dekriminalizimi

Prokurori i Përgjithshëm Adriatik Llalla ka rikonfirmuar edhe njëherë nga Elbasani se procesi i dekriminalizimit të sferave më të larta të shtetit shqiptar do të vazhdojë. I pyetur nëse do të ketë emra konkretë politikanësh, pushtetarësh, apo deputetësh ai u përgjigj. "Tashmë sapo kemi krijuar strukturën e posaçme dhe javën që vjen nis procesi verifikimit. Të tjerat varen nga rezultatet e hetimeve". Lalla u shpreh se ndryshimet u bënë në ato prokurori ku u konstatuan problematika dhe se prokurorët e larguar ishin koshientë ndaj dhe dhanë dorëheqjen.

Deputeti i Partisë Socialiste, Koço Kokëdhima gjatë emisionit “Top Story” u shpreh se nuk e ka votuar dhe se është kundër ligjit për dekriminalizimin.
Kokëdhima tha se ligji është në kundërshtim me Kushtetutën, dhe theksoi se do të kërkojë nga kolegë të tij socialistë dërgimin e ligjit në Gjykatë Kushtetuese. “Është një ligj absurd, antikushtetues dhe fyes dhe unë do t’u kërkoj kolegëve të mi që t’i kërkojmë Gjykatës Kushtetuese që ta anulojë atë ligj”, u shpreh ai.

Prokuroria e Përgjithshme ka krijuar së fundmi strukturën e posaçme që do të zbatojë ligjin e dekriminalizimit. Kreu i këtij institucioni, Adriatik Llalla, ka urdhëruar ngritjen e “strukturës së posaçme - Sektori i Verifikimit të Integritetit – e cila do të përbëhet nga dy prokurorë, tre oficerë të Policisë Gjyqësore dhe një specialist IT”, raporton Top-Channel.

Ligji parashikon vetëdeklarimin nga subjektet dhe mandej është organi i akuzës që ngarkohet me verifikimin e tyre, një hap që shkon përtej lojës symbyllur të  “dëshmisë së penalitetit”. 

Parti Demokratike po synon të nxjerrë maksimumin nga ligji i dekriminalizimit, miratimi i të cilit konfirmon ekzistencën e një problemi shumë serioz në vendimmarrjen e politikës shqiptare.

Pas një takimi me aleatët që ka zgjatur rreth 70 minuta, kreu i opozitës Lulzim Basha ka shpalosur 3 kushte që i janë vendosur mazhorancës. Ajo që bie në sy është se në prioritetet e opozitës është  dekriminalizimi dhe zgjedhjet e lira, dhe më pas reforma në drejtësi.

Ka qenë një ditë e tensionuar ajo e sotmja në Kuvend, provokuar kryesisht nga protesta e opozitës për amendimet në ligjin për dekriminalizmin. Një ditë më parë, PD-ja propozoi disa ndryshime nisur nga vendimi i Gjykatës së Lartë për ndryshimin e masës së sigurisë për deputetin Armando Prenga, i cili në mbrëmje deklaroi “vetëpezullimin”. Por sot Prenga është rishfaqur dhe ka votuar dy dekretet e Presidentit për emërmin e Arben Ahmetajt dhe Milva Ikonomit në detyrat e ministrit të Financave dhe atij të Ekonomisë.

Sot Partia Demokratike ka depozituar në Kuvendin e Shqipërisë nismën “Për disa shtesa dhe ndryshime në ligjin nr.138/2015 “Për garantimin e integritetit të personave që zgjidhen, emërohen, ose ushtrojnë funksione publike”. Në një prej pikave të veta, opozita propozon që: “Në nenin 2 bëhen këto shtesa dhe ndryshime: a) Fjalia e parë e paragrafit 1 ndryshohet si më poshtë vijon:

Ambasadori amerikan në vendin tonë Donald Lu i është drejtuar sot Kryesisë së Kuvendit, për një takim me kryeparlamentarin Ilir Meta. Ai është para të hyjë në ambientet e kryesisë pak para orës 09:00 dhe ka qëndruar aty rreth 15 minuta.
Paralelisht me këtë takim, në një zyrë tjetër të Kuvendit, janë ulur së bashku përfaqësues të Partisë Demokratike, Partisë Socialiste dhe LSI-së për të përfunduar aktet nënligjore që do të mundësojnë zbatimin e ligjit të dekriminalizimit.
Në këtë takim ishin të pranishëm edhe ekspertë të ambasadës amerikane.

Reforma në drejtësi është interesi parësor i SHBA-së në Shqipëri. Kështu thotë në një intervistë për “Zërin e Amerikës”, ambasadori amerikan Donald Lu, që shton se ka besim se në pranverë parlamenti do ta miratojë atë.

Zëri i Amerikës: Ju jeni angazhuar fuqimisht për të punuar nga afër me politikanët shqiptarë për gjetjen e zgjidhjeve të shumë çështjeve të rëndësishme dhe të komplikuara. Si kanë qenë këto marrëdhënie, të lehta, të vështira, apo frustruese?

Gjatë tryezës për reformën zgjedhore që është zhvilluar sot në Tiranë, ambasadori i Shteteve të Bashkuara të Amerikës, Donald Lu, ka bërë ndër të tjera këtë vërejtje:  “Votuesit shqiptarë kanë nevojë për të marrë përgjegjësi për të mos pranuar para për votën e tyre dhe për të mos votuar kriminelë. Ne mund të ankohemi sa herë të duam, por në një demokraci ne jemi përfundimisht përgjegjës për politikanët që zgjidhen”.