deputetet

Deputetët Agron Duka, Arta Dade, Ben Blushi, Dashamir Shehi, Eduard Selami, Luljeta Arapi, Mimoza Hafizi, Nard Ndoka, Tahir Muhedini dhe Vangjel Dule i propozojnë parlamentit dy amendamente për ndryshimet në kushtetutë, me të cilat synojnë që ‘qendra’ e tyre të jetë populli.
Lajmin e ka bërë të ditur vetë deputetja e PS-së, Mimiza Hafizi, e cila ka postuar njëherësh edhe propozimet konkrete, të mbështetura edhe nga deputeti i PD-së, Eduard Selami. Grupi prej 10 deputetesh kërkojnë që presidenti të zgjidhet nga populli.

Lëvizja Socialiste për Integrim ka artikuluar sot në mënyrë të qartë se cili është pozicioni i saj për procedurën politike të miratimit të reformës në drejtësi. Nëse aleati i saj kryesor në qeveri, Partia Socialiste ka hapur mundësinë e rrjedhjes së votave nga opozita, LSI-ja ka dalë sot kundër. “Kjo do të çonte në një tjetër krizë politike”, tha Petrit Vasili, kryetar i Grupit Parlamentar të LSI-së. Sipas tij, nëse opozita nuk jep dakordësinë mirë është të kalohet në referendum.

Deputetët socialistë po e prezantojnë referendumin për mandatin e kryetarit si një ushtrim për demokracinë e Shqipërisë. Fushata është marrë përsipër nga deputetë të tipit Taulant Balla apo Blendi Klosi, seicili me kontribute te njohura kryesisht në afirmimin e kryetarit. Ja se çfarë u tha Taulant Balla socialistëve të Pogradecit "Ky referendum i rëndësishëm për demokracinë në vendin tonë. Kongresi vendosi qe përmes këtij referendumi të votojë antarësia dhe është e rëndësishme që çdo socialist në Pogradec dhe gjithë Shqiperinë të marrë pjesë në datën 9 në referendum.

Sot ra në sy një deklaratë nga Facebook e kreut të opozitës Lulzim Basha, toni i saj dhe akuza drejtuar ndaj kryeministrit Edi Rama, si një njeri i pazareve. “Tregtari i paskrupullt i politikës, spekulanti më i madh i pazareve më të pista në vend, ai që ka bërë pakt me krimin, themeluesi i aleancës së qelbësirave, ai që i zvarritej Nanos dhe i përkulej Metës kur ia lypte nevoja dhe sa kalonte lumin ngrinte kurthe për ta, politikani që ska mbajtur një fjalë apo një premtim që ditën e parë e deri më sot”, shkruan Basha.

Presidenti Nishani është i shqetësuar për korrupsionin në politikë. Ai ka paralajmëruar një skenar sipas të cilit maxhoranca do të kërkojë të miratojë pa konsensusin e opozitës ndryshimet kushtetuese për Reformën në Drejtësi. Në një intervistë për Panorama Presidenti është shprehur se maxhoranca nuk i ka e vetme votat dhe për këtë arsye reforma mund të miratohet me ‘blerjen’ e votave të disa deputetëve të Kuvendit.

Sot portali “lapsi.al” ka publikuar një email mes ministres së Inovacionit, Milena Harito dhe deputetit Tulant Balla, si dhe disa deputetëve të tjerë ku jepen disa poorosi për aplikimin e njerëzve të PS-së për punësim në administratë(http://www.lapsi.al/lajme/2015/12/14/ekskluzive-zbulohet-e-mail-që-udhëzon-punësimet-partiake-në-administratë#.Vm8QYSfGMgE).

Kryeministri po u thotë socialistëve se nuk duhet ta lidhin angazhimin e tyre në parti me kërkesën për punësime në shtet, por në fakt realiteti flet diçka më ndryshe. Sot Enkelejd Alibeaj, përfaqësues i Partisë Demokratike, ka publikuar një listë me 69 të punësuar për të cilët ka patur sipas tij, ndërhyrje politike nga deputetë apo ministra socialistë. “Në 6 raste, sekseri është Saimir Tahiri. Në 11 raste, Fatmir Xhafaj. Në 6 raste, ministrja kushërirë Milena Harito. Në 5 raste, Ditmir Bushati. Në 4 raste, Lindita Nikolla. Në 6 raste, Rakip Suli. Në 4 raste, Sadri Abazi.

Anëtarësimet në parti duket se nuk po e kënaqin kryeministrin Rama. Gazeta Panorama raporton se kryeministri ka kritikuar disa prej deputetëve socialistë për mënyrën e aktivizimit të tyre në bazë. Në mbledhjen e zhvilluar këtë të hënë në selinë e PS-së, Rama ka thënë se “jo të gjithë deputetët po punojnë njësoj”.
Rama ka kërkuar një prezencë më aktive të disa deputetëve në zonat ku ata janë zgjedhur, lidhur me rritjen e numrit të anëtarësimeve dhe organizimin e strukturave lokale.

Ka vetëm pak ditë që është bërë pjesë e parlamentit dhe ka fituar famë, jo për peshën e tij politike, por për profilin që shfaq.

Për të ishte ditë pune vajtja në shtëpinë e 101 vjeçare nga Fangu i Mirdititës, Barbulla Pepa, e cila jeton e vetme pa energji për shkak se është debitore në OSHEE. Pasi i ka dhuruar disa ndihma të moshuarës, Eduard Ndocaj bëri edhe një propozim për kolegët e tij deputetë.