dekonspirim

Ministria e Brendshme pranoi zyrtarisht se aksioni për arrestimin e tre ish-drejtuesve të policisë të akuzuar për trafikim droge dhe lidhje me grupin e Habiljave dështoi. Në një deklaratë të saj thuhet specifikisht “Megjithë kontrollet e ushtruara në banesa dhe vendet ku dyshohej se mund të strehoheshin personat e mësipërm, nuk është bërë e mundur gjetja dhe ndalimi i tyre. 

Një nga anët më të errëta të policisë shqiptare është padyshim moskapja e Kelment Balilit, për të cili kishte një urdhër ndërkombëtar arresti. Për mos arrestimin e ish-drejtorit të Transporteve të Sarandës policia dhe prokuroria ia hodhën fajin njëra-tjetrës, ndërsa ish-ministri i shumëdiskutueshëm Sajmir Tahiri mbante fjalime dhe jepte premtime se policia ishte afër kapjes, por iku pa lëvizur asgjë.