blushi

Fatos Lubonja ka mbi 15 vjet që shkruan pa pushim për nevojën e shkundjes nga jashtë të sistemit politik shqiptar. Sipas tij, partitë politike në Shqipëri kontrollohen nga një kastë oligarkësh, disa prej të cilëve kontrollojnë edhe botën e mediave dhe të krimit. Zgjidhja që ai sugjeron është lindja e një lëvizje të re politike, jashtë sistemit aktual, të pavarur nga kjo kastë oligarkësh, e cila ta shkundë sistemin.

Ben Blushi ka përsëritur kritikat dhe akuzat e tij ndaj ekipit që drejton sot PS-në duke nënvizuar se në këtë parti e drejta po mbytet. “Unë mendoj se e drejta e gjithësecilit po mbytet. Një pakicë e pavotuar po detyron një shumicë ta pranojë atë si shumicë pa zgjedhje. Nëse kjo pakicë ka një meritë, ajo është pengmarrja e PS. Për këtë pakicë, nëse kërkon zgjedhje, zgjidhje apo mbledhje je 3 herë armik. Nëse do më shumë punësim je shumë armik, nëse do rritje pagash je shumë më shumë armik.

Deputeti Ben Blushi ka qenë sot i ftuar në emisionin “Opinion” ku është diskutuar për situatën politike dhe zgjedhjet në Partinë Socialiste. Duket se ndarja mes tij, pikëpamjeve që përfaqëson dhe qeverisjes së Edi Ramës, po thellohet e mund të thuhet se po shkon drejt divorcit. “Unë mendoj se kjo qeveri duhet të largohet, të largohet si metodë auokratike. Kjo PS duhet të ikë nga pushteti sepse është një parti që ndan më shumë tesera partie sesa vende pune”, tha Blushi. 

Ben Blushi ka shpallur hapur ambicjen për t’u bërë kryeministër dhe për të qeverisur Shqipërinë.Në pikën e parë të platformës së tij të quajtur “Shqipëria bëhet”, Blushi propozon një paketë dinjiteti për të varfrit, sipas së cilës shteti duhet të marrë në mbrojtje rreth 100 mijë familje, pjesëtarët e së cilave jetojnë me më pak se 40 dollarë në muaj.

Ben Blushi i ka dhënë sot një intervistë “Zërit të Amerikës” përmes së cilës ka sqaruar pozocionin e vet dhe synimet e Lëvizjes për Demokraci që është zyrtarizuar në PS, gjatë punimeve të Asamblesë. Blushi thotë se dokumenti i publikuar, është një dokument parimesh dhe se ai nuk synon ndarjen e PS-së. “Shtypi ka abuzuar, pavarësisht se jam gjithnjë pro shtypit. Nuk mendoj se shtypi nuk ka të drejtë. Shtypi nuk ka të drejtë kur nuk ka informacion, dhe është rasti t’ja japim. Ajo që u paraqit në Asamble dhe që u quajt si Lëvizje, është një dokument parimesh.

Deputeti Ben Blushi është deklaruar sot kundër mbylljes së kufijve për emigrantët, duke theksuar se nuk duhet ndjekur politikë diskriminuese. Gjatë fjalës së tij në Kuvend, Blushi tha se shqiptarët nuk janë racistë dhe as në këtë rast nuk duhet ta bëjnë, duke akuzuar qeverinë se bëri tregëti politike me muxhahedinët

Mediat kanë zbardhur sot një pjesë të debatit në grupin parlamentar të Partisë Socialiste, lidhur me tensionet e takimit të Elbasanit. Ndërhyrja e kryeministrit vlen për të kuptuar se Edi Rama është përpjekur të japë shenjat e një pajtimi me Blushin, ndërsa ka sqaruar edhe rolin e Taulant Ballës në këtë histori.

“Ajo që i ndodhi Blushit në Elbasan është ajo që i ndodhi Dritëro Agollit në vitin 1991, kur tha në Kongresin e Partisë së Punës: “Ne kemi gabuar dhe duhet të reformohemi”. Dritëroi e mbaroi fjalën, ndërsa Blushin se lanë të fliste, u agresua, e kërcënuan dhe nuk pati ndërhyrje. Të paktën Rama duhet të ndërhynte, ta linte të fliste. Është kthim mbrapa 25 vite, është fatkeqësi”. Kështu është shprehur sot në emisionin “Zululand” në “Tema Tv” Mark Marku, sipas të cilit Blushi po bën një hap pozitiv për politikën në tërësi, pasi po thyen monopolin e kryetarit. 

Servet Pëllumbi, një ish-drejtues i Partisë Socialiste ka bërë sot në gazetën “Panorama” disa komente për atë që ndodhi në takimin e Elbasanit me deputetin Ben Blushi. “Në këndvështrimin tim, ajo që ndodhi në takimin e Elbasanit nuk duhet të ndodhte, më ka lënë një shije jo të mirë, sepse Partia Socialiste njihet për demokracinë e brendshme, mendimin ndryshe dhe tolerancën ndaj mendimit ndryshe.

Është shoqëruar me tensione takimi i Partisë Socialiste në Elbasan. Sipas zakonit të vjetër të asaj partie, “disidenti” i radhës nuk është thirrur në takim, por kësaj radhe Ben Blushi, që është kthyer nga “komentator” në armik të PS-së, sipas një formulimi parafabrikat të Taulant Ballës, ka shkuar vetë në mbledhje. Siç raportohet në takim ka folur kryetari i PS-së, Edi Rama, mandej është ndërprerë transmetimi me regji, janë nxjerrë jashtë gazetarët, pasi të gjithë duhet të jenë të kënaqur që për popullin mjafton fjala e kryetarit. Të tjerat “i di Partia”. Po çfarë ka ndodhur aty brenda?