arrestimi

Stefanaq Kote do të jetë drejtori i Drejtorisë së Tatimeve për Tiranën. Lajmi bëhet i ditur nga “Tema Tv” që thekson se Kote është një person “një përvojë të gjatë në këtë sektor”. Ai zëvendëson Androkli Kokthin, i arrestuar në muajin shkurt me akuzën për korrupsion, ende në gjykim.

Lëvizja Vetëvendosje poston në profilin e vet në “Facebook” se është arrestuar “aktivisti Arbër Zaimi, shtetas i Republikës së Shqipërisë”. Arsyet që jep partia e Albin Kurtit janë interesante: “Policia e Kosovës, sapo arrestoi aktivistin e VETËVENDOSJE!-s, Arbër Zaimi, vetëm për shkak sa ka shtetësi të Republikës së Shqipërisë. Siç po duket, Qeveria e Kosovës është e vendosur që të largojë nga Kosova secilin qytetar të Republikës së Shqipërisë, dhe po aq e vendosur që të lehtësojë intervenimet e ndryshme, legale dhe ilegale të Serbisë.

Policia e Kosovës ka arrestuar mëngjesin e kësaj të mërkure kreun e Lëvizjes Vetvendosje, Visar Ymeri. Arrestimi është bërë në mëngjes herët në banesën e tij në Prishtinë dhe lidhet me një sulm të Ymerit ndaj një deputeti në vitin 2012. Ajo që bie në sy është se ndryshe nga sa ndodh në Shqipëri me arrestimet “politike” policia e Kosovës qëndron larg shout duke e shoqëruar kreun e Vetvendosjes pa pranga drejt Gjykatës. 

Në SHBA FBI-ja po vazhdon betejën ligjore me kompaninë “Apple” për dekodimin e një telefoni që i përket një personi të dyshuar si i përfshirë në aktet terroriste dhjetorin e kaluar. Por krejt ndryshe veprohet në Brazil. Policia ka arrestuar zv.presidentin e “Facebook” për Amerikën Latine, Diego Dzodan, i cili ka refuzuar vazhdimisht të zbatojë një vendim gjykate që urdhëronte dorëzimin e të dhënave të nevojshme për një hetim për trafik droge.

Është arrestuar pasditen e sotme drejtori i Drejtorisë së Tatimeve në Tiranë, Androkli Kokthi. 40 vjeçari ishte në hetim disa mujor nga Krimi Ekonomik në Drejtorinë e Policisë së Tiranës që edhe ka kërkuar arrestimin. Prokuroria ka lëshuar urdhrin dhe Kokthi ndodhet në pranga me akuzën e shpërdorimit të detyrës me mallrat e sekuestruara. Kokthi është një drejtues i njohur në Tatime dhe jo pak i përfolur. Para një viti një punonjës i tij e akuzonte për vonesa në kontrollin e subjekteve, duke shkaktuar evazion. Këtu video e këtij denoncimi:

Policia e Kosovës arrestoi mëngjesin e sotëm Glauk Konjufcën, kreun e grupit parlamentar të Lëvizjes “Vetëvendosje”. Ai akuzohet për shkatërrimin e makinave të Euleksit në vitin 2009. Kontrollet u kryen edhe në shtëpitë e Xhelal Sveçlës dhe Sali Zybës, por pa mundur ti gjejnë. Shtëpia e Zybës, sic raportohet në faqen online të Gazetës Express, ndodhet pranë asaj të themeluesit të Vetëvendosjes, Albin Kurtit.

Disa media po raportojnë aktualisht arrestimin në Resnjë të Maqedonisë të Edmond Themelkos, kryetar i Bashkisë së Pustecit në Shqipërië. Akuza është: manipulim zgjedhjesh(http://www.balkanweb.com/site/arrestohet-ne-maqedoni-kryebashkiaku-i-pus...). Në kushtet kur situata e arrestimit është ende e paqartë, vlen të nënvizohet se precedenti i Maqedonisë, apelon edhe më shumë për vlerën që ka Byroja Kombëtare e Hetimit, me të cilën politika në Tiranë po luan pisët.

Është arrestuar sot në mbrëmje Sait Fishta, biznesmen dhe ish-kandidat i PS-së në zgjedhjet e fundit. Po kështu Fishta ka qenë më herët kandidat edhe me Lëvizjen Socialiste për Integrim.
Sot paradite mediat njoftuan se u vendos sekuestro preventive për 9 pallate në Velipojë, që ishin ndërtuar nga Fishta. Ndalimi është bërë me urdhër të prokurorisë në Shkodër.

http://www.m.lapsi.al/lajme/2016/02/07/arrestohet-sait-fishta-kandidati-...ër-deputet-në-shkodër#.VrfCCq-kqrU

Prokurori i Përgjithshëm, Adriatik Llalla, ka qenë i ftuar mbrëmë në “Top-Story”. Llalla, i vendosur së fundmi në qendër të vëmendjes, ka dhënë përgjigje për shumë çështje të aktualitetit politik. Ai ka shpjeguar angazhimin e Prokurorisë për hetimin e disa ngjarjeve: 21 janarin, arrestimin e Spiro Kserës, ish-ministër i Çështjeve Sociale, apo edhe përgjimin Meta-Ismailaj. Llalla ka deklaruar se Ilir Meta është përgjuar që në vitin 2008, pra në kohën kur në detyrë ishte Ina Rama.

Dje, pra një ditë pasi ish-ministri i Punës dhe Çështjeve Sociale, Spiro Ksera, u arrestua, Partia Demokratike doli me një deklaratë ku shprehte neutralitetin dhe kërkonte “hetim të paanshëm”. “Partia Demokratike mbështet dhe inkurajon çdo hetim dhe akt të drejtësisë në luftën kundër korrupsionit. Partia Demokratike nuk bëhet pengesë e asnjë hetimi ndaj zyrtarëve apo ish-zyrtarëve të saj në asnjë rast dhe e vlerëson luftën ndaj korrupsionit si jetike për vendin. Në lidhje me ndalimin e z.