të njëjtën metodë si dhe DH-Albania.

Sot Top-Channel e pasuroi raportimin mbi shkarkimet në Autoritetin Rrugor Shqiptar me një video të kamerave të sigurisë që paraqisnin një situatë të paprecedentë. Një person me listë në dorë ndalonte që në institucion të hynin ata që mesa duket ishin shkarkuar, përfshirë edhe ish-drejtorin Afrim Qëndro.

Agjencia e Prokurimit Publik ka vendosur më 7 shkurt 2019 të dënojë me tre vjet përjashtim nga procedurat e prokurimit publik. Në njoftim e bërë publik me buletinin e datës 11 shkurt, Agjencia njofton se Dh Albania, kompania fantazmë që u shpall fituese për dy tendera me vlerë 30 milionë dollarësh, përjashtohet deri në datën 7 shkurt 2022.

Komedia e projektit të Unazës së Madhe të Tiranës nuk ka të sosur. Pas më shumë se tre muaj përballjeje mediatike dhe politike Agjencia e Prokurimit Publik njofton se vetëm procedimi administrative për DH Albania ka nisur vetëm në datën 18 janar 2019. APP njofton se në këtë datë i ka mbërritur kërkesa nga Operatori i Sistemit të Transmetimit dhe Autoritetit Rrugor Shqiptar, që është bërë shkak për nisjen e procedurës.

Pas drejtorit të Operatorit të Sistemit të Transmetimit Klodian Gradeci, i cili dha dorëheqjen, sot është shkarkuar drejtori i Autoritetit të Rrugëve, Afrim Qendro. Ministrja e re e Infrastrukturës, një njeri shumë i afërt i kryeministrit Edi Rama, ka marrë përsipër detyrën e pastrimit të rrënojave të Damian Gjiknurit sidomos me predhën e rëndë të mashtrimit të kompanisë DH Albania në prokurimin e Lotit i të Unazës së Madhe. E njëjta kompani kishte fituar tender edhe me OST-në duke krijuar dyshime të mëdha se ishte klient i preferuar nga Lart. 

Në fund të dhjetorit, duke folur për rastin e kompanisë DH Albania, kryeministri Rama deklaroi se “kompani që hyjnë me letra të falsifikuara nëpër tendera ka në të gjithë botën. Një qeveri, një ministri, një ministër nuk gjykohen nga fakti nëse hyn apo nuk hyn një kompani me letra të falsifikuara. Gjykohen nga mënyra sesi reagojnë në momentin kur fakti konstatohet… Përsa i përket rastit në fjalë, ku është korrupsioni që ka ndodhur, që të jem unë i qartë? Si?” u shpreh ai.

Protesta e banorëve të Unazës së Re ka gjeneruar një sërë zhvillimesh politike të cilat në sy të parë kapen jo lehtë. Përtej faktit se atë protestë kreu I opozitës e orientoi si bietejë kundër Erjon Veliajt dhe se në të nuk mori pjesë asnjëherë Sali Berisha, ka disa elementë të tjerë që meritojnë vëmendje.

Së pari lëvizja e Bashës është e kuptueshme në kontekstin elektoral të vitit 2019. Veliaj duhet goditur përpara se të rivalizohet.

Në datën 8 dhjetor 2018, ministri i Infrastrukturës Damian Gjiknuri do të sqaronte në rrjetin social Facebook situatën e krijuar me kompaninë DH Albania e cila ishte shpallur fituese e Lotit 1 në projektin e Unazës së Madhe. Ndër të tjera Gjinuri shprehej se:

Kompania në fjalë nuk ka marrë asnjë qindarkë nga Buxheti i Shtetit dhe garancia e saj financiare do të sekuestrohet, në rast se dokumentat e paraqitura prej tyre në garë nuk janë autentike.

E kapur gafil me aferën e tenderit për Lotin 1 të Unazës së Madhe, qeveria u shfajësua me argumentin se ndryshe nga qeveritë e kaluara reagoi dhe anulloi tenderin, ndërsa ministri përgjegjës Damian Gjiknuri bëri të paditurin kur u pyet nëse kishte dijeni qeveria se kush fshihej pas kompanisë DH Albania me përfaqësues ligjor 26 vjeçarin recepsionist Avdjol Dobi. Ministri madje tha se se po përpiqej të kuptonte kush qëndronte pas dy tenderave 30 milionë euro të fituara nga një kompani e themeluar vetëm në 25 qwrshor, e cila rezultoi me dokumentacion të falsifikuar.

Në Shqipëri janë shtuar pyetjet rreth firmës së regjistruar në Delaëare të SHBA, Dunëell Haberman, e cila përmes falsifikimit të dokumenteve të regjistrimit kompani kishte arritur të siguronte dy kontrata me vlerë prej rreth 30 milionë eurosh nga qeveria shqiptare. Firma kryente biznes me emrin DH Albania dhe në regjistrat kombëtarë si përfaqësues i saj figuron 26-vjeçari Avdjol Dobi.