avioni

Të paktën 13 persona gjetën vdekjen dhe 6 të tjerë u plagosën në një aksident ajror në Moskë. Incidenti ndodhi gjatë një ulje të detyruar të një avioni të kompanisë Aeroflot që kishte si destinacion qytetin e Murmanskut.

Pak minuta pasi ishte ngritur nga pista e aeroportit Sheremetiev të Moskës pilotët njoftuan probleme teknike.   Më pas ekuipazhi i avionit Sukhoi Superxhet 100, konfirmoi se disa minuta pas ngritjes u godit dy herë nga rrufeja, duke bërë që shumë pajisje të dilnin jashtë funksionit.

Një avion ushtarak rus i tipit TU-154 me 84 persona në bord dhe 8 anëtarë të stafit u rrëzua në Detin e Zi, pak minuta pas ngritjes së tij nga aeroporti i Soçit. Në të udhëtonin gazetarë, personale ushtarake dhe 64 muzikantë dhe valltarë nga ansambli i ushtrisë. Avioni do të ulej në bazën ushtarake të Hmaimim të Sirisë. Burime nga Sputnik thanë se dyshimet e para janë për një defekt teknik apo gabim njerëzor të pilotit pasi kushtet atmosferike ishin normale për fluturim.

Vittorio Sgarbi, kritiku i njohur i artit në Itali ka publikuar një video ku rrëfen atë që i ndodhi në avionin e Sëiss Air në linjën Romë-Gjenevë.

Kur qeveria po shijonte frytet e një fitore dërrmuese në Dibër dhe ministri i Brendshëm ishte në apogjeun e një fushate televizive në parcelat e kanabisit, rënia e avionet Piper inë bregdetin e Ishmit e shndërroi shfaqjen në një komedi politike me në krye kryeministrin dhe pas tij ministrin e Brendshëm. çorientimi u pa qysh në filim kur ish-ministri Flamur Noka bëri publik lajmin. Të kapur në befasi, kryeministi la sallën e kuvendit, ministri Tahiri nisi telefonatat dhe kryetari i kuvendit ndërpreu seancën e kuvendit.

Një avion transportues i kompanisë DHL humbi kontrollin gjatë uljes në pistën e aeroportit të Bergamos duke dalë jashtë rrethimit të aeroportit. Avioni 737-400 ishte nisur nga aeroporti Sharl De Gol i Parisit me destinacion Lombardinë, por piloti nuk mundi të kryejë ulje normale për shkak të kushteve të të këqija atmosferike. Si pasojë avioni çau rrethimin e rrjetës metalike dhe ndaloi në rrugën automobilistike jashtë aeroportit. Incidenti ndodhi rreth orës 4 pas mesnate, ku edhe  për shkak  të orarit nuk kishte qarkullim të dendur automjetesh. Për momentin nuk raportohet për të lënduar.

Rreth shtatë muaj pasi Turqia rrëzoi një avion luftarak rus të llojit Su-24 , me pretendimin se ka shkelur hapësirën ajrore turke, presidenti turk Erdogan ka kërkuar falje për incidentin dhe duke shprehur pikëllimin për vdekjen e pilotit. Në një letër drejtuar presidentit rus Vladimir Putin, Erdogan kërkoi falje për incidentin, pasi të cilit mbizotëroi klima e një Lufte të Ftohtë midis Moskës dhe Ankarasë.

Që prej orës 8 e 30 të mëngjesit kur avioni Air bus 320 i Egypt Air bëri ulje të detyruar në aeroportin Larnaka të Qipros, autoritet u vunë në alarm për të zbardhur detajet e pengmarrjes. Fillimisht  u tha se pengmarrësi ishte Ibrahim Samaha, nje shtetas amerikan me origjinë egjiptiane, profesor i Veterinarisë në Universitetin e Atlantës, por ministria e Jashtme Egjiptiane përgënjeshtroi lajmet dhe doli me njoftimin se autori është Seif Edin Mustafa, oficer i ushtrisë egjiptiane. Kërkesat e tij mësohet se kanë qenë politike dhe lidhen me mbajtjen në burg të disa grave në Egjipt.

Do të ketë një shpejtësi dy herë më të lartë se ajo e zërit dhe do të kryejë fluturimin nga Nju Jorku në Londër për 3  orë e 25 minuta. Kështu një britanik do të ketë mundësinë që brenda ditës të shkojë nga Nju Jorku në Londër dhe anasjelltas. Avioni i ri Boom që u prezantua së fundmi do  të jetë  së shpejti në shërbim të publikut. Kompania  ajrore e Denverit, ku dhe është prodhuar avioni premton çmime ekonomike si për biznesmenët ashtu dhe përdorimin e gjerë. Porositë e para jënë bërë.

Një aksident ajror ka ndodhur mëngjesin e sotëm në Rusi, ku për pasojë kanë humbur jetën 62 persona që ishin në bord.
Boeing 737 – 800 i kompanisë FlyDubai, i cili ishte nisur nga Dubai kishte si destinacion Rostovin. Mediat raportojnë se aksidenti ka ndodhur rreth orës 03:50 me orën lokale, ndërsa avioni i drejtuar nga një pilot qipriot është rrëzuar në tentativë për t’u ulur në aeroport.
Ende nuk dihet shkaku i saktë i përplasjes së avionit, megjthatë mendohet se moti i keq, erërat e forta dhe ndriçimi jo i duhur i pistës, janë shkaktarët e këtij aksidenti fatal.

Inxhinieri kanadez Charles Bombadier ka prezantuar një projekt që synon të shkurtojë në mënyrë radikale kohën e udhëtimit me avion. “Antipode” është emri i projektit që konsiston në një avion me shpejtësi deri në 24 Mach. Sipas asaj që prezantohet avioni merr 10 pasagjerë dhe distancën mes Londrës dhe New Yorkut e kryen për 11 minuta. Ai lëshohet në ajër nga një sistem i ngjashëm me atë të një treni që del nga një tunel nën ndikimin e fushës magnetike dhe mandej me karburante si oksigjen i lëngshëm apo kerosen arrin deri në 10 Mach.