bota

Dhuna në familje dhe dhuna me bazë gjinore është gjerësisht e përhapur në Azinë Qendrore. Por në mënyrë të veçantë, në Taxhikistan, një shoqëri thellësisht patriarkale, përmasat e saj janë akoma më të mëdha.

Një treg droge me vlerë miliarda euro ka vënë në lëvizje një makineri dhune të paprecedentë në Europë. Bëhet fjalë për rreth 30 miliardë euro që qarkullojnë çdo vit, shifër kjo e përllogaritur nga Europoli dhe Qendra Evropiane e Monitorimit për Drogën dhe Varësinë nga Drogat (EMCDDA). Importet e kokainës dhe eksportet e ekstazisë arritën secili shifra rekord në vitin 2022.

Alexis Goosdeel, drejtori i EMCDDA, e krahason nivelin e dhunës që ka gjeneruar ky treg me situatën në Amerikën Qendrore.

Evropa po del nga stina e dimrit me një vëllim rekord të gazit të magazinuar, i cili i ka kthyer çmimet sërish në nivelet e para krizës.

Skema e furnizimit ka ndryshuar shumë në raport me atë të dy viteve më parë, kur tregtarët dhe politikëbërësit ishin të shqetësuar për mungesat e mundshme të gazit pas pushtimit rus të Ukrainës.

Objektet e magazinimit në të gjithë Bashkimin Evropian dhe në Mbretërinë e Bashkuar ishin plot 62% më 5 mars krahasuar me një mesatare prej 41% në të njëjtën peridhë në vitet midis 2011 dhe 2020.

BE kushtëzon mbështetjen e vendeve të Ballkanit Perëndimor përmes Planit të Rritjes.

Ish-ambasadorja e OKB-së, Nikki Haley, pritet të tërhiqet nga gara për të përfaqësuar republikanët në zgjedhjet presidenciale. Humbja në ato që njihen në SHBA si zgjedhjet e Super të Martës është arsyeja që e shtyn Haley drejt tërheqjes, duke e lënë ish-Presidentin Donald Trump kandidatin e fundit të madh në mesin e republikanëve. Kjo i hap atij rrugën për të qenë i nominuari i republikanëve për përballjen me demokratin Joe Biden në garën për Shtëpinë e Bardhë.

Nënsekretarja e shtetit për çështjet politike, Victoria Nuland, do të largohet nga detyra. Sekretari i Shtetit, Antony Blinken, njoftoi se Nuland del në pension në javët e ardhshme.

Nuland lë postin e rëndësishëm në Departamentin e Shtetit, ku luajti një rol kyç në përgjigjen e SHBA-së ndaj luftës në Ukrainë – në një kohë kur financimi për Kievin ka ngecur në Kongres, ndërsa Rusia përparon në fushën e betejës.

Këshilli i Bashkimit Evropian dhe Parlamenti Evropian arritën një marrëveshje të përkohshme për të ndaluar hyrjen e produkteve të prodhuara me punë të detyruar në tregun e përbashkët evropian.

Marrëveshja përcakton përgjegjësitë që Komisioni i BE-së dhe shtetet anëtare kanë në identifikimin e kompanive që shfrytëzojnë punëtorët e detyruar dhe ndalojnë produktet e tyre.

Sipas ministrit të Ekonomisë dhe Punës në Belgjikë, Pierre-Yves Dermagne, marrëveshja ka për qëllim të prishë modelin e biznesit të këtyre kompanive.

SHBA nuk e përjashton mundësinë e përballjes me dy suerfuqi bërthamore në të njëjtën kohë. Ndërsa shqetësimet për bashkëpunimin ushtarak mes Rusië dhe Koresë së Veriut sa vijnë e shtohen, ushtria amerikane po përgatitet për të qenë gati në çdo rast.

Gjenerali Anthony Cotton, komandanti i Komandës Strategjike të SHBA, tha gjatë një sesioni të Komitetit të Shërbimeve të Armatosura të Senatit, se ushtria është e përgatitur për luftë “edhe brenda natës”.

Një takim i ushtarakëve të lartë gjermanë, gjatë të cilit diskutohet mbi mundësinë për t’i dhënë Ukrainës raketa me rreze të gjatë për të goditur objektiva në Krime, është publikuar në mediat ruse. Audio 38-minutëshe e mbledhjes u publikua nga shefja e RT, Margarita Simonyan.  

Në të, oficerët e lartë gjermanë diskutojnë se si raketat mund të godasin urën Kerç, e cila lidh Rusinë me Krimenë e aneksuar nga Rusia pak vite më parë.

Më shumë se dy dekada pasi u legalizua, në Gjermani, debati për prostitucionin është hapur sërish.

Opozita konservatore në Parlament po bën fushatë për të reformuar ligjin e vitit 2002 që e bëri punën seksuale të ligjshme.

Partia CDU e ish-kancelares Angela Merkel pretendon se legalizimi nuk e ka arritur qëllimin e tij: situata e punonjëseve të seksit nuk është përmirësuar dhe trafikimi i qenieve njerëzore nuk është ndalur.

Sipas disa studimeve, shumica dërrmuese e grave që punojnë në prostitucion në Gjermani janë në fakt nën kontrollin e një tutori.