denimi

Pas 20 vjetësh nga vrasja e gazetarit Slavko Curuvija, Gjykata Speciale serbe ka shpallur katër fajtorë duke i dënuar me afata të gjata burgimi. Radomir Markoviç, ish-shefi i Sigurimit të Shtetit në ish-Jugosllavinë e Millosheviçit dhe Milan Radonjiç, ish-drejtuesi i rajonit të Beogradit, u dënuan me nga 30 vjet burg.

Radikalizimi penal për akte të ndryshme, duket se nuk i mungon shekullit të 21-të. Sulltanati i Bruneit ka vendosur të shtojë masat ndëshkuese në Kodin Penal për tradhëtinë bashkëshortore dhe homoseksualizmin. Kështu sipas dispozitave të Sheriatit që janë pezulluar për katër vjet, homoseksualizmi do dënohet me vdekje, me gjuajtje me gurë. Dispozita do të aplikohet vetëm mbi myslimanët. I njëjti dënim mendohet të jepet për ata që kryejnë akte seksuale jashtëmartesore.

Viktor Malaj shkruan sot në gazetën “Dita” një opinion të gjatë që merret me situatën në vendm, me ndërkombëtarët, Edi Ramën, për të dalë në konkulzionin e tij – ta themi sipas një termi të dikurshëm - Disfatist, që e sheh largimin e berishizmit si obligim moral të Perëndimit ndaj shqiptarëve.

Edi Rama ka premtuar se nuk do t’u ndahet gjyqtarëve që shfuqizuan burgimin e përjetshëm për Dritan Dajtin. I pyetur nga një qytetar në Lezhë ai tha se dënimi me 25 vjet i njeriut që vrau 4 policë është një akt kriminal sepse jo vetëm e liruan autorin por i rivranë katër viktimat.

“Nuk do ti ndahemi kësaj çështje dhe këtë vendimi do ta bëjmë duke bërë të gjithë presionin e nevojshme, edhe para gjykatës, besoj se nuk t’ia dalin kaq lehtë. Këta lloj gjykatësish dhe prokurorësh janë si tumore, dhe i keni parë sesi vetingu po i largon të gjithë një nga një”-tha Rama.

Një gjyq ka ka zgjatur thuajse për 10 vjet me shtyrje seancash pasi drejtësia nuk kishte kurajon të kapte pa frikë me duar pataten e nxehtë Dritan Dajti, më në fund arriti në një finale që nuk ishte ndonjë suprizë.

25 vite burg u dhanë për njeriun që vrau 4 punonjës policie në masakrën e vitit 2009. Ishte Gjykata e Apelit të Krimeve të Rënda që ka rrëzuar vendimin për burgim të përjetshëm për Dritan Dajtin dhe ka pranuar kërkesën për gjykim të shkurtuar, çka do të thotë se dënimi tashmë reduktohet në 25 vite burg.

Gazeta “Dita” ka sjellë disa ditë më parë rastin e gjyqtarit Aleksandër Muskaj si shembull përgënjeshtrimi për deklaratat e kryeministrit Edi Rama se ai do të çojë në burg gjyqtarët e 21 janarit. Në një shënim të vetin gazeta vë në dukje, se premtimet e z. Rama nuk qëndrojnë në këmbë dhe janë madje gënjeshtra rë vërteta. Për rastin e z. Muskaj, mjafton fakti se ai është propozuar nga qeveria Rama për në Gjykatën Europiane të të Drejtave të Njeriut.

Ish-kryeministri i Pakisatnit Naëaz Sharif është dënuar me shtatë vjet burgim, me akuzat për posedim të aseteve përtej burimeve të njohura të të ardhurave.

Hetuesit gjetën se ai kishte blerë vila luksoze në Londër, duke marrë një dënim prej 10 vitesh burg në korrik, të cilin Sharif e pati apeluar.

Por Gjykata në Islamabad e shpalli sërish fajtor ish-kreun e qeverisë së Pakistanit, duke e dërguar në të njëjtin burg ku qëndroi pas arrestimit. Sharif u largua vitin e kaluar nga zyra, pasi nuk i është lejuar të udhëheqë për herë të tretë si kryeministër.

Debat të madh ka hapur në SHBA rasti i një babai nga Ohajo, i cili ka detyruar vajzën e tij të ecë 8 km në këmbë  si dënim për bullizmin që e bija kryentë në shkollë ndaj fëmijëve të tjerë.

Siç thuhet në reportazhin e  BBC, 10-vjeçares Kirsten iu dha një dënim tre-ditor për të mos udhëtuar me autobusin e shkollës për shkak se ishte kapur për herë të dytë duke ngacmuar fëmijët e tjerë. Pas kësaj babai i saj Matt Cox vendosi t'i jepte mësimin e jetës, duke e detyruar që rrugën vajtje ardhje për në shkollë ta bëjë në këmbë.

Ish-ministrja e brendshme maqedonase,  Gordana Jankullovska u dënua me 6 vite burg për abuzim me detyrën në tenderin e blerjes së automjetit të ish-kryeministrit Nikolla Gruevski. Akuza penale lidhet me shkeljet e një prokurimi publik, pasi ish-kryeminsitri e paracaktoi personalisht automjetin, duke shkelur procedurat me ndihmën e ish-vartësës së tij, Jankullovska.

Dënimi i parë për ngacmimin seksual në rrugë është realitet në Francë. Një burrë që "preku" një grua në një autobus afër Parisit, duke bërë komente për trupin e saj u dënua me tre muaj burg dhe gjobë.

Burri, i cili ishte nën ndikimin e alkoolit kur hipi në autobus, e preku 21-vjeçaren në anën e pasme të trupit dhe i foli me fjalor fyes për gjoksin e saj. Gjykata e quajti një sulm të qartë seksual duke e dënuar me 3 muaj burg dhe 300 euro gjobë.